بنات كندا اليوم رحت لقاب

وعاملين خصم 40% على كل الجاكيتات

والاكسسورات اي شي تشتريه قباعات شالات هيلاهوبات ب 10 دولار

اشتريت جكيت كان ب 74 صار ب 40 دولار لبنوتي

كوين والله انك دايماا تنقذيني ياحبيل قليبك

انا محتاره ابي اشتري عربيه وجلاسه لسياره

بس اللي فهمته منك انه فيه شي صغير تنزلين فيه وشي كبير ثابت وش احسن اذا ماعليك امر نزليلي صور ووين احصله

والله يجزاكم الجنه

ازعجتك والله بس بكريه ولا اعرف احد مشتري هالاغراض الله يوفقك

ما شاء الله تخفيض حلو
تتهنى فيه الحلوه
ذكرتيني الأسبوع اللي راح شفت جيمبوري مسوين خصم تذكرت أمريكيه الله يقومها بالسلامه لانها كانت على قطع تبيها لبنتها



ياحبيل قليبك أكثر :42:
لا عادي أسألي أنا بكر ومسويه فاهمه واشتريت من دون ما أسأل بس أكابر ما أقول إني توهقت ببعض الأشياء :22:
فانا مع أن الوحده تسأل وبقوه

النوع الأول
أسمه
travel system
كذا يجيك


عربيه مع كار سيت

بعدين تركبين الكارسيت على العربيه زي كذا


وطبعا لا تنسين تسألين هل بتجي معه القاعده للكارسيت
كيف هذا النظام
القاعده تكون بالسياره مثبته
تركبين الكار سيت عليها وتفكينه بسهوله بعدين تركبينه على العربيه

مميزات هذا النظام ومتى تحتاجينه
١- أنه الكارسيت صغير فيدخل بكل السيارات
٢- أنه سهل تنقلين الكارسيت معك فتقدرين تنزلينه بالبيت بالشتاء خاصه وتلبسين طفلك وتحطينه فيه من البيت بعدين تنزلين للسياره
٣- إذا ما عندك سياره أو بس سياره وحده وزوجك مشغول وفي أحد ثاني بيوديك تقدرين تنقلين الكارسيت بسهوله للسياره الثانيه
٤- ممكن تستعملين الكارسيت جلاسه إذا بتروحين لاحد
٥- أريح للطفل يكون جالس بالكارسيت بس وانتي تنقلين الكارسيت

عيوبه
١- أنه في بعض الأطفال الكارسيت ما يكفيهم إلا لعمر ٤ أو ٥ شهور
٢- الطفل يتعب من وضعيه الجلوس إذا طول


النوع الثاني
هو الكارسيت كبير لحاله والعربيه لحالها
في كارسيت يجيك كبير بس تأكدي أنه من عمر الولاده
هذي صورته



والعربيه لحال ما لهم علاقه ببعض
ولازم تأكدي من العربيه أنها ممكن تكون في وضع النايم لان الطفل اللي توه مولود صعبه يكون بالعربيه في وضع شبه جالس
شوفي العربية اللي زي كذا ممكن يكون نايم وممكن يكون جالس



مميزات النظام هذا
١- إذا كنتوا مطولين يفيدك مو كل شوي مغيره الكارسيت يعني يمكن أرجع من كندا وولدي عمره ٥ سنوات فكذا أريح
٢- أنه طفلك يتعود على الكارسيت هذا ومايتضايق إذا تغير عليه
٣- أنه يغير جو مو طول الوقت في الكارسيت يعني مره في العربيه مره في الكارسيت
٤- إذا كان الطفل صغير فاغلب وقته نايم فالعربيه أريح بالنوم من الكارسيت

عيوبه
١- الكارسيت كبير لدرجه يسوي زحمه بالسياره وبعض السيارات ما يدخل فيهم
٢- صعب تنقلين الكارسيت معك من سياره لسياره فتنحبسين مع طفلك ما تقدرين تطلعين إلا بسيارتك
٣- إذا بتروحين لاحد لازم تاخذين معك جلاسه


في عربيه أسمها
5in 1 stroller

هذي صورتها



ميزتها
أنها عربيه وكارسيت لعمر الولاده وعمر فوق ٦ شهور وكرسي للطياره وتقدرين تحطينها فوق الكرسي العادي في المطاعم فيصير كرسي أكل

عيوبها
أنه كفرات العربيه صغيره والطفل قريب من الأرض فإذا كنتي في مدينه فيها شتاء وثلوج ما تنفع لانها ما راح تطاعس في الثلج

هذا اللي أذكره

نسيت أقول تلقين أول نوعين في تويز أر أص أو سيرز
أما الأخير شفته بالنت معروض في وال مارت

الله يوفقك ياكويييييين والله مادري شقول ابصراحه مرررررررره نفعتيني الله يجزاك الجنه ويكثر خيررك

انا يمكن ارجع وعمره تقريبا ٨ شهور الى سنه وعاد قالو لي ان الطياره يامنو لك جلاس للبيبي سرير اوشي

وان العربيه ماتستفيدي منها حتى في المطار والله مادري

الله يجزاك الجنه وتراني ماحصلت لك رد عن الولاده خخخخخخخخخخخخخ