فناتيل
•
صحت هند الساعه 2 الظهر بتوقيت جنيف
ماحصلت فهد طلعت لقته بالصاله وياامه وكانت ام فهد مظبطه قهوه وجايبه شوكلاتات معها
هند: السلام عليكم
فهد: ههههه حسستيني بمدرسه وانتي تسلمين
هند: ليش تحية الاسلام كيف حسستك انك بمدرسه
ام فهد: وعليكم السلام والله اقول لفهد صحها تتقهوى معنا يقول خليها على راحتها
هند: تسلمين ياخالتي (هند كانت محتاره من امر فهد لما يكون مع امه مايكون حريص تكون هند بجنبه وماتدري هل هو فعلا يبيها على راحتها او انه كان يحب يجلس مع امه لحالهم
هند: مشاءالله عليك ياخاله انتي متقضيه هالاغراض
ام فهد: ايه والله مافيني نوم وقلت برجع والقاهم نايميين خذت لي كم لفه وتقضيت بعض اللوازم وجييت
هند جاها شعور ودها تضحك من تصرفات ام فهد
فهد: هند جيبي لك فنجال والااذا تبينها بكوب هنا كوب
هند: لابجيب لي فنجال
ام فهد: هند ذوقي هالشوكلاته وقولي لي راييك؟؟
هند: اممممممممممممم مره تجنن
فهد: تدرين امي ماتقاومها حتى لو ماسافرنا توصي صديقاتها يجيبون لها
هند: مشاءالله خالتي ذوق بكل شيء
ام فهد: ياجعلك تسلمين انتي الذوق كله
فهد: وين تبون نطلع
ام فهد: خلونا نطلع نتغدى سواء وبعدها ودوني للمول القريب هنا وروحو تمشو براحتكم
فهد: لاوش دعوه جايين نتمشى سوى ونحطك بالمول ونروح
ام فهد: ماعليكم مني خذو راحتكم وبااخذ راحتي، حتى يمكن اروح اخذ لي سياره ايجار بس مدري كم ناوي نجلس بجنيف يمه
فهد: والله انا منسق اننا نجلس عشر ايام علشان يمدييك تسويين شوبينق ونتمشى وبعدها نطلع لمدينه ثانيه
ام فهد: ايه لاعشر ايام ممتاز ، طيب وش راييكم نطلع نتعشى في اي دايوان حلو اكلهم
فهد: وش راييك هند هذا مطعم لبناني هنا حلو اكلهم
هد: اوكي مو مشكله
فهد يله اجهزو وانا بنزل لسيارتي
نزل فهد للسياره ينتظرهم
ام فهد جت دخلت فجأه على هند بغرفتها وهند كانت لابسه عبايتها وتفاجات بدخول ام فهد: هلا خالتي
ام فهد: هند هذي عبايه البسييها تعرفين هنا مايصلح تلبسين عباية السعوديه
هند: خالتي صدقيني مااقدر اغير عبايتي الحين محرجه من عباية الكتف اللي لابستها وتقوليين لي البس هذي سوري خالتي
ام فهد انحرجت من موقف هند: براحتك يابنتي وطلعت من عندها
هند: حست انهم محرجيين منها ، ( بس انا ماسويت غلط هم اللي على غلط ،،لازم تصير لي كلمه وكلمه وحده ماتصير كلمتيين)
نزلت هند وفهد وامه بالسياره ام فهد تركب قدام وهند ركبت بالخلف طلعو عالمطعم اللبناني كان المطعم مليان بالعرب وقله منهم اجانب فكان الوضع عادي بالنسبه لهند ومافيه اي مضايقات
بعد الغداء طلعو يتمشون ويقررون وين يروحون واستقر الراي على الحديقة المائيه
فهد: هند جايبه كاميرتك؟؟
هند: لاوالله نسيتها
فهد تطلع فيها باستغراب: ناسيتها وين؟؟
هند : بالسعوديه
فهد: ليش ماجبتيها
هند: نسيتها قلت لك
مر فهد محل الكترونيات وشراء كاميرا لهند
طلعو الحديقه المائيه كانت مليانه عرب واجانب وبدت المضايقات تتحذف من كل صوب على هند
فهد خلاص عصب من موقف هند وصار طول النزهه ينطل عليها كلمه من هنا ومن هناك ويبيين لها انه متضايق
هند حست انها بتنفجر بس مو لان الاجانب ضايقوها لا لان فهد اسلوبه عصب بها زياده وقهرها وخصوصا انه مبين لاامه انه متضايق
النزهه كانت مايقارب ثلاث ساعات جلسو استمتعو صورو وهند تحاول تمشي الوضع وماعندها استعداد تبين شيء عند ام فهد
صارت الساعه تسعه
ام فهد : هند هنا مول قريب وش راييك نروح نسوي شوبينق ساعه ونجي
هند: براحتك خالتي
فهد: اذا بتروحون شوبينق مااظن اروح معكم خذو السياره وانا برجع للفندق مع تاكسي ويمكن امر الماركت اخذ بعض الحاجيات
ام فهد: اللي يريحك
هند: فهد عطني فلوس يمكن احتاج بالسوق او يعجبني شيء
فهد: خذ يالفيزاء كارد أي شيء تحتاجينه اسحبي منها
هند: الله يعافيك
طلعو هند وام فهد للمول وتسوقو بعدها مر كارtور وخذو بعض اللزوميات ورجعو عالبيت
فهد: ماتوقعت تجون بدري
ام فهد : نسييت ان الاسواق تسكر بدري الا الخميس تذكر اول اغلب الوقت نتسوق بالنهار الا الخميس نطلع عادي متاخريين شويات
فهد: كاني اشوف معكم اكياس كارفور
ام فهد: يعني خذنا بعض العصاير والحلويات
فهد: قايل لكم باخذ معي وانا راجع ليش خذتو
ام فهد: ماعليه قدامنا عشر ايام
ام فهد: طيب وش راييكم نتعشى برى ولاهنا
فهد: لابرى مالي خلق مفكر اطلب لكم من ماك وش راييك هند
هند: عادي اللي يريحكم
ام فهد تتطلع بهند وهي مبتسمه: هند ماتضايقتي يوم يتطلعون فيك الاجانب ويضحكون بالمول
هند: لاخالتي عادي هذا دينا وثقافتنا ومايهمني ناظروني او لا
فهد: قايل لك بس ماتفمين وتتطلع فيها بنظرات يبين فيها انه مو راضي واخذ التلفون يطلب لهم عشاء
هند حست بغصه على قهر ودخلت غرفتها خذت لها دش وطلعت لبست بجامتها ونامت
فهد كان بالصاله والعشاء وصل وينادي هند بااعلى صوته هنــــــــــــد
هند سامعته بس ماتبيه يعرف انها صاحيه
دخل وكانت مولعه اضاءه خفيفه ونايمه قرب منها وحط كفه على كتفها هند؟؟
هند ماردت
فهد: هنـــــــــــــــــد
هند: ماابي عشاء جعله بالعافيه على قلوبكم
فهد: يعني صاحيه وانا ارفع صوتي ماهميتك
هند: فهد اطلع واقصر الشر
فهد: عمرك ماكلتي
طلع لامه بالصاله
ام فهد: وين هند اجل؟؟
فهد: نامت شكلها تعبانه عقب اللف والدوران وبعدين الصبا ح مانامت زين
ام فهد: بس ماتعشت
فهد: بترك لها وجبتها بالثلاجه اذا صحت تسخنها بالميكروييف
ام فهد: ياقلبي بتاكلها مسخنه ماحاولت تصحيها
فهد: ماقدرت نايمه اقول لك
ام فهد: براحتها اجل
فهد جلس مع امه وتعشى وطول هالوقت يفكر بتعامله مع هند مايدري هو الصح ولاهي ،بعد العشاء استاذنت ام فهد تبي تنوم ودخلت غرفتها غسلت وبدلت ملابسها ونامت
فهد دخل لغرفته بدل ملابسه وحط راسه وعطى هند ظهره وغط في نومه عميقه
هند فتحت عينها وحصلت فهد رايح بسابع نومه تقلبت والنوم طار من عينها كانت حاسه بجوع بس نفسها مسدوده
طلعت من الغرفه وحصلت الاضاءه بغرفة الجلوس هاديه وعرفت ا ن ام فهد نايمه جلست حصلت مجلات صارت تقلب فيهم الوقت يمر ببطىء تتطلع بالساعه ومتضايقه من اللي قاعد يصير لها من فهد وامه وجالسه تفكر كيف بتصير حياتها بينهم هذا وهي لسه ماكملت معهم ولاحتى اسبوعين(( ياربي والله حايتهم ابد ماتناسبني يارب قدرني اصبر واتاقلم ماودي اخسر فهد يمكن صح شفت منه مواقف كثيره ضايقتني بس بعد فهد طيوب وماابي اخسره))
قطع تفكيره صوت بطنها يقرقر وهي جوعاااانه قامت فتحت الثلاجه وحصلت وجبتها خذتها وسخنتها
هلا وغلا بغاليه فنتوله
جزاك الله خير تحملتينا بقترح لك أقتراح أنوي أن هالقصه صدقه لقربتك الله يشفيه ومرضانا والمسلمين
ليش قلت لك كذا لئنو والله غيرة فيني قصصك كثير طبعاَ للأفضل الحمد الله
جزاك الله خير
جزاك الله خير تحملتينا بقترح لك أقتراح أنوي أن هالقصه صدقه لقربتك الله يشفيه ومرضانا والمسلمين
ليش قلت لك كذا لئنو والله غيرة فيني قصصك كثير طبعاَ للأفضل الحمد الله
جزاك الله خير
om\retal
•
اعجبتني هند وهي متمسكه بحجابها وام فهد هذي ماني بالعتها
كملي وطمنينا عن قريبتك اسال الله ان يلبسها لباس الصحه والعافيه
كملي وطمنينا عن قريبتك اسال الله ان يلبسها لباس الصحه والعافيه
الصفحة الأخيرة
وترى والله عاذرينك