فناتيل
•
صارت الساعه ثنتين الظهر صحى فهد وصحا هند
دخلت هند دورة المياه وخذت لها دش سريع وطلعت استشورت شعرها ولبست فستان ميدي مورد بدون اكمام وعليه جاكيت جنز قصير ازرق
وسوت ميك اب ناعم وتعطرت وطلعت للصالون كان فهد جالس لحاله
هند: وين خالتي
فهد: طالعه ولسه ماجت
فهد: وش هالزين
هند: عساه يثمر عاد
فهد: وش دعوه
هند: اسفه امزح وتطلعت فيه وراحت تشغل التلفزيون
فهد: الجو خيالي يبي لنا اليوم مكان حلو
هند:ايه والله ونبي نفس حلوه بعد بدون تنطيل كلام وبدون نرفزة
فهد بنفسه( اللهم طولك ياروح) هنودتي تعالي جلس ببالبلكونه
هند: اوكي نجلس ليش لا
جلسو وضحك ومزح ودخلت ام فهد وهم ماحسو فيها
ام فهد كانت تتطلع فييهم وموقف هند ماراح عن بالها حست بشعور غريب تجاه هند بس ماودها تخرب جو ولدها
التفت فهد وشاف امه
فهد: هلا بالغاليه
ام فهد: هلا يمه
هند: حياك خالتي
ام فهد: الله يحييك يابنتي
نزعت ام فهد حجابها وجت جلست معهم
فهد: هاه يمه وين رحتي
ام فهد: ابد رحت سويت شوبينق اشياء بسيطه ماتذكر
هند( ياعيني ماتذكر خايفه نشوفها مثلا وانت كاب العفش كله عند امك)( يارب صبرني)
فهد: ملبوس العافيه يمه
ام فهد: يعافيك
ام فهد استاذنتهم بتنوم لها شويات
فهد: يمه بس ودنا نطلع نتغدى لو نمتي بنتاخر
ام فهد: خذو راحتكم يمه انا بنوم اطلعو تغدو ماعليكم مني
فهد: اللي يريحك
دخلت ام فهد غرفتها وبدلت ملابسها وحطت راسها عالمخده وافكار توديها وتجيبها ( يمكن غلطت يوم جيت معهم وهم عرسان معهم حق يبون ياخذون راحتهم
بس اعرف فهد لايمكن يكون تواجدي معه مضايقه ، ويارب ماتكونين ياهند من البنات اللي يتضايقون ويغارون من ام الزوج) وهي تفكر وتحلل ماحست الابدمعتها نزلت
هند: هاه فهودي وين بتغديني اليوم
فهد: وين بغدييك من رايي ناكل شيء خفيف ليين تصحى امي ونطلع سوى
هند: بس امك قالت ماتشتهي شيء
فهد: قومي جهزي لنا تصبيره لين تصحى امي واسمعي الكلام
هند قامت (اووووف شهر النكد هذا متى بيخلص)
صارت الساعه اربع ونصف وام فهد ماجفت دمعتها سمعت طرق خفيف على باب غرفتها
فهد: يمه
ام فهد: هلا ابوي
فهد: هاه ماودك تصحصحين نطلع نتغدى
ام فهد: طيب يمه توني صاحيه شوي واجييكم
فهد: هند جهزي حالك على مااخذ شاور بنطلع نتغدى سواء
دخلت هند صلت العصر ولبست عبايتها
ام فهد دخلت درة المياه غسلت وصارت تتطلع بوجهها بالمرايه ( ياربي مايحس فهد بشيء)
طلعت ولبست وطلعت لهم كان فهد نازل للسياره وهند تستنى خالتها بالصاله نزلو سواء وطلعو لفهد
فهد: بودييكم اليوم لمطعم تونسي وبعدها بنطلع للبحيره ومن هناك تقدرون تمرون مولات قريبه
ام فهد: يمه اللي يعجبك
هند: اوك
طلعو تغدو في المطعم التونسي
وبعدها راحو للبحيره ومضو وقت حلو هناك
دق جوال ام فهد وكانت المتصله اختها منيره تبلغها هروب طباختها
ام فهد: فهد خالتك تقول ان ليندا هربت
فهد: ولايمك يمه اعوضك ان شاءالله
ام فهد: بس خساره لندا لها سنين عندي وعارفه اكلنا ونظامنا ماراح القى مثلها
فهد: يمه يجييك اللي احسن منها ان شاءالله
تضايقت ام فهد مره من هروب خدامتها
خلصو سهره ورجعو لفندق
ام فهد طلعت لغرفتها بتنوم وفهد جلس عالتي في وهند حست انها محتاجه تاخذ دش عقب الفرفره بالمول والنزهه
طلعت هند من دورة المياه وراحت لفهد بالصاله
جا مسج على جوال فهد هند تتطلع بوجهه وكان مبسوط: هند تخيلي خالتي منيره ام عبدالمجيد بيجونا في سويسرا
هند انصدمت ومن قوة الصدمه ماقدرت حتى تتكلم
بتجي هي وبناتها لكن عبدالمجيد بيتاخر عشر ايام عنهم
هند : وكيف بيجون
فهد: عادي بيحجز لهم ويودعهم من المطار لما يخلص اجراءتهم وانا بستقبلهم
هند: ومتى بيجون
فهد: يقول اخر لاسبوع
هند رمت الشيبس اللي كان بيدها وطلعت لغرفتها فهد حس انها تضايقت وماقدر يسوي شيء
دخلت هند غرفتها وحاسه صدرها مكتوم فتحت الاب توب وحصلت وليد اخوها متصل: هلا وليد
وليد: هلا بالغاليه
هند:وليد من عندكم اليوم
وليد:وفاء وحصه جو البارح من زواج بنت خالي ونامو عند امي
هند: تكفى ناد لي وفاء ابيها ضروري
تجي وفاء وتتكلم مع هند عالمسن وتشرح لها الوضع هند
وفاء:حشى شهر عسل عائلي يعني ولاايش قولي له خلاص اذا جو تمشياتك وطلعاتك انتي وياه لحالكم واسكنو لحالكم بعد صراحه ماصارت ابد
هند: ياوفاء مقهوره مرررررررررررره قسم بالله لو اقدر ارجع حجزت ورجعت لو لحالي يتهنى فيهم كيفه
وفاء: لاحبيبتي وسعي صدرك ولاتخربين شهر عسلك علشانهم خليه يسكنهم مع امه واطلعي منها انتي وياه مو امه تسوق خلاص مشاءالله عارفين الديره شبر شبر ماعليهم خوف
هند: شورك وهداية الله بس تكفين امي لاتدري عن اي شيء قولي لها اني مبسوطه مررره يابختي
وفاء: ولايهمك بس نصيحه لاتخربين جوك انتي وزوجك انبسطي وخليه يطلعك يمشييك وصدقيني يمكن جيتهم خيره تنبسطون وتستقلون لحالكم
هند: نقول ان شاءالله وامرنا لله
سكرت هند المسن وهي متضايقه بس حطت ببالها كلام وفاء وسلاها نوعا ما
وهند مصدومه ان الخدامه المعتمد عليها بالطبخ هربت وخافت يصير فهد يطلبها تطبخ له وهي ولاعارفه اي شيء
فناتيل :
بنت سدير شرفني مرورك يعطيك العافيه يالغلا وجزاك الله خيربنت سدير شرفني مرورك يعطيك العافيه يالغلا وجزاك الله خير
هلا فنتولة حبيبتي اشتقنالك والله
هل بتنزلين البارت اللي بعده اللحين او بعدين لأن فيني نوم وبنتظر لو بتنزلينه اللحين
هل بتنزلين البارت اللي بعده اللحين او بعدين لأن فيني نوم وبنتظر لو بتنزلينه اللحين
الصفحة الأخيرة
وبارت حلو صراحه بانتظار البقيه