واو فاتني الكثير
انشغلت هذا الاسبوع
مشكوره فانتيل ابداع صراحه من دون مجامله
ننتظر بقيه القصه بتشوق
فناتيل
•
وعالساعه ثلاث بالليل صحت هند وكأن احد مصحييها
وحاااسه بشيء جاثم على صدرها تقلبت وتقلبت النوم طار من عينها
استوعبت ان فهد مو جنبها بالفراش
دخلت دورة المياة غسلت وجهها وطلعت للبلكونه تشوف يمكن فهد هناك وحصلته جالس على لابه
هند: صباح الخير
فهد: هلابك صباح النور
هند: وش مصحييك
فهد: والله مدري يمكن لاننا نمنا بدري شوي
هند(حاسه فهد فيه شيء ومتضايق بس وشو هالشيء الله اعلم فقررت انها تقرب منه اكثر لعله يقول لها اللي بخاطره)
قربت هند من فهد وجت من ورى ظهره وهو جالس عالكرسي وحطت يديها على كتفها وقربت وجهها من وجهه :فهوي ياعمري وش فييك؟؟
فهد: هند مافيني شيء ادخلي نومي
هند: يعني توقع بقدر انوم وانت متضايق
فهد تنهد بقوة : هند ماابي اضايقك خليني براحتي
هند: فهودي يابعد عمري اتضايق اذا انت ماعلمتني قل لي وش فيك يمكن اقدر اساعدك
فهد:حبيبتي مافيني شيء خلاص
هند: لاوالله ان تقول ( سحبت كرسيها وجلست قباله وحاطه يديها على فخوذه وتتطلع بعيونه (فهد حبيبي صرنا لحالناوتوي احس بالدنيا فلاتخرب جونا صارحني وبرييحك صدقني بسوي اللي اقدر علييه)
فهد يطالع هند وعيونه صارت كلها دموع
هند انصدمت يوم شافت دموع فهد قربت منه وحضنته ( فهــــــــــــد لاتبكي ياقلبي قل لي فضفضلي )
فهد سحب نفسه من يدين هند ودخل غرفة النوم
هند لحقته وجلست جنبه عالسرير
فهد: هند تبين تريحيني
هند: والله اريحك بس قل لي وش فيك والله يقدرني
فهد: اذا تبين تريحيني خليني على راحتي ولاتساليني وش فيني
هند: فهـــ فهد: هند خلاص انا احسن يوم بكيت بس ابيك تتركيني بحالي وارجعي نومي الصباح بصير احسن ان شاءالله وبترجع الامور للاحسن ان شاءالله
سحبت نفسها من الغرفه هند ودخلت دورة المياه وجالسه تتطلع بوجهها بالمرايه وحاسه انها مكتومه وضااايقه( ياربي يافهد اكييد فييك شيء كبير تبكي يافهد تبكي (وصارت دموعها تنزل بغزاره(ياربي وش فينا مامدانا نتهنى ونصير لحالنا قررت انها تطلع تصلي لها ركعتين لعل نفسها تهدي شوي وتدعي ربها)
توضت وطلعت من دورة المياه لقت فهد حاط راسه وماحبت تزعجه سحبت نفسها للبلكونه ومعها سجادتها وشرشفها وجلست تصلي بالبلكونه( ياسبحان الله منظر السماء روعه واحنا بنص الشهر رفعت عيونها وتتطلع للسماء (ياربي ان لي حاجه بين سمائك وارضك فارفعها اليك وقل لها كوني ياربي اني مسني الضر وانت ارحم الراحمين ياربي اني بين يديك اتوسل اليك فلاتردلي حاجه بين يديك ربي ريح بال زوجي وقر عيني به وقر عينه بي وابعد عنا كيد الكائدين ...........) دموعها تنزل مثل الجمر على خدها خلصت من الصلاة ورفعت نفسها وجلست على الكرسي القريب وقرت لها جزء من القران وبعدها جلست تتأمل باليومين اللي عاشتهم مع فهد وبالاحداث اللي صارت بحياتهم وشوي رجعت بها الذكرى لبيت اهلها امها اخواتها وليد وحسام وابوها ايه ابوها رغم انه سوى عمايل بالاونه الاخيره بس حاسه بشوق له غير طبيعي هند دلوعة ابوها وحبيبته ومايرد لها طلب واشتاقت لاامها اكثر واشتاقت لحضنها الدافي وهي في معمعة التخيلات طرى على بالها تكلمهم الوقت شبه متاخر بس ماعليه خميس اكييد اخواتي عند امي اليوم اتصلت واول مارفع الخط سمعت صوت وليد وحست بغصه ودموعها خانتها وماقدرت تقول كلمتين على بعض وليد شاف الرقم باكاشف وعارف انه رقم هند
وليد: هند وش فييك؟؟وصار مايسمع الا مشاهقها
وليد سحب التليفون بعيد عن اهله لانه مايبي امه تحس: هنودتي حبيبتي وش صاير قولي لي :::وهند لامجيب وليد: هند قولي لي فييك شيء والله اجييك بااقرب فرصه تكفين تكلمي
هند: ولييييد مافيني شيء بس اشتقت لكم وانخرطت في حالة بكاء فظيعه
وليد: هنودتي اقسمي لي بالله انك مافيك شيء
هند: والله مابينا شيء انا وفهد بس فيني ضيقه مايعلمها الاربي ومشتاااقه لكم
وليد: خوفتيني هنود والله حسبت فييك شيء
التفت هند واستوعبت ان فهد واقف وراها: واستاذنت وليد فورا سلمني على اهلي وليد برجع اتصل فيكم سكرتها وقرب منها فهد :هند ليش تبكيين؟؟ كان صوته مبحوح وباين انه شايل بصدره هم كبير
هند: مدري فهد متضايقه مشتاقه مدري وش فيني شيء غريب اول مره احس فييه
قرب فهد منها ومسحه دموعها بيده وضمها لصدره : هند
هند: عيون هند
فهد: مبسوطه معي؟؟
هند: اكييد مبسوطه وانت مو مخلي علي قاصر بشيء
فهد: اسالك بالله مبسوطه معي
هند: الحمدلله مبسوووطه كثير بس ضايقه فيني الدنيا
فهد: تحبيني؟؟
رفعت راسها هند وتطلعت بوجهه وهو مازال حاضنها: تشك بالشيء؟؟
فهد: مجرد سؤال
هند: اموت فيك وكل يوم يزيد غلاك بقلبي
ضمها فهد بقوة لصدره : الله لايحرمني منك ولله ياهند دخلتك علي خيره لي ان شاءالله فيه اشياء تغيرت فيني كثير ولو اني ماطبقتها بس نفسي صايره تهفو لها
هند: فهودي اشياء كثيره بعد انا اطمح فيها نغيرها فينا سواء احنا واحد صرنا وقدامنا عمر وبنجيب عيالي ونربيهم
فهد: رفع راسها وقبلها مع جبينها يابعد عمري انتي :طيب حبيبتي ماودك ندخل غرفتنا
هند: ناظرته نظره وابتسمت وباسته على جبينه :اوكي فهودي ندخل مابقى شيء عالصلاة نسهر ماورانا شيء
هالجزء الصغينون مقدمه لاشياء كثيره بتصير في حياة فهد وهند وراح اكتبها ان شاءالله الساعه تسعه جزء كبير احداث كثيره وعلى بال كم حلقه قدام وباانهي القصه
ششششكرآ بحجم السماء
رووايه قمه بالروووعه الله يستر مايصير لهم شي
ياربي ليتني ماقريتها علي بدآيه آختبارات
:(
رووايه قمه بالروووعه الله يستر مايصير لهم شي
ياربي ليتني ماقريتها علي بدآيه آختبارات
:(
الصفحة الأخيرة
لالاتتاخرين علينا