ابداع مشاء الله
بس ياليت تقولين لنا عن اسباب زواج زوج وفاء
مع انها سنعه وطباخه
ومازل عندها جاره او طلقها زوجها
احس اني انقهرت ههههههه
متابعين لك ياعسل

الساعه صارت وحده ونص المعازيم تفرقو وبقى فهد عند هند

سهرو فهد وهند حتى الفجر ضحك وسوالف وهند مرررره طايره من الفرح وتحس انها بحلم

ام فهد مازالت جالسه بصالتها تنتظر فهد وماقدرت تغمض عينها قبل تطمن علييه


بعد الفجر طلع فهد من بيت اهل هند وصلى الفجر ودخل البيت لقى امه نايمه على الكنبه بالصاله انعصر قلبه لمنظرا

فهد: يمه

ام فهد: هلا فهد جيييت متى؟؟

فهد: يمه توني دخلت من المسجد ليش نايمه هنا؟

ام فهد: ياوليدي ماقدرت ثلاث مرات اطلع لغرفتي ومااقدر انوم وارجع انزل ثانيه

فهد: يمه الله يهدييك اقلها اتصلتي فيني قلتي لي تعالي ماقدرت انوم

ام فهد: والله يمه ماحبيت اخرب جلستك مع عروستك

فهد: يمه الله لايحرمني منك ويخلييك ذخر لي طول العمر قومي يالغاليه صلي ونوميانا بدخل مكتبتي شوي وبطلع انوم
ام فهد: لايمه انا بجلس بمصلاي ليين تخلص شغلك وبلحفك بنفسي زي كل يوم

فهد: خلاص ماراح اطول عليك اجل

ام فهد:اوك خلص شغلك يمه ماعليك مني بتلاقيني انتظرك

دخل فهد مكتبته وحايس باعماله يجييه مسج على جواله


]
بدنيتي وأرحل إذا شفتك علي زعلان..
]
الكون من شانك وحياتي لك أخليها..
]
لاتخليني إذا كثرت بي الأحزان
أبيك تكون جنبي وكل الناس ..
(مابيهـــــا)..
، ، ، ، ، ،

المرسل : هنودتي


فه يتبسم وهو يقرأ الرساله وحااس انه داخل معكره حامي الوطيس فيها بين نارين امه وزوجته

فتح رساله جديده وكتب له مسج

اجمــــل قدر في حيــــاتي
¶•...وجودك...•¶

واكبـــر فخر للقــــلب كونك
¶•...تهمه...•¶
هنودتي احبك

ظغط ارسال وبسرعه رجع يكمل شغله بيده


رن مسج بجوال الام فتحته وتكته العبره حست ونزلت دموعها غصب استدركت هالشيء وحاولت انها تمسح دموعها تكلم نفسها: زوجته لازم يدلعها انا المفروض ماغار وافرح له المفروض اتغيير ومارتبط فيه مثل اول اليوم لازم اتغير شالت سجادتها ةطلعت غرفتها وكتبت مسج لولدها

ام فهد: فهد حبيبي تصبح على خير خلص اشغالك على مهل انا طلعت بنام


فهد : مافتح المسج او ماسمع صوته وماحس بالوقت الا الساعه تسعه تطلع بجواله لقى مسج من امه تضايق انه نساها هالوقت كله

لم اغراضه وحطها بمكانها وطلع لغرفتها بسريره يتقلب متعود امه تغطييه ( ااااه يايمه اكبر بالعمر واصغر واضعف لدفاك وحبك مدري وشلون بنام)


ام فهد مازالت بسريرها تتقلب والنوم جافي عينها


وبمكان ثاني ام وليد مانامت ولاغمضت لها عين وافكار توديها وتجيبها اليوم بيحطها ابو وليد امام الامر الواقع وماتدري وش تسوي ناذره نذر انها تعيش قويه علشان عيالها بس ماراح تقدر تعيش مع زوجته الجديده ببيت واحد مثل مافهمت من كلام بناتها وتشوفه معه يطلع معها لغرفتهم ويجلس جنبها حست قلبها يحترق ( هذ وانا مابعد شفتهم شوف عين ياويل قلبي وش بسوي)


يدق جوال نوال : هلا وليد


وليد: ابوي تو متصل يقول بيجي يتغدى عندنا هو وزوجته


نوال: ياشيخ من رايق له كلنا تعبانيين والله لو وش يصير مايدخلها علينا اليوم


وليد: نوال ابوي ارسل لي مسج وادق عليه مايرد يعني جاي جاي تعرفين اسلوبه

نوال: حسبي الله عليهم بس طيب وش نسوي


حصه تحس فيهم وتقوم وعرفت الموضوع انه يتعلق بامها وزوجة ابوها


نوال: وينك انت؟؟ ،،، طيب تعال بغرفتنا انا وحصه صاحييين


اجتمعو حصه ونوال ووفاء بغرفة نوال ويتشاورون بموضوع امهم وابوهم


الام حاسه بحركه فالبيت وتسمع صوت غرفة بناتها تنفتح طلعت وراحت لهم بغرفتهم

نوال: هلااا يمه صباح الخير

ام وليد: صاحيين غريبه


نوال: يمه وليد صحانا اله يهدييه اجلسي معنا اذا مافيك نوم


جلست ام وليد وبعدها قامت: انا بنزل اجهز فطوركم انزلو نفطر

نوال : ايه يمه خلاص انزلي ووفاء بتجي تساعدك بننزل وراكم شوي بس

ام وليد: خذو راحتكم تعبتو امس ولاقصرتو انا بجهز الفطور وانادييكم
نزلت وجهزت لهم فطوررر



ونوال ووليد ووفاء وحصه ضايقه فيهم الدنيا ولاعارفين لهم طريق

خلصت ام وليد مجهزه الفطور وطلعت تنادييهم حست ان بينهم نقاش وحست انه الموضوع اللي ماخلاها تنام

دخلت ام وليد عليهم :وليد نوال وفاء حصه اسمعوني انا عارفه بكل شيء وادري ان ابوك بيبجيب هنديته اليوم بس بقولها لكم كلمتيين مالهم ثالث


هند ماتعرف بااي شيء ماابي اخرب فرحة بنتي علشان ابوكم وسواته الي ماتسوى الشيء الثاني هذا ابوكم ومهما صار وسووى بيظل ابوكم ومالكم سند من دونه خلوكم على احترامكم ومعاملتكم له والا والله ليصير بيني وبينكم زعل ليوم الدين


كلهم كانو واقفين وفاتحين عيونهم عالاخر وحاسين ان تبليغ امهم بالموضوع هم وانزاح


ام وليد: بروح قدامكم انزلو افطرو(ام وليد ماخذه عهد على نفسها ان زواج ابو وليد ماياثر على حياتها ولاعلى حياة عيالها)

نزلو وجالسين عالفطور مع امهم







الكل كان تعبان بعد ملكة هند بس ماقدرو ينامون ويتركون امهم لحالها بهالظرف

وليد: يمه ابوي قال بيجي بيتغدى هنا هو وزوجته

ام وليد: بيته بعد مانقدر نقول شيء

نوال: يمه مايحتاج تتعبين نفس بنجيب غداء من برى كلنا تعبانين من ملكة هند


ام وليد: ماعليه اطلعو نومو وبعد الظهر بخلي السواق يجيب غداء


نوال: وين ننام يمه الا اذا انتي بتناميين

ام وليد: اكيييد بنام روحو لغرفكم وريحو واذا صارت الساعه وحده مايحتاج اطلع لكم انزلو قبل يجيي ابوكم



كل البنات بصوت واحد: ان شاءالله


طلعو البنات لغرفهم وام وليد راحت تطيب غرفتها وتلبس وتتزيين ونزلت ووصت الشغاله تاخذ شوي من الحلو اللي باقي عقب امس وتسوي معه قهوه

بعد الظهر دق جوال وليد وكان ابوه يبيه يجي ياخذه من المطار

قلام وليد متململ ودايخ فيه النوم ولبس وشغل سيارته وراح لاابوه بالفندق

استغرب وليد ان ابوه بيكنسل الجناح!!! وجلس يفكر وين بيسكنها

دخل ابو وليد البيت وكانت الهنديه معه

كانت من الهنود الحلويين والشيك وهذا الشيء قهر بنات ابو وليد زود

دخلت وسلمت علييهم وجلست جنب ابو وليد

ام وليد النار شابه بصدرها وماتبي يبين عليها اي شيء

هند نزلت وتوها صاحيه من النوم وتفاجات بالي جالسه معهم

هند: هلا يبه الحمدلله عالسلامه وسلمت على ابوها ومشت وهي تتراجع لورى وعيونها بالهنديه

هند: مشاءالله عليها كاشخه والله بس يمه تبيها مع سيتي ولابتروحون سيتي خلاص

البنات كتمو ضحكتهم وام وليد ابتسمت وحست ان هند اشفت غليلها

ابو وليد: هذي زوجتي تعالي سلمي عليها عمى بعين العدو

هند تنصدم وتوقف بمكانها زوجتــــك!!!!!!

هند: وش صاير ياناااااس يبه تمزح قل لي تمزح

تقوم نوال وتاخذها بيدها بتطلع بها لغرفتها

نوال: هند صلي عالنبي

هند: صدق زوجة ابوي

نوال: ايه والله صدق

هند: تفك يدها من يد نوال وترجع لمكانهم : لييييش يبه ليييش وش صاير انت تتزوج على امي ليشششش وش نقصك يبه ليشششش تجرحهاااا ليششش وش جرحتك به وش قصرت علييه فيه وقفت جنبك وطلعتك عالدنيا وانت جرحتها

ابووليد منصدم من جرأة هند : هنييييد خلاص اطلعي لغرفتك

بعدين انا ياوليد قايل لك علمهم قبل نجي ليش ماعلمتهم

هند: وليد يقدر يحترم ماحب يكسر خطرنا يبه حرام عليك قتلت فرحتي بملكتي امي جزاها الجنه ان شاءالله على صبرها عليك
طلعت لغرفتهاوقفلت بابها وتركتهم وجلست تبكي والحلم الورردي اللي قامت عليه حست انه تلاشى من بين يديها

ابو وليد جالس بينهم ومقهور على كلام هند معه : ام وليد ابيك بكلمة راس

طلعت ام وليد معه لغرفتهم

ابو وليد: ام وليد انتي حرمه وعاقله وانا خلاص تزوجت ويعلم الله انك ماقصرتي معي بشي

ام وليد: كلام عارفته لاتعيده وقصور فيك لو ماقلته اصلا

ابووليد: ابيك تجهزين غرفة وحده من البنات تحط فيها ساره اغراضها وانا تعرفينيياام وليد مانامالابغرفتي ويوم لك ويوم لها بيومك تجين وبعيني وعلى راسي ويومها تجي هي تنوم عندي


ام وليد: ابو وليد الليله ومتنازله عنها وترى الله لايحللك ولايبيحك ان عرفو عيالي بهالشيء وغرفتي مااطلع منها غرفة وحده من البنات لك انت وياها وانا متنازله كلك لها عافت النفس

ابووليد: مو بكيفك عافت النفس وانا جيتك بالطيب يابنت الاجواد لكن العلم انك تجهزين لها غرفه وكلمتي بتمشي غصب عنك
طلع ابو وليد وام وليد تحترق وضايقه فيها الدنيا


نزل ابو وليد يله يابنات حطو الغداء

جهزو البنات الغداء عالسفره وجلسو كلهم عالغداء ونزلت ام وليد وجلست معهم

فنااااااتيل يالغاليه
قصتك تهبل
بس فار دمي من هذا ابو وليد
ما يحس ؟؟؟؟

الله يقطع أبو الوليد قسم فاااااار دمممممممممممي وبغيت أبكي من القهر

هم كذا الرجال
اول ماتنفتح عينه يروح يتزوج
وينسى وقفة زوجته معه وصبرها عليه




الله يرحمك يايمه
صبرتي وربي عطاك
الله يسكنك الفردوس الاعلى من الجنه
ويحفظ ابوي