الله يسلم عمرك يافناتيل
الدعاء لكم في ظهر الغيب أقل واجب
أنت أخت ولك حق ... ومسويه فينا معروف بها الروايه
وسعتي صدورنا فيها
بس على مهلك في النهايه
فصلي فيها الله لا يهينك
فناتيل
•
ومع رمضان ماصار احد يفضى ينوم عند اهله وكل وحده ارتبطت بيتها لكن بعد التراويح يجتمعون ببيت امهم
لكن اقترحت نوال اقتراح اعجبهم جميعا ولايبون تحس هند انها لحالها وتتضايق
وصارو كل يوم يفطرون عند وحده منهم يوم ببيت نوال ويوم ببيت حصه ويوم ببيت وفاء ويوم ببيت ندى
اقترح وليد على هند ينزلون عمره قبل يصير الحرم مزحوم في العشر الاواخر لكن هند رفضت خوف من الطياره علشان حملها
وكانت كل يوم بعد ماتفطر تروح بغرفتها تقرأ قران الى وقت التراويح وتطلع مع وليد يصلون بمسجد الحي
هند مر عليها رمضان وبداخلها احساس غريب بدت تحن لجو بيت الزوجيه كانت كل مره تدخل بيت وحده من اخواتها تفكر انه كان يفترض انها تعزمهم بهالرمضان ببيتها وتفطرهم لولا الاحداث اللي صارت موخرا
وكانت تتخيل لو انها قدمت هذا الطبق لفهد خصوصا انها ماتحب جو المطبخ والطبخ بس كان ودها تعيش دور الزوجه اللي تطبخ لزوجها وتدور اللي يرضيي جوعه بعد الصيام مع العلم انها تعلمت كم صنف مع وفاء بالايام اللي كان فهد مشغول فيها بترتيبات المحل الجديد
ومرت الايام وفهد كاره نفسه ولافيه جديد بالموضوع كل مره يحاول يتقرب منهم مايلقى رد يشفييه,الى ان ارسل له وليد مسج( فهد هند محتاجه تنساك شوي علشان حملها تبي ترتاح فرجاء لاتظغط عليها وعلينا)
قرر فهد ينسحب شوي ليين تهدى الاوضاع بس مهما صار مازال بكل لحظه يفكر بهند ويتذكر الايام اللي عاشها معها واعجابه بحرصها على امور كثيره مثل حجابها صلاتها بوقتها والتفت يتطلع بمكان سجادتها ومصحفها( اااخ ياهند ماكنت لك الزوج الكفو، وماتوقعت اني بحبك هالكثر )
مرت الايام وبعد رمضان قررت هند تفتح ملف متابعه بااحد المستشفيات علشان تتطمن عالجنين
خذها وليد لااحسن مستشفى وفتح لها ملف متابعه وكان مقرر من اول يوم يسوون اشعه صوتيه وتحاليل سكر وغيره
وليد وهند فالانتظار ينتظرون دورهم بالسراء طلعت الممرضه ونادت على هند
هند حست قلبها صار يخفق خصوصا انها عارفه وضع الاشعه وكيف انها بتشوف جنينها لان اكثر من مره تروح مع اخواتها اثناء المتابعه
دخلت هند وطلبها وليد يدخل معها يشوف الاشعه لكنها استحت ووعدته تاخذ للجنين صور
اول مادخلت سألتها الدكتوره: اول مره تسويين متابعه
هند: ايه يادكتوره
الكتوره: بس هذا خطر عليك وعالجنين المفترض من البدايه فتحتي متابعه
هند: كان عندي ظروف دكتوره بس الحمدلله اخذت فيتامينات وحمض الفوليك وغيره
الدكتوره اوكي راح نعرف الوضع الان
استلقت هند على سرير الاشعه وقلبها بدء يخفق بقوووة
اول مابدأت الدكتوره تحرك جهاز السونار على بطن هند وعيون هند بالشاشه
الدكتوره: لك الحين عشر اسابيع بالحمل وعندي لك خبريه
هند: قولي يادكتوره
الدكتوره : حامل بتوأم
هند حست بشعور مختلط فرحه على شعور انها ودها تبكي وماقدر تتمالك دموعها انها تنزل تطلعت عالشاشه والدكتوره تورييها كيف انهم اثنين وغيره
هند: دكتوره ماسمعت نبض
الدكتوره ولايهمك نسمعك
وسمعت هند النبض وتغير بداخلها اشياء كثيره حنين شفقه حب وغير كذا شعور بداخلها بالخوف من المستقبل الم وفرح اشياء غريبه مرت عليها وهي على سرير السونار
الدكتوره : معليش اول حمل لك؟؟
هند: ايه يادكتوره
الدكتوره : طيب ليش تبكين مشاءالله عليك حلوه وصغيره ومااتوقع صار لك كثير متزوجه ممكن اعرف كم صار متزوجه؟؟
هند: لا لسه ماكلمت اربع شهور يادكتوره
الدكتوره: يعني هذي مشاعر فرح والا اييه ( وهي تضحك)
هند: مدري وش اقول لك انا شبه منفصله عن زوجي وتعرفين الحمل والنفسيه والخوف من المستقبل عالجنين عفوا قصدي الاثنين هههه
الدكتوره جدا تعاطفت مع هند : لايابنتي ربك مايضيع احد وانت قدها وقدود ان شاءالله يارب اشوفك كذا بكامل صحتك وجايه تراجعيني بعد الولاده ومعك الحلويين يارب
هند: يسلمك ربي دكتوره ، بس دكتوره ودي اعرف جنسهم
الدكتوره: لاحبيبتي مايبيين الحين لكن بعطييك موعد موبعيد يعني شهر واعطييك نتيجة اكيده ان شاءالله ودقييقه
هند: طيب دكتوره ودي اخذ صور للحمل
الدكتوره:اوك حبيبتي على ان لسه مش مبين شيء ، بس شعور كل ام ومرينا بهالشعور
طلعت هند وهي طايره من الفرح قرب منها وليد : هند لاتكونين نسيتي تاخذين صور ؟؟
هند: تعال تعال خذت صور بس عندي لك اخبار
وليد: هاه قالت ولد قولي ايه تكفيين
هند: لابالسياره بقول لك
وليد: والله مافيني صبر قولي
هند: خذ الصوره وانت قل لي وش تشوف
وليد خذ الاشعه وصار يقلب فيها انا اقول اانهم توأم خخخخخخخخخخ وش يدريني بس قولي وش قالت
هند: قالت اللي انت قلته
وليد:!!!!! صادقه؟؟يله عاد بلامزح
هند: والله قالت لي تؤام
وليد كان مررررره مبسوط بالتيجه ويضحك وطاير من الفرحه خذ هند وطلعو افطرو وبعدها مر هرفي وخذ لها من التشيزكيك اللي تحبه
الصفحة الأخيرة
ننتظر بحمااااااااااس
قطع قلبي فهد بس خلييييييه عشان بعرف أن الله حق
لو يعتذر من هند ويطلب منهااا تنسسسسين مشاعل وتسااعده
ترجع لهااااااا نهااااايه سعييييييده
أصلح كاتبه ههههههههه