فناتيل
•
كان متردد فهد يرد او لا لان كان عنده جوله اخرى لطلاب اخر بعد قليل
( الافضل اني ارد لايكون احد يبيني بشغله مهمه)
فهد: هلا
مشاعل: هلا فهد
فهد: اهليين ميين؟؟
مشاعل: انا مشاعل نسيت صوتي؟؟
فهد: والله اااسف مشغول ومكركب تعرفيين ,كيف حالك
مشاعل: طبيعي انك تنسى صوتي ،اهم شيء انك بخير ،فهد؟؟
فهد: هلا
مشاعل: اخبار هند؟
فهد: بخير الحمدلله
مشاعل: سمعت انها حامل؟؟
فهد/ اي نعم حامل
مشاعل: طيب عندي لك طلب صغنون ابيك تساعدني
فهد: أأمري
مشاعل: انا عارفه انهم مصريين علييك تتزوجني صح؟؟
فهد ارتبك وماعرف وش يرد:ايه بس
مشاعل : فهد بكمل كلامي
فهد: تفضلي
مشاعل: انا ماراح اتزوجك مهما صار انت بعتني بمواقف كثيره وانت الغلط راكبك من راسك لرجولك بس رجال
مايعيبك شيء على قولتهم والشيء الثاني انت ولد اصل وفصل وانا الله يعلم بحالي كل اللي كانو حولي ويضحكون لي
صارو ضدي وخذو موقف عقب ماعرفو باللي صاير بينا ابي شيء واحد منك لو امي كلمتك او خالتي ارفض وبشده انك
تتزوجني لاني بطلع وبيني وبينكم ربي ياخذ بحقي منكم,انا راجعه للدار اعرف كثير هناك من كثر ماازور الدار وعايشيين فيها اقامة دائمه ومبسوطيين
يمكن تكون علي الحياة صعبه بس اقلها فيها راحه نفسيه ومصيري بتعود ،( صارت مشاعل تبكي وماقدرت تكمل كلامها وقفلت الخط)
فهد لسانه انربط وماقدر يتكلم حط جواله عالطاوله وتنهد بقوة وسند راسه عالكرسي
حاس بالذنب وبنفس الوقت الظروف اللي حلوه متعبته من جهه موقف امه من زواج مشاعل ومن جهه موقف هند اللي
صاير عنده بصيص امل من جته بالمحل ومن جهه الحمل اللي حاس انه خلاه يتمسك في هند زياده والشيء الاخير
والاساسي
حبه لهند وحبه لشخصيتها واخلاقها واامله انها تكون ام عياله وتربيهم وتكون سبب في تغييره بعد الله
لملم فهد اوراقه وانهىالجوله سريعا ورجع البيت كانت امه تنتظره بالصاله ومجهزه الغداء
دخل فهد وضايقه فيه الدنيا سلم على امه وطلع لغرفته
ام فهد: يمه تقهوى
فهد:مااشتهي شيء وحتى الغداء ماابي برتاح تعبان
ام فهد: سلامتك يمه تعبان من وشو؟
فهد: تعبان يمه ابي ارتاح عندي جولتين اليوم خلوني انااام
ام فهد: براحتك يمه ان شاءالله فطرت زين
فهد: ايه زين زين (طلع فهد لغرفته واستلقى عالسرير بملابسه وجزمته وضاااايق صدره يفكر بهند شوي وبمشاعل شوي
وحاس انه تايه (يارب اشكي لمن ابي ارتاح ابي احد يساعدني يسمعني و يوجهني ياربي لطفك (قام توضى وصل ركعتين ))
بنفس هالوقت كانت هند تتطلع بمسجات فهد ايام الملكه بصور زواجهم بصور شهل العسل بكل شيء يجمعها بفهد
ومشتاقه له كثيرر
بدل ملابسه وجلس قدام التلفزيون بجناحه مسك جواله ودق على هند وكان زي كل مره يتصل ويتوقع انها ماترد لكنه تفاجأ هالمره يوم ردت
هند: الو
فهد: هلا هند
هند: اهلين
فهد: هنودتي حبيبتي محتاجك تكفين اسمعيني (وتغيرت نبرة صوت فهد وكانه كان يبكي
هند: اسمعك تفضل
فهد: هند ابيك محتاجك ارجعي لي والله البيت بدونك مايسوى (قطعت هند كلامه
هند: ارجع بهالسهوله تخونني وبجناحي الخاص ومع من وحده نكدت علي حياتي بدء من ليلة زواجي مع وحده تراعي
مشاعرها تحبها وتبيين قدامي وقدام غيري وماهميتك
فهد: اصبري قلت لك ابيك تسمعيني: تقولين ارجع بهالسهوله يعني كيف ؟؟ اطلبي اللي تبين والله انفذه بالحرف الواحد
وش تبين هنوده بينا بنت ماابي بنتي تعييش مششته ماابي يربيها غير امها ابيك انتي والله ماابي غيرك
هند فرحانه من كلام فهد لكن قدام عينها كلام وليد وتبي تكسر كرامته :فهد انت جرحتني وانا عروس توي داخله بيتك انا
بذلت اللي بوسعي علشان املك قلبك واقوم فيك وحبيتك وقابلت هذا كله بالخيانه وويين بغرفتي نومي الخاصه بكت هند
وقفلت الخط بوجه فهد
فهد: اناااا ناقص ياربي وش اسوي انا بحياتي بعدت عن ربي ومالقيت من يوجهني يوم دخلت هند حياتي فرحت فيها
يمكن تقدر تغيرني لكني طلعتها بيدي،نزلت دمعته وجلس يبكي وكنه طفل صغير مشتاق لاامه
هند بهالوقت ضاقت لايفهمها فهد انها مصره عالطلاق وهي ناويه ترجع له ومسكت جوالها وهي ماتشوف من دموعها
وكتبت له ( فهد انا لو برجع برجع بشروطي واذا نفذت افكر ارجع )
قرأ فهد المسج واستبشر خير ورد لها(انتي لو تتبين عيوني بعطييك والله اطلبي اللي تبين
وشوي جاه مسج من هند( افكر واقرر بعديين، الحمل متعبني واذا قمت بالسلامه ارد لك
رد لها فهد( لاابيك جنبي وانتي حامل ابي ادلعك اعوضك عن الايام اللي راحت واكون جنبك اذا حسيتي باعراض الولاده
هند تكفين فكري جدي
هند: مدري فيني نوم ارد لك بعديين
سكرت هند منه وجلست مع نفسها وماكان فيها نوم مثل ماتعذرت من فهد لكن حبت تعلمه انها مو فرحانه انه وافق على
شروطها
وببيت ام عبدالمجيد مشاعل مانامت ومقهوره من فهد واهله شوي وتسمع اذان الفجر الكل كان نايم صحت لملمت بعض الاغراض
وجالسه على اعصابها تنتظر عالساعه ثمانيه بتطلع من البيت مثل ماواعدت السايق وتروح للدار
فتحت باب غرفتها وطلعت تطمن عالوضع الكل كان نايم فتحت غرفة ام عبدالمجيد لقتها نايمه قربت منها وتتامل
بوجهها( يمه ادري اللي اسويه مو صح بس ماابي اكون سبب لقطيعه بينك وبين اختك ماابي اكون كبش الفداء لفهد
وزوجته انتي احسنتي تربيتي وشليتيني بعيونك بس جا الوقت الي لازم اعتمد فيها على نفسي اااااه ودي اضمك اودعك
بس
صعبه مااقدر ونزلت دموعها على وجهها بحراره)طلعت من غرفة ام عبدالمجيد ورجعت لغرفتها
خذت معها البوم صورها هي وامها وياخواتها بسفرياتهم ونقت لها كم صوره حطتهم بشنطتها وعلى اعصابها تنتظر
الوقت اللي واعدت فيه السايق ودموعها ماجفت ماتدري كيف بيكون وضعها هناك
وعالظهر صحت ام عبدالمجيد ونزلت طلبت من الخدامه تجهز الفطور وتصحي البنات
رجعت لها الخدامه وبلغتها ان هند مي موجوده بغرفتها
ام عبدالمجيد اوجعها قلبها وطالعه بالدرج تمشي وخايفه لايكون كلامها اللي كانت ناويه علييه جا وقت تنفيذه
دخلت غرفتها لقت سريرها على ترتيبه عقب البارح معناته مانامت فتحت دولابها لقت ملابسها موجوده وعطورها علتسريحه ومكياجها (ياربي وين بتكون رايحه كل اغراضها هنا بصبر شوي يمكن طالعه مكان وبترجع خذ الجوال واتصلت بس مالقت رد)
نزلت ايناس مع الدرج يمه مشاعل وينها
ام عبدالمجيد حست ان ايناس عندها خبر: مدري ليش؟؟
ايناس: يمه لقيت مسج بجوالي تقول بوسي لي راس امي يمه اكييد فيها شيء
ام عبدالمجيد فقدت الوعي ايناس والخدامه رشو بوجههامويه وحاولو يصحونها صحت وجلسوها عالكرسي
ام عبدالمجيد: ايناس بسرعه جيبي عبايتي وتعالي معي
ايناس: يمه ويين؟
ام عبدالمجيد: مثل ماقلت لك بسرررعه
طلعت ايناس وخذت عباية امها وعبايتها ونزلت لها وطلعو مع السواق لدار الايتام
اول مادخلت ام عبدالمجيد استقبلتها مديرة المركز ولها معرفه قويه بام عبدالمجيد كانت دايم تزورهم ويامشاعل خاصه بالاعياد ويجيبون هدايا للايتام
ام عبدالمجيد: بسألك مشاعل جتكم؟؟
مديرة المركز : أي نعم وهي مقدمه عندي من فتره تبي تصير مشرفه بالدار مع الاقامه
ام عبدالمجيد: طيب وافقتو لها
مديرة المركز: اكييد لان الاولويه لمثل مشاعل فاهمتني انتي
بكت ام عبدالمجيد وطلبت منها تناديها
دخلت مشاعل وباين عليها باكيه كثير وعيونها حمراء
قامت ام عبدالمجيد وحضنتها وصارت تبكي معها
ام عبدالمجيد: مشاعل جيبي اغراضك استناك بالسياره
مشاعل: لايمه انا هنا وانتي حياك الله بااي وقت ماراح اطلع من الدار مهما صار
ام عبدالمجيد وايناس صارو يبكون ويترجون مشاعل ومديرة المركز موجوده
مشاعل :يمه ماقصرتي معي بشيء لكن بقول لك اني ماراح اطلع من هنا وبزورك وتقدريين تزوريني في أي وقت
وبعد محاولات متعدده ومشاعل منهاره وتبكي طلبت مديرة المركز انها تنهي المقابله علشان الكل ياخذ راحته ويفكر
وفي بيت ام وليد هند تلبس عبايتها وجايبه كوتس مرييح وطالعه مع وليد تتمشى وكانت حاطه ببالها تفتح موضوعها هي وفهد مع وليد
اول ماركبو السياره
ولبيد: وين تبين نروح
هند: امممم مدري مافيه شيء معين اللي تبي
وليد: طيب وش راييك نروح كفي سعد الدين ومن هناك نطلع نتسوق اغراض للصغار
هند: اللي يريحك
وفي لحظة صمت بين الاثنين تكلمت هند: فهد اووه قصدي وليد
وليد: هههههههههه اجل فهد هاه سمي يااختي العزيزه
هند: (حست انها منحرجه) ههههه فضحت نفسي كنت ناويه اكلمك بموضوعي انا وفهد وبرجعتنا كلمني امس ورديت علييه والله ياوليد شكله نادم مرره عاللي سواه
وليد(انقهر يوم عرف ان هند صايره تعطييه مجال وتكلمه بس ماحب يبيين وظغط على نفسه):طيب وين تبين توصليين او وش قال لك وبين انه نادم
هند: مدري اعتذر مني ويقول ارجعي ولك اللي تبين وقال انه يبيني ارجع قبل الولاده ووعدني باشياء كثيره مره
وليد: طيب وش يضمن لك مصداقيته
هند: واله مدري وليد بس بكل صراح هانا حاسه ودي ارجع له اشتقت لبيتي وليد ودي يجون اطفالي للدنيا وننبسط فيهم انا وابوهم ويطيح الحطب وليد انا اخاف اذا طالت الامور بينا يجفاء علي ويمكن تستغل بنت خالته هالامر وتقرب منه اكثر والله ان يطلقني ويشتتني انا واطفالي
وليد: خايفه من هالشيء بذمتك
هند: والله مااحس انه بيسوييها بس ماتدري يمكن تنقلب الامور علشان كذا ودي بحل عاجل
وليد: شوفي دامك تكلمينه ويليين قلبك صدقيني ماراح نطلع بنتيجه
هند: كيف
وليد: متفقين نحرق قلبه ومامادى ماصار لك سبع شهور عندنا وبسرعه نويتي ترجعين له
هند: بس
وليد: هند خلينا نطلع وننبسط واذا رجعنا لنا جلسه مع ابوي ولازم نقرر سوى
طول الطلعه وهند تفكر باايش بيصير وش بتقول وغيره
ورجعو عالبيت وكلم وليد ابوه يطلع فوق لغرفته ويفتح معه الموضوع واجتمعو وقررو ونادو هند وكلموها بالموضوع هند وافقت عل مضض عالشروط وخايفه ان فهد مايوافق
وثاني يوم اتصل وليد بفهد وعزمه على فنجال قهوه وبحضرة ابو وليد واجتمعو معه وقررو امور كثيره علييه
فهد استغرب كثير من شروطهم وطلع على اساس بينهم اتصال
هند ضاقت يوم شافت فهد يوم ويومين وثلاثه مااتصل ولاارسل وماسكه نفسها لاتتصل او ترسل له مسج
وبنفس الوقت وليد خاف ان تدخله يصير غلط بالموضوع وصار كل يوم ياخذ جوال هند ويشيك من السجل اذا وصله مسجات او مكالمات من فهد بدون ماتحس انه يفتش وراها
فهد الشروط كانتاستفزازيه لفهد وحاس انهم يبونه يطلق هند بااي طريقه
وهو جالس ويفكر دخلت ام فهد : فهد وش ابشرك؟؟
فهد: هلا يمه بشراك الجنه يارب عقب عمر طويل قولي هالايام معد فيه شيء يفرحني
ام فهد:مشاعل رجعت لدار الايتام يعني خلاص بترتاح من زنة خالتك ومن تلميحاتها لك بالزواج
فهد انقهررر من برود ردة فعل امه وانقهر من اللي يصير وكله بسبه : يمه تكفين اطلعي ابي ارتاح
ام فهد: اشوفك مافرحت؟؟
فهد: يمه الله يعافيك اطلعي
طلعت ام فهد وحاسه انها اسعد وحده بالدنيا( الحين ارتحت على ولدي بس ياخوفي يرجع يكلمها ويتزوجها من وراي)
فهد فتح جواله وكتب مسج لوليد اخو هند
يوووووه فناااتيل الله يهديك والله شكلي باصيح
تحمسسست وفالاخير ماكملتيها
عالعمووووم بانتظااارك ياعسسسل
تحمسسست وفالاخير ماكملتيها
عالعمووووم بانتظااارك ياعسسسل
الصفحة الأخيرة
متحمسسسه مررره
بانتظارك فنتوله