فناتيل :

عبدالعزيز:وليد انا قلت قصة اختك زوجها لامام مسجدنا وقال لي عن واحد يعرفه بيتزوجها ويستر عليها وليد: من صدقك عبدالعزيز: ايه والله وليد: شف خبرك هذا بمليون جنيه على قولة المصريين بس يااخي عبدالعزيز: انت ماعليك الا تعطيني رقم امها اللي ربتها علشان يرتبون معها ويخطبونها بمعنى ثاني لايدرون انها رجعت دار ولاغيره وليد: اوك مو مشكله بس خايف ميكون الرجال صامل ونتفشل مع الناس نواعدهم وبعها ينسحب عبدالعزيز: انت يااخي وش دخلك ولاحد جايب سيرتك عطني الرقم وبس خذ وليد الرقم من هند وقدمه لعبدالعزيز وبعدها بكم يوم انتشر خبر خطبة مشاعل بعائلة اهل فهد لكن المفاجأه الاكبر ان اللي خاطبها كان عبدالعزيز واللي كان قبل فتره ناوي يتقدم لهند ويواعد وليد بالمقهى علشان يفتح معه الموضوع ويتفاجأ من وليد يسأله عن اهل فهد وعن سمعتهم لانهم خاطبين اخته كان عبدالعزيز ناوي يستر عالبنت ويتزوجها وفتره يطلقها وبنفس الوقت علشان ماتكسر قلب هند ويتزوجها فهد عليها وليد انصدم لما قالت له اسم عريس مشاعل بعد ماعرفت من فهد ولما اتصل فيه وليد وعرف نيته بكى وليد وحس ان اللي سواه معروف ماينساه وربي بيجازييه بستره عليها دخلت هند التاسع وقررت تكون قريبه من فهد علشان لو جتها اعراض الولاده يكون جنبها وكانت ايام حلوه بينهم ببيت ام فهد لانهم اتفقوا نهم يرجعون لبيتهم بعد ماتقوم هند بالسلامه وكل يوم بعد العشاء ياخذ فهد هند للممشى هو وياها وبعدها ينزلون للسوق يقضون اغراض المواليد وبعدها يرجعون البيت ويورون ام فهد اغراض البيبي ويشاركونها فرحتها ومرت الايام وهند جالسه عالمسبح وفهد طلع نام بدري وراه بكره بالجامعه محاضره وبعدها اشراف بالمستشفى وام فهد كانت داخله جوى البيت وطالعه تجلس شوي عند هند حست هند بألم ببطنها وشوي تحس بألم بظهرها كان خفيف شوي ويروح بس ماحبت تقول شيء الالم بدأ يجمد شوي واستاذنت ام فهد وطلعت لجناحها واتصلت في حصه هند: هلا حصه حصه: هلا والله خوفتيني الوقت متأخر لايكون فيك شيء؟؟ هند: والله معي الم غريب حصه: وصفييه؟ هند: شوي يمسكني على ظهري وشوي اسفل بطني حصه: حبيبتي هذي اعراض ولاده انتبهي حاولي انك تشربين حاجه دافيه واذا حسيتي الالم متواصل على طول اطلعي للمستشفى هند: يوه ياويلك من ربي خوفتيني حصه: وش راييك اقول لك لاحبيبي مي ولاده ثم تولدين بالبيت هند: مدري صرت ارجف حصه :هنوده لازم تروحين من يتواصل الالم لانه توام ويمكن يلزمك عمليه مثل ماقالت لك لدكتوره هند: اوك اوك:استأذنك باخذ دش واشوف وش يصير معي حصه: هند اول باول خبريني وش يصير معك جوالي جنب وسادتي طيب هند: ابشري دخلت هند دورة المياه وخذت لها دش سريع وطلعت والالم يجي ويروح ودخلت غرفة الملابس بتشييك على شنطة المستشفى لقتها كلش محيوسه هند(ياربي يافهد كل يوم تشييك عليها ويوم جا حاجتها لقيتك حايسها الله يهدييك بس وشوي صار الالم يتواصل وخافت هند على اللي ببطنها دخلت على فهد اللي كان بسابع نومه هند: تمسح على شعر فهد: فهودي فهودي فهد: هند تكفيين اتركيني هند: شكل الولاده جتني فهود قم يله قلبي فهد: فتح عيونه: هند مووقتك لاتكونين تمزحيين زي كل مره؟؟ هند: لاوالله حس فهد بهالشيء وقام بسرعه من السرير تبين نطلع للمستشفى الحين ولاشوي يعني هند: لاوالله لازم اطلع فهودي معد اقدر فهد لبس ملابسه وبسرعه نزل للدور السفلي وخذ تمر وكاس مويه لهند وطلع لها بالغرفه :هند هذي مويه مقري فيها جايبه الاسبوع الماضي علشان ولادتك تتيسر يارب هند صار الالم قوي عليها :فهوووود بسررررعه تكفى الم مو طبيعي مسكها فهد بيدها ولبسها عبايتها ونزلها للدور الارضي وركبها بالسياره مشو الطريق وفهد مسرع وهند تتوجع وتبكي وصلو المستشفى وهند خلاص مافيها حتى تصيح الالم هد جسها وبدت تتألم فور ماكشفت عليها الطبيبه :ولاده علطول غرفة العمليات فهد: كيف دكتوره قيصري يعني؟؟ الدكتوره : ان شاءالله لا بس لازم نكون مستعدين لو صار أي شيء علطول نولدها قيصري دخلت هند غرفة الولاده وفهد كان واقف جنبها ويقرى عليها وبلحظه خروج الطفل طلبت هند فهد يطلع برى طلع فهد وسجد سجود شكر انه صار جنبها باللحظه وعلى اعصابه وصار لها ساعه وطلعت الممرضه :الف مبروك جوك بنت وولد مثل القمر فهد: والام كيفها الممرضه: بصحه وعافيه وتقدر تدخل تشوفها دخل فهد وشاف هند وماهي حاسه باللي حولها وتون فهد: مسك هند بيدها :هنوده حبيبتي قومي اصحي ولدتي ياقلبي خلاص هند: ااااه يافهد كأني احلم وين الصغار وكيف صحتهم فهد: ياقلبي خذوهم وبطلع اشوفهم بس الممرضه تقول انهم كويسيين هند كانت شوي مع فهد وشوي تروح بنومه بسبب البنج طلع فهد وشاف اطفاله بالحضانه وانبسط كثير قرب منهم بوسهم وشويات رجع لهند وكانت بغرفة مابعد الولاده:يووه ياهند صغار مره بسم الله عليهم هند: اكيد بيكونون صغار كيف صحتهم فهد: بومبه مشاءالله الحمدلله يارب ارتاحت هند وفهد نام عندها بالجناح والصباح اتصل باامه يبشرها ام فهد فرحتها ماتوصف وفورا بدلت ملابسها وطلعت لهند فهد اتصل بصديقه بالجامعه وقال له عن خبر الولاده وطلب منه يكتب اعتذار عن المحاضره ام فهد شايله الولد بحضنها والبنت بحضن فهد ومبسوطيينفييهم كثير هند تتطلع فيهم ومبسوطه وتقول بنفسها(الحمدلله يارب تمنيت هاللحظه يكون فهد جنبي وصار اللي ابي) وعالساعه عشره انتشر الخبر والكل فرح وساعات وصارت غرفة هند كلها ورد صياني شوكلاته ومليانه ناس اهل هند خالات فهد وعماته والفرحه وماتوصف اليوم كملو اطفال هند شهرين البنت شبه هند كثير والولد ماخذ من ابوه بعض الشيء وهند توها ماراحت بيتها خذت العشرين يوم استجمام وفيها فهد استغل غياب هند عنه وقضى بعض امور المحل واشياء للجامعه وهند صارت تسوي حمامات زيت وساونا وصبغت شعرها وطلعت بلوك جديد وبعد ماكملو العشرين يوم بعاد رجعو وكلهم شوق لبعض فهد فاجأ هند بخدامه للصغار وبتذاكر عشرين يوم على ماليزيا ام فهد خذت الصغار بمربيتهم عندها وفهد وهند طلعو سافرو وانبسطت هند كثير بهالسفريه وفهد ماقصر غرقها حب وحنان ودلع وكل شيء ومن كملو عشر ايام قررو سوى يرجعون للسعوديه علشان اطفالهم اليوم يوم زواج مشاعل وعبدالعزيز وبيوم زواجهم سوى عبدالعزيز زواج عائلي مختصر جدا ومثل قدامها انه تفاجا انها مو بنت بكت مشاعل وشوي وتنهار بس عبدالعزيز قالها انه بيستر عليها وبيعيش معها فتره علشان كلام الناس رجعت مشاعل لربها وصارت تصلي وتدعي وعبدالعزيز حاس بهالشيء ويسووي نفسه موحاس فيها وبعد اسبوع من الزواج خذها لمكه عبدالعزيز حب مشاعل وماحب انه يتسعجل بطلاقها وبمكه حلفها قدام الكعبه انها تتوب وتلتزم وتحفظ زوجها وتصونه مشاعل زواجها من عبدالعزيز كان نقطة تحول بحياتها صارت تلبس عباية راس وهي مقتنعه فيها وتحافظ على صلاتها حبت عبدالعزيز بجنون وهو بعد وعلشان كذا وقف قدام الجميع وكان بيخسر اهله ليين اقتنعو وزوجوه اياها على اساس انها يتيمه ومااحد يدري بالخبر الثاني غيره هو ووليد اما فهد وهند بعد مارجعو السعودييه فهد: خلينا نريح هنوده عند امي عقب تعب السفر واوعدك اسبوع ونبدأ نأثث فلتك ونطلع فيها هند: لايافهد مو انا اللي اطلعك من بيت امك الفله ملكك وتصرف فيها مثل ماتبي ام فهد اثمر هالشيء كثير عند ام فهد حبت هند كثير عقب هالموقف ودلعتها كثير ورجعو سكنو مع ام فهد ببيتها هند غيرت اشياء كثيره في فهد صار يصلي بالمسجد ويحرص على هالشيء ويصوم معها ايام تطوع وتوته توته وخلصت الحتوته

عبدالعزيز:وليد انا قلت قصة اختك زوجها لامام مسجدنا وقال لي عن واحد يعرفه بيتزوجها ويستر...