مَشتـآقـ? ڪْتير »نح‘ـكي سَوآ » نضحكً سَوآ نمشَي عَ ❤دروبْ الهـَوآ ❤ قصه بقلمي

متوليته • 14 سنة

فوق

القرص الاسود • 14 سنة

:time:تيك توك تيك توك

فناتيل • 14 سنة

اليوم خميس الساعه ثنتين بعد الظهر

هند بغرفتها وعلى سريرها وحاطه مخده على راسها

نوال : هند أي عطر تبين منهم احط بشنطتك

هند: نوال تكفين كل شيء على ذوقك مو مشكله ابي اغفي تكفون مو انام اغفي اقلها راسي مصدع

نوال: خلاص بطلع باخذ اغراضك معي للغرفه الثانيه

هند: تسوين خير ولااحد يدخل علي قفلي الباب وراك

نوال: ولايهمك حتى الصغار مصرفينهم البيت فاضي يعني نومي لك شوي

تسكر الانوار نوال وتطلع هن تخلي التكييف على اخر شي بروده وتحاول تنام

وفاء جالسه بالصاله تسوي مناكيرها وعندها ابوها وساره زوجته

ام وليد كانت خايفه تحضر زوجة ابو وليد الزواج وتبي تستشف الموضوع وتعرف

ام وليد: ندى وانا امك روحي اجلسي معهم بالصاله شوفي اذا ساره بتحضر او لا

ندى: يمه وانا كيف بعرف مااقدر اسالها مباشره

ام وليد: جسي النبض المهم اطلعي لي بخبر

ندى: يمه مااتوقع ابوي يخلييها تحضر

ام وليد: وهذ اللي خايفه منها انها تحضر والله بتنكد علي زواج بنيتي

ندى : يمه تعوذي من ابليس وان شاءالله ماراح تحضر

ام وليد: يارب

ابووليد: ساره جهزي لنا شاي وجيبي معه شي مالح ظغطي احسه منخفض

ام وليد خافت على ابو وليد بس ماتبي تبين

دخلت ام وليد المطبخ وطلبت من الشغاله تحط بسكويت مالح مع شاي ابو وليد

خذت كوبين شاي والبسكويت وجت جلست جنب ابو وليد

وفاء( والله قليلة الذوق ماملينا عينها كلنا جالسين وبالاخر تجيب لها وياابوي لحالهم)

وعالعصر نزلت هند وجهها كان مره اصفر ومرهقه: اااخ بس ماقدرت انام عجزززت ابي دقيقه غفوه ماقدرت والصداع يمه ذبحني

ام وليد: يابنيتي معد يمدييك تنومين خذ لك مسكن الكوافيره متصله على اخواتك بتجي

هند:ماعليه يمه انا اخر وحده بتسوييني بتبدأ بنوال وندى قبلي

ام وليد:قومي وانا امك صلي العصر وادعي ربك واقري وردك وخذي لك بنادول ترتاحيين شوي فيما انا اجهز لك عصير وجهك يمه صاير اصفر

هند: ملاحظه والله بس مااشتهي شيء

ام وليد: ماقلت لك بجيب لك كبسه ا قول لك عصير وشوي فطاير لازم تاكلين شيء حبيبتي

هند: طيب بصلي يمه واجي

ام وليد: تقبل الله بروح المطبخ اجهزلك لقمه

دخلت هند غرفتها بتصلي ودخلت وراها ساره زوجة ابوها

مسكت هند مع كتفها

هند: نعم

ساره: هند مبروك زواجك وهذي هديتي انا ارجوك اقبليها مني

هند: شكرا لك ابتسمت وماحبت تكسر خاطرها

فتحت هند الهديه كانت عباره عن حلق حست هند بشفقه على زوجة ابوها وانها مالها ذنب باللي صار بس مقهوره انه اخذها على امها

نزلت هند وحصلت امها مصلحه لها عصير برتقال طازج وكوراسان وتشيز كيك هرفي اللي تحبه

http://www.l22l.com/uploads/beb8df4786.jpg

هند: يمه من جايب التشيز كيك

ام وليد: وليد ياقلبي عليه قايل لي ارفعيها يمه لهند

هند: يابعد عمري يااخوي وخنقتها العبره

ام وليد : دمعت عينها وضمت بنتها : والله بيفضى علي البيت ياهند

هند تبكي يمه الله يخلييهم لك فيه وليد وحسام وابوي واخواتي مو مقصرات بيجيونك دوم وانا ان شاءالله اجي من شهر العسل وتشوفين والله مااتاخر عنك كل يومين طابه عليك

ام وليد:يارب ماتصيرين مثل امك

لاتسوين سواتي طول عمري لاهيه ببيتي ورجلي وعيالي كنت مازور امي الله يرحمها الا يوم كل اسبوعين واذا قالت يابنيتي وراك تبطين علي اقول لها يمه تعرفين مشاغل الحياة وابووليد والعيال

يابنتي لاتغشلك الدنيا عن والدييك وتندمين عقب عمر طويل ،، تعلمت من الحياة لكن عقب ايش ماتوفت امي

هند: يمه الله يعطييكم طولة العمر انتي وابوي يارب

تجلس هند تاكل لها قطعه صغيره من التشيز وحست مالها نفس ابد شربت العصير وطلعت لغرفتها تاخذ لها شاور

ام وليد خذت مشلح ابو وليد وبخرته ومشلح وليد وغترهم

الكوافيره حضرت العصر وسوت وفاء وحصه وخلصتهم قبل المغرب بشويات فيما كوفيرة العروس تصلح بدأت بنوال وندى وخلصو كمان عالمغرب

هند كانت بتسوي ميك اب وتسريحه بس مو بالبيت بالقاعه

دخلت عليها نوال هنوده حبيبتي وليد يستناكم تحت الكوافيره مشت للمشغل دخلو باقي البنات وراها وام وليد لبست هند عبايتها والتفت لقت امها واخواته كلهم واقفين بباب غرفتها

تكتها العبره وانفجررررت بكاء وكل وحده من اخواتها تحاول تمسك نفسها لايخرب الميك اب

في هاللحظه حسام داخل بالكاميرا ويصورهم نوال : وليدوه اوريييك لاتصورني

وحسام يضحك وهند دموعها على خدها بين ضحك وبكاء وكان شعور غريب ام وليد حضنت هند وصارت تبكي وهند تبكي

حصه: يمه وليد ينتظرهم بالسياره اخلصو علينا لانتاخرعلشان يمدييها تصور بالكوشه قبل يجووون الضيوف

ام وليد: اصبري يمه بجي معك للقاعه وانتم يابنات وحده تلحقنا مع حسام تجيب ملابسي واغراض هند

ندى: يمه اغراض هند بالسياره مع وليد واغراضك انا قربت اخلص بجي وياحسام بعد شوي واجيبها معي

طلعت هند وام وليد لسيارة حسام

وليد: هند ياشينك ملزمه تعرسين مايمدي نهون

ام وليد: بسم الله عليها من غير شر

وليد: والله بان غلاك يالدبا

هند: وصوتها مخنوق: تكفى لاتبكيني والله ترى اليوم ادنى شي بيبكيني

الساعه سته صارت هند وامها بالقاعه كان كل شيء مرتب الكوشه روووعه

حتى اشياء الضيافه من شوكلاتات وفطاير وقاتوهات كانت مرتبه على طاولات عند مدخل القاعه

طلعت هند لجناح العروسه وبدت فيها الكوافيره ومساعدتها وفي ظرف ساعه ونصف خلصوها

دخلو وفاء وندى ونوال وحصه وكل وحده لابسه وخالصه

دخلت هند تلبس فستانها ودخلت معها نوال تساعدها كانت ام وليد جالسه قريب من الباب وعيونها تنتظر طلة هند
فتحت نوال الباب ام وليد وحصه وندى ووفاء واقفين عالباب طلعت لهم هند

وفاء ماقدرت تمسك نفسها وطلعت من عندهم ونزلت للدور السفلي حق الضيافه جلست بااقرب كرسي ( الله يوفقك ياهند الله يسخر لك ويارب ماتشوفين معه يوم اغبر ولايجرحك ويتزوج عليك ياربي اجعله زوج الدنيا لاخيتي والاخره وبعد عينهم اعين الحاسدين

حصه خمتها وبكت وكانت نوال تسحبها : حصه تكفووون لاتقلبونها بكى بيخرب مكياجها

ندى: والله طالعه قمر تصدقين احسبك عروس القاعه اللي جنبنا

نوال: على فكره خفيف دمك

هند: بنات ين امي ؟؟

حصه: تو كانت معنا ووفاء وين راحت

ام وليد نزلت وجلست جنب وفاء وكل وحده سارحه و بنفسها تدعي ماتشوف هند اللي شافوه من ازواجهم

حصه: تحت امي ووفاء طليت من الدرج وفتهم نزلت هند مع الدرج ووراها نوال : هند تعالي وين تروحين لايجي احد من اهل فهد

هند: يمه يابعد الدنياااا انتي وضمتها وبكت

ام وليد ماقدرت تمسك نفسها: هند ياقلبي نازله عنك ماابي ابكييك

تتصل وفاء على وليد : وليد تعالو بنصور استعجلو قبل يجون الناااس

وليد: جاااي انا وحسام بس ابوي يقول احسبو لي ربع ساعه بجي وراكم

يدخلون وليد وحسام عليهم وليد كان لابس المشلح وغتره بيضاء

حصه: ياوسيم انت وين هالزين كان

نوال: لايصدق نفسه ويشوف حاله علينا

وليد: ايه مايهومني العذال

وليد يكلم هند: معليش يااختي تبين زواج من انتي شكلك مضيعه لاني مااشوف شكلك الا عالقنوات الفضائيه

هند: خخخخخخخخخخخخ حلوه منك وليد

وليد: اكشششششششششششششخ طالعه قمر

حسام: والله هند طالعه حلووووه

هند: وقبل وش كنت

وليد: كنتي حلوه بس صرتي احلى ترى موع لشان الباتشي اللي عطيتيني ابد

حسام: وليد ترى هند صارت من الناس اللي لازم تظبط علاقتك معهم

وليد: والله انك صادق ماتشوفني امدح من الصبح

نوال: هند المصوره جت بتصورك بالكوشه قبل يجي احد

تجي الكوافيره وتسوي لمسات التصوير

هند واقفه بالكوشه وامها جنبها وحاطه يدها على كتف امها

وصوره مع وليد وحسام وهي بينهم

وصوره لهند مع كل وحده من اخواتها

دخل ابووليد ومازالو يصورون

واخر صوره كانت صوره جماعيه لاابووليد وام وليد وبينهم هند ثم وليد وحسام وباقي البنات

وبعد ساعه توافدو الحضور لحفل الزواج

هند بجناح العروس وحولها بعض من صديقاتها

وفاء كانت جالسه بينهم وتتذكر كل لحظه يوم زواجها وحضور صديقتها ريم معها وكانت تقول بنفسها ( الله يكفيك شرهم ياهند)