ام فهد بالقاعه ومابقى غيرها واختها سعاد
سعاد: حياة الناس مشت مابقى الا انا وانتي
ام فهد: يوووه ماحسيت خلاص خلن نمشي
سعاد: وش راييك ياام فهد تجين معي لبيتي نوسع الصدر ونكمل السهره هناك
ام فهد: لايوخيتي الله يعافيك بروح لبيتي فهد واعدني بيجيني وياهند بكره
سعاد: طيب نروح بيتي ونومي عندي والصباح رباح
ام فهد: مااظن بيترتاح بالي ويعدين تعرفيني سنين وانا ماانوم برى بيتي الا اذا كنت مسافره انا وفهد
سعاد: يوخيتي فهد موب عندك روحي معي وبكره اوعدك اجي انا وياك بيتك
ام فهد: لالاوالله ماقصرتي لبست عبايتها نزلت ولقت سواقها بانتظارها
سعاد: طلعت وركبت سيارتها مع سواقها الخاص اشفقت على اختها دخل بيتها لحالها بعد ماتزوج وحيدها وقررت تنزل وتروح مع ام فهد لبيتها طلبت من سواقها يوقف وبهاللحظات
ام فهد بعد ماركبت السياره هانت عليها نفسها وشلون بتدخل البيت وفهد مو فيه ونزلت من سيارتها وراحت لسياره اختها سعاد وقبل تنزل سعاد فتحت ام فهد الباب
سعاد: جيتي والله توي بجييك بروح معك لبيتك
ام فهد: والله ياسعاد مدري وشلون بدخل البيت عقب فهد
سعاد: علشان كذا اقول لك روحي معي بيتي
توجهو لبيت سعاد وبعد مادخلو اذن الفجر صلو فرضهم وحست سعاد ا ن ام فهد ماراح تنوم وحبت تجلس معها علشان ماتسرح ومايجيها نوم
وحضرت كوبين شاي وجابت شوي مكسرات وجلس تسولف معها عن الزواج والحضور وام فهد شوي معها وشوي تروح بعيد
***************
ام ليد دخلت البيت ولما طاحت عينها على كاسة العصير اللي عقب هند ماقدرت تسك نفسها وجلست تبكي والبنات وحركت مشاعر بناتها وجلسو يبكون معها
دخل وليد عليهم وهم كل وحده جالسه بركن بالصاله وتبكي
وكانت عيونه حمراء
نوال: وليد بسم الله عليك وش فيك
وليد: يوووه ياهنيده وش سويتي فينا والله يوم جيت من الزواج لقيت باب غرفتها مفتوح ولاقدرت امسك نفسي دخلت لقيت ابوي متحضن مخدتها ويبكي وبكيت
نوال: ابوي يبكي!!!
وليد: قسم بالله شوف عيني
وفاء: الله يبه بكتك هند
الساعه تسعه
وفالفندق هند حاسه بجوووع شديد لدرجة حاسه انها بيغمي عليها من كثر ماهي جوعانه
هند: فهد
فهد: عيون فهد
هند: عصافير بطني تغرد مدري ليش
فهد: ههههههههههههه جوعانه ياقلب فهد
هند: شوي بس
فهد" والعشاء احاول معك تقولين بس ماابي هاه
هند: والله مررره معد اقدر اتحمل
فهد:ههههههههههههههه طيب عيوني بنزل اشييك اذا فطورهم كاايف وجو بوفييهم حلو نزلنا تحت وش راييك
هند: خلاص اوك
وفور ماطلع فهد دخلت هند للحمام وخذت دش سريع
وطلعت حطت كريم مصفف شعرها اعطى شعرها تموجات روعه وحطت روج وكحل اخضر ومسكره بلشو وردي هادي
ولبست بجامه حرير احمر وسليبرز احمر ومناكير احمر
وفتحت شنطتها الصغيره ببتتعطر لقت نوته صغيره استغربت
خذتها فتحت اول صفحه لقت مكتوب
هند يااغلى اخت بالدنيا وبهالليله الحلوه والسعيده بقول لك كلمتين انتي احلى اخت والى اخت والله بتوحشينا على قولة المصريين
وقالب النوته وكاتب اكتب لك بالمقلوب علامة الحب بالقلوب وحاط اسهم< تذكرين تلجرافك الي سرقتها ومابقى احد ماعلمتييه وجلستي تبكين وتقولين اسراري ياشيخه يقطع الاسرار اللي بينك وبين صديقاتك اللي مثل هالكتابات السخيفه<< سوري طلعت بك عن جو المذكرات
اعطيت كل وحده من عائلتنا الكريمه النوته وخليته يكتب مافي قلبه من مشاعر لك بهاللحظات الحلوه
اقلبي الصفحه واستمتعي
اخوك : المحب حسام
قلبت الصفحه الى ابنتي الغاليه هند اسعدك الله مع زوجك وجعل حياتكم سعيده يارب
<< مامدييك على امي معبره بالفصيح وكل شي سعاده وسعيده خخ
الصفحه الثانيه
ابنتي الغاليه هند وفقك الهي مع زوجك وبارك الله لكما وبارك عليكما وجمع بينكما على خير
الصفحه الثالثه هند يالشينه ليش تتزوجين انتي كل شيء بالبيت بنفقدك احبك
اختك حصه
الصفحه الرابعه: هند حبيبتي موفقه والله الله بصلاة ركعتين اول ماتروحين مع زوجك عسى ربي يبارك بينكم وتدخل السعاده حياتكم انتي احلى شيء بالدنيا الله يوفقك
اختك: نوال
الصفحه الخامسه: انا لااعرف ان انظم الشعر ولا اكتب الكلام المنمق لكن اقول لك اسعدك الله وبارك لكما
اختك :ندى
الصفحه السادسه: كل قلبٍ صاريخفق بدعاءٍ في السجود ** رب بارك ووفق واجعل الآتي للعروسين مسعود
اختك: وفاء
تعليق حسام:: انتبهي تراها تقول مسعود = سعاده لايفهمها زوجك مسعود اسم وتصير ليلتكم سوداء خخخ
الصفحه السابعه: هند مشوار هرفي بعد الدوام علشان اجيب لك تشيز كيك مره بالاسبوع بفقده الله يخلي ل كلك فهد ويسعدكم
بس بقول لك سر والله حركتي انتي وفهد فيني مشاعر الزواج وان شاءالله قريب
اخوك : وليد
الصفحه الاخيره كانت من ساره زوجة ابوها ابتسمت هند والله ياحسام عليك طلعات
هند الف مبروك زواج ماجيت انا زواجك بس احبك واحب اهلك كلهم واتمنى يصير تحبوني واعيش وحده بينكم
تعليق حسام: لاتشرهين عالللغه بس افهمي المعنى يكفي
هند بعد ماقرت جلست تببكي دخل فهد وخاف عليها
فهد: هند وش فيك شاف النوته بيدها : ممكن اقرى وش فيها
ناظرته هند وابتسمت وعيونها كلها دموع تفضل
بعد ماقراها جلس يضحك ويمسح دموع هند: هنيالي فييك كلهم يحبونك واكييد بحبك اكثر شيء منهم
بعدين وش هالقمر اللي بين يديني الاحمر ماخذ حته منك هههه
هند: كانت تضحك بحياء ودموعها مبل وجهها
فهد: يله حبي البسي خلينا ننزل نفطر تحت
نزلو افطرو بوفيه الفندق
وبعدها طلعو على عشره وناااااامو
فناتيل
•
شاكره لكم ياخوات الي سألتو عني بالخاص تتطمنون علي يوم تاخرت
وارجع اقول ان المشكله عند بالاتصال بالنت
لكم ودي واحترامي
وارجع اقول ان المشكله عند بالاتصال بالنت
لكم ودي واحترامي
الصفحة الأخيرة
وهالبنت ام الاسود وراها حكايات وحكايات ماراح توقف هنا من جد شكلها شيطانه وحقيره هههه<<<انسجمت..