مرحبا ياحوائيات كيف حالكم ان شاء الله بخير
اليوم كنت محتارة بالغداءوش اسوي وش اسوي:angry2: وبصراحة انا كنت مشتهية مقلوبة وبنفس الوقت مشتهية مندي بالفرن وش تتوقعون سويت؟؟؟؟؟؟
اختكم بالله قامت اخترعت طبخة وانتواعليكم تسمونها ....
المهم مالكم بالطويلة (عقب ايش لك ساعة تهذرين )
قامت اختكم وراحت المطبخ وطلعت كل اللي بالثلاجة وأدهرت وطلعت بنتيجة واااااو
اول شي جبت الدجاجة المسكينة وقصيتها من الوسط من جهه وحدة (يعني سدحتها على بطنها)بس وبهرتها بكل انواع البهارات اللي بالمطبخ(فلفل اسود,كركم,ليمون اسود,ملح,زنجبيل,قرفة,بابريكا,بهارمخلوط,كمون)
وقبل ماحط عليها كل هالبهارات عصرت عليها ليمونة وفركت الدجاجةمن داخل ومن برى بقشرالليمونة وحطيت شوي خل
اما خلطةالبهارات حطيتها بكيس ودخلت الدجاجة المسكينة ورجيتها رججججججج لما داخت وتركتها ترتاح عقب مادوختها
جبت الرز انا استخدم الوليمة ونقعته بموية مغلية
نجي الحين للخضار جبت بطاطس وبصل وطاطم قطعتهم شرايح وصفيتهم بالصينية بعد ماحطيت فيها زيت زيتون
بعدين صفيت الرز من الموية وحطيته فوق الخضار
نرجع تاني للخضار
باذنجان وكوسة وفلفل بارد وفلفل حاراللي يجي مقاس كبير
قطعتهم شرايح مثل الخضار اللي تحت الرز وصفيتهم فوق الرز
وحطيت بعد قرون فلفل حار صغيرة
وبعدين صبيت الموية المغليةعلى الصينية لحد ماغطت الرز والخضار
وبكذا تقريبا قربنا على النهايات
بعد ماصبيت الموية غطيت الصينية بالقصدير وسويت له فتحات بالسكين وجبت الدجاجة(اخيرا جا وقتها المسكينة)وحطيتها فوق القصدير وغطيتها بطبقتين قصدير ودخلتها الفرن على نار عالية(180)
لمدة 3/4ساعةتقريبا وبعدين على نار هادية ساعة تقريبا انا خليتها لحد ماجا زوجي من الدوام يعني الوقت كله على بعضه ساعة ونص أو ساعتين
وقبل ماأطلعها من الفرن احط فحمة في صحن زيت وأحطها عالصينية
وأغطيها بالقصدير أكتمها يعني لحد مايوقف الدخان
نسيت اقولكم اذا استوت الدجاجة اشيل القصدير عنها عشان تتحمر من فوق على حرارة الفرن واللي مستعجلة تشغل النار من فوق شوي بس
وسلامتكم ادري طولت السالفة بس وش اسوي حبيت اوصفلكم طبختي بالتفصيل الممل عشان اللي تحتار وش تسوي غدا تسوي طبختي اللي مالقيت لها اسم
وش رايكم نسميها مقلوبةمندي أو مندي مقلوب ههههههههههه
انا بحاول انزل الصور مع أني ماأعرف بس بتعلم
وأول وحدة ترد لها احلى صحن
والله طعمها طلع خيالي وزوجي وعيالي ماشاءالله عليهم دقوا فيها دق وحطيت معها سلطة وشطة :p
وبالعافية على قلوبنا
تكفون اذا مانزلت الصور علموني شلون انزلها لاني سويت مثل ماقالت لي وحدة بالمنتدى الله يجزاها خير رحت لمركز التحميل وحملت الملفات وتمت العملية بنجاح وسويت نسخ ولصق
ان شاءالله تطلع الصور ومايروح تعبي :09:
بنت فايزة @bnt_fayz
عضوة فعالة
يلزم عليك تسجيل الدخول أولًا لكتابة تعليق.
دانة النسيم
•
مافيش صور
يعطيكم العافية ومشكورة عالرد
ياريت تعلموني طريقة تنزيل الصور بالتفصيل الممل عشان اوريكم طبختي الجميلة
ياريت تعلموني طريقة تنزيل الصور بالتفصيل الممل عشان اوريكم طبختي الجميلة
الصفحة الأخيرة