الموضوع ومافيه سلمكم الله اني اشتهيت سمبوسه وماكان عندي عجين
وش تسوين ياطوراي ...وش تسوين واطلع كيس الدقيق اللي عندي وترى هذا الدقيق اللي كلمتكم عنه مره من المرارير يهبل ومثل الكويتي ويمكن احلى واقل استهلاك
سويت بحث بالمنتدى عن عمل العجين بالبيت والحمدلله خذيت من ذي شوي ومن ذي شوي
وطلع عندي عجينه طواري المقرمشه
الموضوع عباره عن لت وعجن وترى بعكس عمله بسيط جدا انصحكم تجربون وتغامرون وتسوونه وبيصير شكلك زي اللي بالصوره
3 كاس دقيق
ملح
ماء تقريبا كاس وربع او حسب ماتتماسك مع العجينه
بياله زيت
الطريقه :
تعجن المقادير مع بعض حتى تكون عجينه متماسكه ماتلصق باليد
تكور العجينه الى كور اكبر من حجم البيض وتغطى بسفره او قماش وتترك لترتاح مده نصف ساعه
تضغط كور العجين باليد كما في الصوره وبحجم متساوي تقريبا
تدهن اقراص العجين بالزيت كثير (حتى لاتلتصق فيما بعد) ثم يرش عليها الدقيق(مع الجهتين)