مشتهيه كبه .... بس !!!!!

السلام عليكم ورحمة الله وبركاته ،

عزيزتي الشعلة ... انا مش فنانة بعمل الكبة بس والدتي بتعملها بطريقة كتير طيبة وحكتبها لك وان شاء الله تظبط معك .

مقادير الكبة
كيلو لحمة هبرة (بدون دهون)
نص كيلو برغل احمر ناعم
ملح
بهارات الكبة
مردقوش (إن وجد) نوع من الأعشاب مثل الزعتر
بصلة صغيرة مفرومة صغير ومفروكة بشوية ملح وفلفل اسود
ثلج مبشور للدعك فقط .

الطريقة:
غسلي البرغل ولا تنقعيه حتى لا تلين الكبة كتير.
اخلطيه مع اللحمة وباقي المقادير على الماكينة افضل ، اذا ما عندك ماكينة اخلطيهم بطريقة الدعك مع خلطهم بقليل من الثلج المبشور حتى يتماسكو.
لو وجدتي العجينة لينة كتير رشي رشة نشا حتى تتماسك .
بعدين بللي يديك بماء بارد (مش ساقع يؤلم ايديك وبعدين تدعي علي) وشكلي العجينة واحشيها واضغطي عليها بخفة بيدك المبللة .
واتركيها شوي ثم اقليها ، وبامكانك الاحتفاط بها بالفريزر .
وعند قليها لازم يكون الزيت في مقلى غميق ويكون حار مش بارد وبعدين نخفف الحرارة شوي عشان تستوي .

ان شاء الله تظبط معك .. وتعجبك .

بسم الله الرحمن الرحيم



أشكرك أختي . وان شاء الله اجربها واردلك . واشكري الوالدة . الله يحفظها.