مرات كثيره .. اشتهي ورق عنب واعجز اسويه فهذه طريقه تفيد وتبرد قلوب عشاق الورق عنب بدل اللف والانتظار .. طريقه لذيذه ومافيها تعب واسهل منها مافيه .. ان شاء الله تنال اعجابكم
طبقناا اليوم راح يكون شوربه الورق عنب ..
المقادير:
ورق عنب مغسول
رز مصري مغسول
طماط - بقدونس - نعناع - كزبره
كاس ليمون - منقوع صبار - زيت زيتون - ماء - ملح .
الطريقه :
في الخلاط تحطين كلاً من : الورق عنب و طماط والبقدونس والكزبره وتفرمبنهم وسط ..
اذا حابه تقطيعنهم يدوي براحتك بس اسرع لي استخدم الخلاط ..
بالقدر تحطين الرز المصري المغسول + الخلطه للي فرمتيها + كاسه ليمون معصور تضبطين ملحه ثم تضيفين منقوع الصبار والزيت الزيتون وتخلطينهم حتى يتجانسون ..
ثم تضيفين الماء حسب الرغبه يعني اهم شي يغطي الرز وتحطينها ع النار عاليه اول شي لمن تبدا تغلي وتطلع فقاعات قصري ع النار وخليها هاديه لمده نص ساعه فقط ..
وقدميهاا وصحتين وعافيه :love:
ولاتنسوناا من صالح دعواتكم ;)