هاذي أول مشاركة لي في هذا القسم واتمنى انها تنال اعجابكم ورضاكم ..
اليوم جايبة لكم طبق سهل .. وصراحة وااااايد حلو ..ومصورته لكم بالتفاصيل الملله .. و مع اني مب من اللي يحبون التونه وايد ... لكن ماقدر اقاوم هالطبق ..
ويللا بسم الله نبدأ ..
اول شي المقادير .. طبعاً انا سويتها لشخصين ..
1- كوب أرز ..
2- جزرتين ..
3- بطاطتين ..
4- 4 ملاعق زيت ..
5- بهارات مخلوطة .. << عن نفسي اضع " كركم - بزار - هيل - فلفل اسود - كمون وملعقة ملح "
6- علبتين تونه ..
7- بصلة صغيره ..
8- فص ثوم مهروس ..
9- نص كوب دافي ماي ورد مخلوط بالزعفران
بسم الله نبدأ ..
أول شي نسخن الزيت ..
وبعد ان يسخن نضيف البصل والثوم .. لين مايصير لونهم ذهبي ...
بعد هذا نضيف البطاطا والجزر ..
ونتم نقلبهم على نار متوسطه .. لين مايلينون اشوي .. تقريبا 10 الى 15 دقيقة ..
ثم نضيف التونه على البطاطس والجزر
وعلى طول نضيف عليها البهارات ...
وبعد هذا نخليهم على نار هادية تقريباً 10 دقايق .. مع التقليب المستمر ..
يتبع ...
ثم نشخله من الماي اللي فيه .. ونسيت للاسف اصور .. ثم تضعين نصف كمية العيش ويفضل انج تستخدمين نفس الملعقة اللي استخدمتيها وانتي تخلطين التونه والخضره حتى ياخذ النكهة :
وتضعين فوقها التونه
وتضعين كمية العيش المتبقية ...
ثم ترشين ماي الورد والزعفران ..
وعند التقديم تخلطيين الطبقتين مع بعض جي ..
سويتها على الغدا مع روب وخيار
واسمحوا لي ع القصور واذا في اي استفسار انا حاضرة واتمنى يكون عجبكم هالطبق ..