اليوم شفت موضوع الأخت مدام علي (المشرشر) و انا اصلا كنت محتاره شو اسوي باللحم المفروم للعشا..و جربته بس عدلت عليه و لها جزيل الشكر الصراحه يستحق التجريب..
خليني أوريكم صورة الحبه من جوا علشان أشهونكم شوي ..
المقادير هي نفس مقادير مدام علي بس أنا سويت نص المقدار و استهلك معي تقريباً 600 جرام لحم.
و مقاديري كانت:نص كوب زيت / نص كوب حليب (تعديلي:أنا دفيتهم شوي بالمكرويف) /بيضه /نص ملعقه خميره مع ملعقه ماء دافئ و 3 ملاعق سكر /ملح و دقيق..
نعجن المكونات كلها و نقسمها كورتين و نسيبها تتخمر.
نجهز اللحم المفروم:يكون ني و نضيف عليه:بهار و فلفل اسود و ملح (تعديلي:ضفت عليه بيضه و ملعقه كبيره بقسماط علشان يمتص موية اللحم و يكون أطرى) و أنا بدال ما اسويه اصابع بايدي حطيته في القمع و طلع معي اسطوانات بحجم متساوي زي ما رح تشوفو..
ناخذ كل اسطوانة لحم و نلف عليها العجينه اللي شرشرناها زي ما رح تشوفو في الصوره
نرصه في صينيه و نسيبه يرتاح كمان شوي و انا دهنته بحليب مع سكر و رشيت عليه:سمسم و حبة البركة و اوريجانو(زعتر)و سماق..
تخبزيه زي الفطاير و طعمه زي الكباب بالضبط..
اترككم مع الصور و اللي لازم تضغطو عليها علشان تشوفوها أوضح..
هنا اللحم و العجينه المشرشره
و هنا في الصينيه..
ووحده أقرب..
وهنا بعد ما طلع في صحن التقديم..
و زوووووووووووم..
و هذا اللي زاد من العجينه سويته بنقانق لفلذات كبدي الله يحفظهم و يصلحهم و يبارك فيهم..
اتمنى يكون عجبكم موضوعي و لا تنسوني من دعواتكم و أكرر شكري لمدام علي
صح و سويت معه شوربة الكسكسي الشهيه و اللي على هالرابط:http://forum.hawaaworld.com/showthread.php?p=43135319#post43135319