مشرفات التوجيه. انا ام وابي استشارتكم وادري ماتردوني

انا ام لبنت بأولى ابتدائي.  وعادت اولى   رغما ان كل من سئلته قال واكد لي ان اولى تقييم ومافيه أعاده ابدا.   المهم. طلبت من المديره العام تعيد التقييم لبنتي  وتجاوبت معاي ماقصرت.    لاكن يوم ان جو للفصل أدخلن. المعلمات ثلاث مع مشرفتين.  غير المديره. صراحه البنت ارتبكت وانا لو كنت وانا كبيره. مكانها.   لكنت ارتبكت ونسيت كل اللي اعرفه.  فما بالك اللي توها طالعه للدنيا.  المهم قررن ان البنت لازم تعيد.   قلت الشكوى لله.    تعيد.   تعيد.    وان شاء الله خيره.   مع   التوبيخ.    من كل من    اسئله من المشرفات او المدرسات اللي نعرفهم.  لا ن كلهم.   قالو.  ليش قبلتي. بهذه التيجه تطلعي لم الاشراف على طول. وهم. يتصرفون معاهم.    لاكن.  كان لي هدف. ان بنتي تاخذ خبره اكثر     وقلت.  يمكن مدرساته  على حق.   على اني ابجي السنه الجايه.   واطلب انها تنقل.   لصف المعلمه اللي جمبهم لانه معلمه تئسيسه.  صح.   وضابطه.    شغله.    المهم. جيت المعلمه هاذي.   وطلبت منه.   شخصيا.  قلت ابيك تحطين بنتي عندك.  وتصرفت ب لباقه.  وقالت والله.  عندنا مدرسه جديده.  خليها عنده.    قلت.   لا تكفين هاذا طلب ابوها.  شخصيا.    انا قلت له كذا.      لأني مابي.    اكرر اي خطاء.      صار العام.    وقلت أبدا بدايه صح مع معلمه     صح.      المهم. ما لقيت تجاوب واضح منهم.     واالنتيجه      ماصارت بنتي. عند المعلمه اللي طلبته.  مشو كلامهم.   وصارت عند المعلمه الجديدة.        قصرت الشر وطوفت الموضوع.      المهم. نادوني. بعد الاسبوع الدراسي الثالث.    وضروري ضروري. قلت ياستار استر.  وش فيه.  الا.   وتجي المشرفة والمعلمه وأول  جمله.   بنتك.   كثيرة الغياب.   والله مسكت.  راسي.  لان بنتي. ماغابت    الا يوم واحد.   وبعذر.  يومن انتبهت المشرفه.  تصحح للمعلمه وتقول. لا لا ماتغاب.      قالت المعلمه بعد ماحست انها. السالفة  انفقشت.  .       لا لا صح ماتغاب.     قلت طيب انتم ليش طالبيني.    قالن بنتك.  مستواها.  ماهو زين ولازم تشدون.  عليها.   يعني لازم يئلفون.  القصه او الكذبة.    ذي.     علشان يبررون.    لمستوى البنت        ومرت الايام.  وكل ما يعطونها املاء.  الحمدلله.    مستواها زين وأعيد الصبح عليها علشان  ماتنسى.    والله الحمدلله.  انها.  كل معطوها. املاء.  اذا كانت. اربع كلمات.  تكتب اقل شئ. ثلاثه.   اللهم تنسى بعض الحركات.   ومع ذلك تكتب الطالبه لم تتقن.       ومرت الايام.    وجاء وقت التقييم.  اخذت اربعه.    ومكتوب عليه الطالبه كثيرة الغياب.      وش السالفه.  ثاني مره. تتكرر الجمله.    ذي.      والبنت اصلا.  ماغابت الا اربع ايام.   من بداية السنه ومنهم.  يومين بعذر.        قلت.     انا الغلطانه   اللي ماسمعت النصيحة من العام ورحت التوجيه.       وقبل. ماقررت    اروح التوجيه.   قلت الطيب أحسن    ليش ماروح المساعده واشرح لها السالفه.      وجيتها.  وشرحت السالفه كلها.     على الغياب وغيره.      قالت.   موضوعك عندي من العام.      وانتي طلبتي نعيد التقييم وعدناه والحين جايه.      قلت.  خلي العام.    العام راح.  انا جايه عشان الغياب.     نزلي أبلة الغياب.  واسئليها.   بنتي كثيرة غياب ولا لا.       وجت أبلة الغياب.     وجابت.   الكشف.  ومافيه الا اربع ايام.   ومنهم.  يومين بعذر.    هاذا كلامي.    غابت يومين بعذر. تعبانه.   ويوم كانت برضو تعبانه واليوم الرابع. هاذا كان اخر يوم. قبل عطلة الحج. وهاذا أتحدى اذا فيه احد. بالسعوديه راح  ذاك اليوم.        قالن.   لا عندنا   ست  ايام    قلت لا اربعه   مدري  منين  جايبين اليومين الزياده  قالن يعني منتي معترفه. بالسته. ذي. قلت لا.    قالن.    طيب  واذا الغياب أيش المشكله.    قلت.  هاذا.    هو.  المشكله.   اجل المعلمه.  ماتدري.   عن البنت اللي جت واللي ماجت.     اجل وشلون تحكم. على مستوى البنت.     وكالعاده.  طلعت معهم.  بنقاش.  عقيم.     وقلت انتم اللي حديتوني.  على الاشراف.      وطلبت منهن يعطني.         الاشراف. التابع لهم.  رفضو.  بالبدايه.    وأصريت     قالن.    روحي لإشراف المربع.   وحددن.  لي. مشرفه معينه بالاسم.       انا عاد قررت.    اروح. لمديرة. الاشراف.   بكبره.      انتهى.      تكفون خواتي.  مشرفات التوجيه.  ابي شوركم.  علموني أيش اسوي.  والله  مالكم الا. اجر.    وأبشرو.   بالدعوات. الطيبه.