مشرفتكم طالبة منكم المساعدة !!!!

شكرا خواتي على سرعة ردكم ..

الاحمرار يا اختي نور الكويت دايم وليس نتيجة استعمال شئ مجرب .

ادا الي في وجهك مثل الاميره ديانا او كلينتون الله ياخده لازم ليزر ويسمى المرض بتوسع الشعب الوريديه في الوجه

مشرفتنا العزيزة
اذا كان احمرار دائم مثل ماتقولين انصحك تستشيرين اكثر من طبيب وليس طبيب واحد
والسبب اني سنتين اعاني من الاحمرار ومادري شنو اسبابه وكل ما راجعت دكتور قالي
الخلايا الدهنيه عندك متهيجه........ويعالجوني ومالقيت فايده وتركت علاجهم
لاني مرضت بسبب كثرة علاجاتهم......بعد هالسنتين تخيلي قلت خلني اروح استشير دكتورة
بس استشارة والا قالت لي فيك مرض ((الورديه)) وهو انه البشره تحمر عند التعرض للشمس او
عند الاقتراب من الفرن عند الطبخ او عند عمل الرياضه..او عند اداء اي مجهود وفعلا كلامها
كل هذا يحصلي.......فقلت خلني استشير دكتورة ثانيه الكل يمدحها......ونفس الكلام قالت لي
انتي فيكي (ورديه=روزيه)واسمها العلمي (Rosea)......والحين انا اتعالج عندها والله كريم
وفعلا مثل ماقالت الاخت زمن الصبر هو نفس المرض اللي في ديانا وبيل كلينتون والكثير من الاجانب
وهو قليل ونادر عندنا في المشرق بس في الغرب منتشر بكثرة حوالي اربعتعش مليون شخص بامريكا مصاب فيه
طبعا هالكلام انا قريته في الكثير من المواقع الاجنبيه لما عملت بحث حاطين انواعه وصور كثيرة من المصابين فيه
ان شاءالله ماتكونين مصابه فيه يارب بس حبيت انبهك لاني اول مرة اسمع فيه من بعد الدكتورة والحمدالله اللي الله
وفقني وعرفت السبب.....واللي اهم من العلاج مثل مايقولون هو معرفة السبب وتجنب مسبباته.....واذا كنتي بحاجه
لأي استفسار انا في الخدمه......لأنه فعلا الاحمرار جدا مزعج عانيت منه كثير لكن الحمدالله على كل حال
وسلامتك من كل شر

الله يشفيج عزيزتي ويبعد عنج البلاء حبيبتي :27:

الله يسامحكم يابنات خرعتوني على عمري .. هالاحمرار فيني من يوم ولدت أول مرة ادري انه مرض ..
لكن فعلا كما ذكرتم عند ممارسة الرياضة أو أي عمل يصير وجهي مثل الدم حتى انه اللي قدامي ينخرع مني .. وفي الأوقات العادية بيكون احمرار اخف .
والغريب انه يزيد لمن اشرب اي حليب بودرة مثل النيدو

عموما جازاكم الله خير عزيزاتي وماقصرتوا . واللي تعرف دكتور جلدية ممتاز تدلني عليه ... مثل الغلاييني