مرحبااا حبوباااتابدلي بدلوي في مجال الرشاقة والاشياءات هذي ^^<< حلوة دلوي
ابقولكم على مشروبين شفت منهم نتائج مرضية والله العظيم بس بشرط تخلينهم ضمن روتينك اليومي وما تخلينهم يوم
بالاضافة الى التخفيف في الاكل الى النص او الربع والرياضة لو 10 دقائق في اليوم
امشي ناقزي العبي كورة اي شي المهم حركة
المشروب الاول :
مشروب ساخن
حطي في الكوب :
ملعقة شمر حب
ملعقة يانسون حب
ملعقة كمون حب
قطعه صغيرة زنجبيل مقطع قد الابهام
كيس شاي اخضر ربيع
وصبي عليهم موية مغلية
خليها 10 دقائق وصفيهم واشربيهم
مرة او مرتين في اليوم
ابقول لكم الفوائد :
الشمر معروف لشد الجسم
الكمون ممتاز للبطن
الشاي الاخضر مضاد الاكسده + يساعد على الهضم
اليانسون يساعد على حرق الدهون
الزنجبيل غني عن التعريف للتنحيف بشكل عاام
المشروب الثاني باااارد
اول شي خلي عندك الوصفة هذي محضرة في الثلاجة وتكفيك من 3 - 5 ايام
قطعة زنجبيل كبيرة قد الكف او اكبر
ابشريها واغلي موية مقدار 4 اكواب وحطي عليها الزنجبيل المبشور يقلب مرة او مرتين وطفيه وخليه 15 دقيقه مغطى
بعد كذا صفيه وحطيه في جيك زجاج وغطيه وخليه يبرد في الثلاجة
طريقة العصير :
كوب من مغلي الزنجبيل اللي فوق
حبة كيوي
حبة ليمون خضراء صغيرة معصورة
في الخلاط كل شي واستمتعي بمشروب باارد منعش
الفوائد :
الزنجبيل مثل ما قلت غني عن التعريف منحف ممتاز
الكيوي نفس الشي فاكهة الرشاقة المثالية
الليمون يمنع تكدس الدهون
يشرب مرة وحدة في اليوم بعد العشاء وا يكون هو بدال وجبة العشاء
ولا ننسى ما ناكل شي قبل النوم ب 5 او 6 ساعات
النتايج تبان اول شي في منطقة البطن
والخصر يبدا يبان :icon28:
تحسين نفسك خفيفة وكلك حيوية
الوصفات هذي مجربة ويبي لها بس صبر في الاستعمال وباذن الله ما تشوفون الا اللي يسركم
اي استفساار انا هنااا
الله يوفق الجميع لما يحب ويرضى
