فراشة حيرانة @frash_hyran
محررة فضية
مشروب القرفة اللذيذ خطوة بخطوة بالصور
السلام عليكم ورحمة الله وبركاته
كيفكم يا حلوات
اول مشاركاتي بالمشروبات حيكون شراب القرفة اللذيذ
من خلال متابعتي لطريقة البنات في القرفة لقيت البعض بيغليها
شوي فما ببين طعمها او بيغليها كتير وبتطلع فيها لذعة
وللامانة انا كنت اغليها منيح واشربها لكن عند ولادتي ببنتي
حماتي الله يجزيها الخير هي اللي سوت القرفة وكان طعمها ولا
اروع وطريقتها جديدة فتعلمتها منها
احنا عادتنا بنقدم القرفة مع المكسرات عند الولادة للضيوف
والقرفة مشروب مفيد للجهاز الهضمي والعصبي كمان
ومفيدة جدا لتنظيف الرحم عشان هيك النفاس بيشربوا قرفة
وكمان وقت الدورة بتخفف الالم وبتساعد على نزول الدورة
وهي مشروب بيعطي دفء للجسم عشان هيك من المفضل
شربها شتاء بس اختكم اللي هي انا هلا تزكرت تنزل وصفتها :eek:
طيب بعد المقدمة الطويلة عن القرفة وانجازاتها
خلينا نروح عالطريقة لكن قبل لازم انوه لشي
ملاحظة مهمة جدا مشروب القرفة لا يصلح للحوامل
اطلاقا لان فيها خصائص قابضة للرحم وممكن لا سمح الله
تسبب اجهاض فاللي حامل تقرأ الوصفة بعد الولادة بالسلامة
وتعملها لنفاسها لكن وهي حامل رجاء ما تجربها
الله يتمم لجميع الحوامل على خير
وكمان اللي عم تحاول تحمل الافضل ما تشربها
والبقية يلا معاي نشوف الطريقة
القرفة بشتريها على شكل حزم كبيرة وتباع عادة عند العطارين
انا ماخدتها من الجناح اليمني بالقرية العالمية
وهاد شكلها
اول شي كسري عيدان القرفة وخليها في طنجرة والكمية تقريبية يعني خلي العيدان
لثلث الطنجرة تقريبا اغسليها منيح مرتين او ثلاث من الغبار
اغمريها بالماء لنهاية الطنجرة
حطيها على نار عالية حتى تغلي
بس تغلي اطفي النار وغطيها واتركيها لتاني يوم وهاد شكلها تاني يوم
مو مبين في الصورة بس العيدان بتكون تشربت الماي وصارت طرية
هلا بنرجع بنحطها على النار لحتى تغلي بنغطيها وبننقلها لاهدى نار
عندنا وبنتركها تغلي وتغلي وتغلي وتغلي حتى تهلك من كتر ما غليت :22:
يعني انا تقريبا تركتها ساعتين على النار كيف بتعرفي انها جاهزة
بتدوقي طعمها اذا كانت لسة فيها لذعة بتكون لسة بدها غلي
اذا راحت لذعتها بتكون جاهزة وهاي فائدة غليها انها تروح اللذعة
اللي فيها
وبعد الساعتين بتشوفوا انه مستوى الماء انخفض
من التبخر وصارت مركزة وطعمها لزييييييييييييييييييييييز
بهاي المرحلة بتقدري تضيفي السكر حسب ما بتحبي
وانا بفضل احط السكر بالفنجان لانه كل واحد بحب الحلاوة
غير عن التاني
حبيباتي لاتردوا ليكمل الموضوع
76
43K
يلزم عليك تسجيل الدخول أولًا لكتابة تعليق.
lulu37
•
يميميميييييييييييييييييييييي
انا بموت عليها و منسويها بنفس الطريقة و كمان انا احيانا بزيد عليها جوز الهند لاني بحبه
يسلمو يا عسل
انا بموت عليها و منسويها بنفس الطريقة و كمان انا احيانا بزيد عليها جوز الهند لاني بحبه
يسلمو يا عسل
ماشاء الله يافراشه تسلم الايادي..
بصراحه حتى لونها صافي ان شاء الله راح اجربها وادعيلك بعد
بس لمن اخليها لثاني يوم اتركها برا ولا احطها بالثلاجه؟؟
ومشكور وماقصرتي بسراحه جت بوقتها..
بصراحه حتى لونها صافي ان شاء الله راح اجربها وادعيلك بعد
بس لمن اخليها لثاني يوم اتركها برا ولا احطها بالثلاجه؟؟
ومشكور وماقصرتي بسراحه جت بوقتها..
مشاء الله يافراشة انا بس نصف ساعة اغليها لكن القرفة الي عندك واضح مشاء الله أصلية ههههههههه يعني كبار وتحسي فيها الفايدة يسلمووووووووووو ياعسل
الصفحة الأخيرة
صبيها بالفناجين بعد تحليتها
وشوفي كيف لونها صار متل الشاي
شايفين لونها شو حلو واو :32:
بالعادة احنا بنقدمها مع المكسرات يعني تقدري تحطي اللي تحبيه
لكن انا شخصيا افضل الجوز معها لانه الجوز اطيب شي مع القرفة
كسري الجوز لكن مو مطحون لا خلي فيه قطع كبيرة
وقدميها وتمتعي بالطعم الرائع ومع الجوز يا سلام :p
اتمنى تكون عجبتكم وتجربوها
وانتبهوا للتحذير اعلاه مرة تانية
وصحتين وهنا على قلوبكم