مشروب سهل يخفف من الشهيه وينزل الوزن بسهوله من تجربتي😊

يسعد صباحكم عسولات
بعد التجربه على نفسي وجارتي
توكلت على الله وراح اكتبه لكم
وهو شراب الكمون 😊
نحط بترمس فاضي وتخلينه خاصه لشراب الكمون لان ريحة الكمون تلصق فيه
اولا ناخذ ملعقه صغيره كمون و5 اعواد قرفه وقطعة زنجبيل اخضر على كبر الابهام وتهرس
ونصف ليمونه الاصفر الكبير ً تعصر في الترمس وبعدها تقطع شرايح وتنرمى في الترمس والليمون الكبير اطعم والصغير بعد ينفع

وكل المقادير تحطها بالترمس الخاص فيها ونسكب عليه ماء مغلي
وتترك ربع ساعه وبعدها تاخذون كاسه كبيره منها قبل الاكل بنصف ساعه او ساعه راح تخفف الشهيه وتخففين من الاكل
صار لي عليها اسبوعين ونزلت 4كيلو وزياده كم قرام
وللامانه انا امشي يوميا ساعه او ساعتين ومن بداية شعبان بدات اصوم
يعني ووقت الفطور اكل 5تمرات وعلبة زبادي قليل الدسم
وتفاحه
واغير في الايام اللي بعدها واحيانا صحن صغير ارز مقدار الكف
كان وزني 83ك واليوم ولله الحمد وزنت وصار 79
نسيت اقولكم
ترمس الكمون اصلحه احيانا بدري الصباح واخذ كاس وقبل الغدا كاس وعلى المغرب كاس
واليوم خلاص تركت الكمون جاب لي غثيان لان عندي جرثومه بعيد الشر عنكم
راح اتركها يومين وارجع لها يوم وهكذا
والصراحه سدت نفسي
كنت اعشق البروست الحراق
اليوم اخذت بس الصدر واقل وكاسة ببسي وربع خبزه وبعدها خلاص احس شبعت وقمت من العشاء
وعندكم فرصه رمضان قرب تنفع فيه خلطة الكمون بالليمون
والله يبلغنا واياكم شهر الصيام والقيام ونحن بصحه وسلامه🌙🌙