صباح الخير يابنات... اليوم جايبة لكم مشروب جدا صحي البعض منا يعرفه زين لكن يسويه بطريقته.. أنا اليوم بقدمه بالطريقة اللي تضمن نتايجه بإذن الله خصوصا إذا إستمريتوا عليه وخصوصا اللي توها والده أو اللي عندها آلام ومشاكل في الدورة وكل الإضافات اللي فيها مرشحة من خبراء الأعشاب وتقصيت عنها بالنت.....:time: طولت عليكم :39:
القادير مع الطريقة يابنات وخصوصا اللي مايدلون المطبخ:
جيبي بريق القهوة وحطي فيه فنجال ونص من مسحوق قشر القهوة (اللي ماتعرفه تلقاه جاهز عند العطارين جيبيه واطحنيه بالبيت بعد ماتتأكدين من نظافته ويكون طازج)
أضيفي عليه : خمس حبات مسمار أو قرنفل خمس أعواد وسط دارسين أو قرفه ثلث ملعقة صغيرة زنجبيل بودرة ربع ملعقة صغيرة كمون بودرة وذرة زعفران. بعدين صبي عليهم موية مغلية حسب حجم البريق (أفضل مقدار للكمية اللي فوق هو لتر ونص ) وخليه يغلي مدة خمس دقايق وبعدين وطي عليه وخليع يغلي من 10-15 دقيقه. صبيه في ترمس القهوة واشربي منه طول اليوم مدة الدورة أو النفاس ويفضل على الريق ولو حصل جنبه صحن محلا (عصيدة) اللي سبق ونزلت موضوعها ( تراني ماعرف أحط رابط ياليت الخوات المشرفات يحطونه أمشكورين و يعلموني شلون أحط رابط) والله يابناتي هذي القهوه رهيبة لأنها تنظف مية بالمية وتزيل الهوا والغازات بس اللي حامل ماأنصحها فيها وعليكم بالعافية ولكل من ردت الله يغنيها عن غيرة.:27:
Haya911 @haya911
عضوة جديدة
يلزم عليك تسجيل الدخول أولًا لكتابة تعليق.
Haya911
•
مشكورين يا بناتي على الرد... عادي لو ما طحنتي القشر لكن في هالحالة لازم تغلينها وقت أطول وهذا بيخرب فايدة باقي المكونات لا تتعيجزين يامال الغنيمة ولو ماعندك زعفران ما يأثر ولكن قرأت في أحد المواقع المختصة بالأعشاب إن المسمار مع الزعفران مفيد للتخفيف من تجلطات الدم بس معليه حبيباتي غيابه ما يأثر كثير... وياعلها مداخيل العافيه وإدعوا لي إن الله يرزقني بر والديني ورضاهم علي ويفرج كربتي وكل مسلم آمين
الصفحة الأخيرة
بس عندي سؤال عادي لو ما طحنت القشر لانه عندي بس ما اطحنه والزعفران غالي اقدر استغنى عنه هع هع هع
الله يوفقك مشكوره