مشروعي؟

ولارد على الاقل جبر خاطر ردوا 😪

يرحم والديك قولي لهم يفكونا بكل مكان طالعين 😣😣 وكله نصب في نصب
هيئة الغذاء والدواء حذرت من منتجاتهم

نصيحه ابتعدي عنهم وربي بيرزقك

ما اصدق انه الى الحين في بنات يشتركون بهذول الشركات بمسمى مسوقه او مندوبه
واساساً لو فكرتي فيها بتعمق وراجعتي طريقة الاشتراك وكيف تسوقين المنتجات على ارض الواقع بتتراجعين من البدايه لان مثل هذول الشركات بدون تحديد اسماء من طلعت للدنيا ماشيه على نظام جذب مسوقات يشتركون مقابل مبلغ مادي ثم يعطونهم كتالوج وممكن يرسلون لهم منتجات عشان يسوقون لها وياخذون نسبه من الارباح
ثم يقولون لهم اذا صرتي شاطره تصيرين انتي قائده يسجلون تحتك فريق مسوقات او مندوبات تاخذين نسبه من اشتراكاتهم وارباحهم ويصير عندك دخل كويس منهم علماً بإنه في مشايخ وفتاوى حرمت هذا النظام لما فيه من خداع وتدليس لان الربح الاساسي يعتمد على المبالغ اللي يدفعونها المشتركات وليس التسويق للمنتج بحد ذاته
انا لما اشوف بنت تسأل قبل تشترك ما اشجعها لانها راح تتعب في النشر وتحاول تعرض منتجاتها على الناس ويمكن تحاول شهور يالله يجيها زبون واحد ومكسبها من البيعه لا يتجاوز ريالين او ثلاثه لان مع قلة الاقبال راح تضطر تبيع حتى بخساره
خاصة ان هذول الشركات منتجاتها معروفه وبكل مكان منتشره
وصرنا في زمان منصات البيع الالكتروني انتشرت وصار الطلب والتوصيل والشراء والبيع من خلالها اسهل بكثير مثل نون وجولي شيك ونمشي وسوق كوم وغيرهم حتى بعض التجار صارو ينضمون لهذي المواقع لتسهيل بيع منتجاتهم
ودايماً اقولها طالما تحسين ماعندك قدره ولا خبره انك تخوضين مشروع لدرجة انك تجهلين كيف تسوقين المنتج هنا ما انصحك تدخلين فيه واجلسي ابحثي وتعلمي وادرسي الوضع والسوق ثم جربي بقناعه

الله يعطيكم العافية شكراً على التنبيه. انا حبيت اشتغل من البيت وقىت استغل وقت فراغي