مشروعي جديد........شامل........ورح ابلش في من بداية شهر مارس مين يبدأ معي ؟؟؟

السلام عليكم اخواتي الحبيبات
موضوعي اليوم سيكون بادئة خير ان شاء الله واتمنى من الجميع الاستفاده والمشاركه معنا
فكرتي في هذا المشروع بدات وانا اتصفح قسم التغذيه هنا في المنتدى وعند قرائتي لمواضيع عديده اشتملت على رجيمات ووصفات واعشاب والخ ............
فكرت انه ربما التكرار الحاصل هنا والروتين الذي استحوذ على هذا القسم جعله نوعا ما مملا الى حد كبير
فكرت ان ابدا ببرنامج جديد
بحثت كثيرا هنا وفي مواقع اجنبيه ايضا عن مواضيع تخص النحافه والرياضه والاكل الصحي
وبما اني عندي معاناه كبيره جدا من وزني ( الي شكلو ما رح ينزل الا ازا اتبهدلت مزبوط ):eek: ففكرت ليش ما ابدا من اول وجديد
يعني من بداية شهر 3 مارس وتكون بدايه لحياة جديده من كل نواحي حياتي
الدينيه ...........والاجتماعيه وطبعا الوزنيه
خليني احكيلكم شوي عن تجاربي الشخصيه:27:
انا قبل سنه ونص ولدت ووزني الحمد لله ما زاد بشكل مؤذي بس طبعا ما كان زي اول ........
مع الرضاعه بلش يزيد اكتر فانتبهت على حالي منيح وبلشت اعمل رجيم
الرجيم الاول كان الكيميائي ونحفت عليه منيح وعملتو بس اسبوعين بدون رياضه
طبعا مع مرور الايام صرت اخبص والتهم الاخضر واليابس وعملت رجيم الاخت عذاري بس كان تعذييييييييييب نسيت احكيلكم انو وزني بعد الولاده كان 79
طبعا رجعت حليمه لعادتها القديمه وهات يا اكل وشبس وكتكات وهلم جرا
قبل فتره (قبل عيد الاضحى) عملت الرجيم الكيميائي (لانوفعلا كتير بنحف) وصار وزني 61 يعني قريب جدا من الخمسينات
بس اخ شو بدي احكيلكم يا جماعة الخير والله الي في عاده ما بغيرها
نزلت في الاكل يمين وشمال وما رحمت حالي وهلا انا 64
طبعا انتو اكيد صرتو عارفين انو انا فجعانه وما في رجيم عم بزبط معي لاني انا اصلا عاداتي في الاكل غلط وبحرم حالي عشان هيك لما اخلص رجيم بتفشش بالاكل:30:
شو بدكو بطولة السيره يا طويلات العمر
قررت <===========اف اف اف والله وصرت اقرر:icon28:
قررت هالمره ابدا صح
شو يعني
يعني بدي بنات حالتهم زيي وفيهم المواصفات التاليه:


@ تعبانين ممن الرجيمات بس برضو حابين ينقصو وزن


@ مش كتير متشجعين يروحو للنوادي رياضيه
انا عن نفسي يا ريت لو اقدر بس الجو عنا بالاردن شتا وما بساعدني لاني ابني صغير وما بقدر اطلعو معي والنوادي للاسف فيها موسيقى وتشليح ومناظر انا في غنا عنها:7_5_122:


@ بدهم حدا يشجعهم ويكون معهم


@ما عندهم تنظيم للوقت


@ وحابين يجربو خلطات واعشاب بالاضافه للنظام الغذائي(انا عن نفسي جربت الخل بس ما طولت عليه و المره هاي كتير متحمسه)


بدي منكم يا بنات اولا
تشجعوني ...........................وتشجعو بعض
ونكتب يومياتنا وكيف ماشي معنا هادا النظام+


تانيا اقرأو هالموضوع الرائع بس حطو جنبكم علبة المحارم عشان رح تتهزأو على المزبوط:icon36: http://forum.hawaaworld.com/showthread.php?t=797513


ثالثا
الي بتقدر منكم تروح على مختبر وتحلل دم بكون كتير منيح عشان نشوف شو الفيتامينات الناقصه عنا وازا بصير ناخدها مع الرجيم

رابعا
اشترو مج ........فنجان................كاسه...........mug حلو كتير ويكون ملون وزاهي وبيفتح النفس...............ليش؟؟؟
عشان نشرب في الخلطات والاعشاب وهاذا الفنجان خلو بس لهادا الاشي يعني سموه فنجانكم الخاص للاعشاب او للشاي الاخضر او الخل
وبس هيك
هلا نيجي لاساس موضوعنا
يا بنات مهما لفينا ودرنا ( واساليني والله انا مجربه) ما في اشي اسمو وزن مثالي بدون تعب
شو يعني تعب = يعني اكل قليل وحركة كثيرة
يعني لا تضحكو على حالكو والي مفكره انو موضوعي رح يغنجها ويدللها فاحسنلها تتفضل تطلع بره





















































وتروح تقرا موضوع ليان الي في الرابط كمان مره

خخخخخخخخخخخخخخخخخخخخخخخخخخخخ
(طيب لا تخففي دمك كتير لانو مو لابقلك):icon30:
رح اعطيكم حرية اختيار نوع الرجيم نقي واستحلي زي ما بدك
انا عن نفسي هادا هو رجيمي لملاك فلسطين الله يجزيها الخير
الاسبوع الاول:
*************
الافطار: 5 تمرات+كوب حليب خالي لدسم

الضحى: حبة تفاح احمر او اخضر

الغداء: (1) 1-2 صدر دجاجه+سلطة روب وخيار وثوم ونعناع+ربع خبزه
(2) علبة تونه+خضروات السلطه+ربع خبزه
(3) 2 قطعو لحم+سلطة او تبوله+ربع خبزه

المغرب: 3-5 تمرات+ ماء

العشاء: خس+ سلطة روب وخيار+عصيرالخلطه( اناناس وكيوي)
****************************** **************************
الاسبوع الثاني:
*************
الافطار: 5 تمرات+ نسكافيه بالحليب

الضحى: عصير اناناس او برتقال او جريب فروت

الغداء: (1) 2 بيض مسلوق+سلطة+ربع خبزه
(2) 1-2 صدر دجاجه+تبولة+ربع خبزه
(3) 4-5 ملاعق فول+ سلطة+ربع خبزه
(4) ستيك+سلطة روب وخيار+ربع خبزه

المغرب: حبة فاكهه او عصير او 5 تمرات

العشاء: (1) خس+ لبن+ 2فاكهه(كيوي+برتقاله)
(2) سلطة+ روب+ عصير الخلطه(اناناس+كيوي)
ورح اعملو اسبوعين بالزبط والاسبوعين التانيين فقط تخفيف مع شرب الخلطات والشاب الاخضر

بالنسبه للرياضه
رح امشي
ولاول مره لانو دائما كنت بعممل رياضه في البيت وكان الجو ممل وكنت بزهق بسرعه :10_8_11: ( يا حسرتي يعني على الاستمتاع الي رح اشوفو بره )
مشي ساعه يوميا
وفي المساء وانا بتفرح على التلفيون بعمل تمرين المعده والارداف والصدر (على فكره ما بتحسي فيهم وانتي قاعده على التي في)


الخلطات
* انا اشتريت الخلطه المنحفه (العطار) ورح ابلش اشربها قبل الاكل
* طبعا اهماشي لا تنسو كاس ماء دافئ على الريق مع عصرة ربع ليمونه
* بعد كل وجبه (زي الله واحد ما لازم تنسو) خل التفاح
* وشرب 5_6 كاسات موي في اليوم (طبعا رح تدعو علي من كتر ما بتروحو عالحمام الله يكرمكم
* شرب شاي اخضر مع زنجبيل قدر المستطاع

هادا مشروعي يا بنات وصدقوني انا كتير كسلانه يعني ازا انا قدرت عليه اي وحده بتقدر بس بدنا همتكم لانو النصاحه والله بشعه
وبعد ما نخلص رح نكون تعلمنا ناكل صح وننظم وقتنا ونتحرك ونكون نشيطين
يللا اشوف مين اول وحده رح تشارك معي على بركة الله

اه نسيت احكيلكم انو لازم نحط الوزن والطول والوزن الي بدنا نوصل له
وزني 64 وطولي 164 وهدفي يصير وزني 57 يعني 7 كيلو
باقي يوم بس على شهر مارس
يللا مين حابه تتجهز للصيف؟؟؟