مشروع استمتعي بحياتج من bascutaa

السلام عليكم
خواتي بقول شي واحد و أنا الحمدلله الحين مرتاحة
أول شي توكلي على الله وعرفي إنج إذا توكلت عليه فهو حسبج
أنا كملت 7 شهور من عرست و البنات اللي عرسن وياي حملن و أنا في البداية زعلت و قلت ليش يارب ما رزقتني نفس ما رزقتهن و وريلي كان محتشر و يبى عيال و كنت توني في ثاني شهر بعد العرس
بعدين اكتشفت في شهر 6 إنه فيه تكيس زعلت و يتني حاله نفسيه و حسيت أنه الدنيا تمشي شوي شوي
بعدين فكرت و قلت الله هو اللي خلقني هو اللي زوجني و عايشه الحمد لله مرتاحة
ليش يوم ابتلاني ما أصبر و يا رب يكون في ميزان حسناتنا
شي واحد بقوله
استمتعي بحياتج و عيشي أيامج كل اللي عندهم عيال يقولون أحلى أيام حياتي قبل ما أحمل و من حملت وحام و عوار راس اللي ما تنام الليل و النهار و اللي 24 ساعة في العيادات و اللي تقول عيالي يضاربون 24 ساعة و ياني صداع
يمكن وحده تقول أنا كبيرة في السن و خايفة أكبر وما يكون عندي عيال ( الله أعلم وين تكون الخيرة ومتى فلا تستعجلين)
لا اللي عنده عيال راضي و لا اللي ما عنده عيال راضي
بس أحسن نشكر الله في كل الأحوال و نقول يا رب ترزقنا الذرية الصالحة الطبية في الوقت اللي يكون فيه خير حقنا و نحن ما نعرف وين الخيرة
أختي في الله خلي بالج مرتاح و كونيpositive لأنه الجسم مترابط بكل أجزائه و أعضائه
و قولي أنا إن شاء الله بحمل و الله قادر على كل شي
و مشكورين و السموحة لني طولت
بس في دعاء علمتني إياه صديقتي و هو
(يا مسخر القلوب و الأبصار سخرلي الحمل أو الذرية الصالحة)
Thanks