مشروع الأكل البيتي بتفصيل بسيط وظريف

أعمل مشروعك :::مشروع الآكل البيتى للطلبة وربة المنزل

والمشروع ده نجح مع ناس كتير جدا جدا أعرفهم شخصيا
المشروع مش جديد ولا اختراع المشروع عباره عن طبخ اكل منزلى داخل سكنات الطلاب المغتربين وبيعه لباقى الطلبه بسعر رمزى ومكسب محترم
شباب كتير فكرو فى المشروع ده وكانت المشاكل ال بتقابلهم

1-عايز حد يشجعنى
2- اصلى مكسوف هشتغل طباخ على اخر الزمن
3-مش عارف المشروع ده هايكسبنى ولا هيخسرنى
4- طب بعد ماخلص جامعه ومين هايحاسبنى على العده بتاعت الطبخ

اولا ياشباب الشغل مش عيب والشاب ال بيتكسف ..........

وانا هعملكم دراسه بسيطه للمشروع ده
مشروعنا محتاج 4 شباب سواء بنات او شباب المهم يكونو بيعرفو يطبخو
كل فرد منهم يدفع 200لرأس مال المشروع
هنشترى بتوجاز حدادى 2 شعله وده ب 50 جنيه
وهنشترى 2 انبوبه ودول ب 350 جنيه
وهنشترى اطباق ومعالق ب 100جنيه
اما اوانى الطبخ كل فرد من ال 4 يجيب حله كبيره من بيتهم
وبكده معانا 300جنيه للمشروع
نشترى ب 100 جنيه رز
والخضار والتوابل والصلصه وخلافه
اهم حاجه فى مشروعنا الدعايه ونبعد عن الطمع
نحسب مكسبنا ياجماعه
كيلو الرز بيكلف اول عن اخر 4 جنيه وبيعمل 8 اطباق لو بيعنا الطبق ب 1 جنيه كده مكسبنا 4 جنيه فى الكيلو

كيلو الخضار بيكلف 6 جنيه وبيعمل 15 طبق او اقل شويا وعلعموم مكسبه مابيقلش عن 5 جنيه
بحسب الطلب هتقدر تحدد مكسبك انتا ومجموعتك
هنا فى سؤال واحد هايقولى طب انا لما اخلص كليه منا دافع فى البتوجاز والاطباق والعده 200 جنيه
هاقوله الحل بسيط المجموعه تشوف زميل يستلم من بعدك وانت تاخد فلوسك والحله كمان
الموضوع مش صعب ياجماعه

منقول
اتمنى انه الموضوع مفيد