هلا وغلا بك يا قلبي انا حابه افيدك واشكرك على الطرح الجميل ..
حبيبتي انا كنت فاتحه مشغل في بيتي ..
جبتها خياطة بفيزة خدامة ... اندونوسية الجنسية ...
بالبداية ... عطيتها موديل وقلت لها يالله ابي مهارتك ... بدون اي تدخل مني ..... ومشاء الله تبارك الله ...
نفذت الموديل بأتقان تاااام .
جبت لها أقمشة ونفذت عليها تصاميم من تصاميم الجلابيات ... واخرجتها اخراج جيد ...
طلعت جوال خاص استقبل فيه طلبات الخياطة فقط ....
قمت البس من خياطها واعرض على الناس ... ترى هذا خياطي ..
الحريم اللي يتصلون يبون كونك جديدة لازم تخفضين لهم وبعض هم ما تستحي تخليك تخيطي لها مجاناً
المهم ....
طريقة الاستقبال لما تدق علي اي زبونه اقول لها شروطي ... بدال ما تملي هي علي شروطها ...
((عزيزتي ... انا ما اخيط العاري ولا القصير .... ولا تجيبين لي قماشك وموديلك ... تجين اتشرف بشوفتك واتعرف عليك .. واعلمك الموديل المناسب لك .. واللون المناسب لك والقماش اللي يناسب جسمك ....
اذا تبي تجين تفرضين علي الموديل وهو ما يناسب جسمك ... ما اقبلك ..... انا ما ني خياط ...
(((ماهو غرور او اعتداد بالرأي ... ولكن تفرض علي الموديل وهو ماهو مناسب .. فاكيد بيكون سيئ جداً ... ومن ثم تسيء لسمعتي ... وهو من الاساس الموديل خلط ما يصلح لها .
اشرف عليها اشراف تام ... احياناً ما اخليها تقص القماش لحالها .... احياناً اقص عنها (كون اني مصممة وخياطة اساساً )
كنت حاطتها بقسم خاص لها بالسطح ...
بالنسبة لاستقبال الزبونات ...لهم وقت معين .... موب يطقون الباب كان بيتك بقالة ...
ما يجو غير المساء .. وقت ما يكون فيه زوجك موجود علشان تفرغين له .
القماش هم اللي يجيبونه ... لان كل حرمة تعرف ميزانيتها .
بالنسبة للعدة الكاملة والتجهيز .... 5000 ريال تكفيك ... وكثيرة بعد ...
مكينة خياطة انفنيتي 1500 ريال وكيلها المحسن و مكينة سيرفوليه هندية بـ300 ريال . خيوط وسحابات وفازيلين و ازره وكرستال 1000 ريال وكثيرة بعد ...
قسمي (السنة ) مواسم بحيث انك ما توقف ابداً
موسم الاجازة ...
موسم الدراسة
موسم الاعياد
يعني فترة مراييل ... فترة فساتين ... فترة تيورات ...
والوقت اللي تكون فاضيه فيه صممي لها جلابيات وبيعيهن .. الجلابية بـ300 ريال والقماش منك .
اتمنى اني افدتك .. لا تنسين اختك بدعوة حلوة بالتساهيل واليسر .
هلا وغلا بك يا قلبي انا حابه افيدك واشكرك على الطرح الجميل ..
حبيبتي انا كنت فاتحه مشغل في...
ونستخرج الميزانيه كامله
من تشاركني في هالفكره وبتكتبها في هالموضوع