هــــــلا حبايب قلــــبي ...حبيت اطرحلكم هالمشروع مع دراسة جدى للمشروع واتمنا انكم تستفيدون من مــوضوووعـي
وليش قلتلكم بأنه ناجح 100% تعرفـــون شو السبب ؟! ....لأن مافي ولا بيت يخلو من العطور والبخور ومافي احد
مايحب الروايح الطيبه ومافي احد يقدر يعيش بدون بخور وعطور وانتم عارفين بأن البخور والعطور هي طقوس يومية
في اي بيت سواء في الامارات ولا السعودية ولا قطر ....الخ ...وماشاءالله تجارة البخور ادرن مال تبارك الرحمن وترا
صناعة البخور والعطور ماهي صعبة ولكن تحتتاج إلى ذووووق في انتقاء الروايح العطرية الحلوووووووه والمناسبة
وعلشان اتميزين نفسج في هالمهنة لازم انج تسوين خلطات خاصة فيج وذلك من خلال التجارب وكتابه كل خلطة اتجربينها ...
متطلبات مشروع صناعة البخور والطيب :
اولا لازم يكون عندج سيوله
ودراسة للمشروع
وتكوني ماخذه دورة تعليمية في صناعة البخور والطيب
يكون لج دفتر خاص اتسجلين فيه تكاليف المواد الخام
وتسجلين فيها خلطاتج الخاصة .
ثانياً دراسة الجدوى :
العطور +سحال العود +الزجاج+المواد الخاصة بالبخور الاخرى .
علشان اتسوي كيلو من البخور راح يكلفج التالي :
572 درهم
هالمبلغ يشمل زجاج البخور والمواد الخام . وعدد الزجاج رايح يكون 36 زجاجة .
تكلفة الزجاجة الوحده = 16 درهم /ريال
يعني لو بعتي الزجاجة بــــ 40 انتي ربحانه ...
صافي الربح = 865 درهم /ريال
دراسة جدوى للعطور البخاخه :
زيت العطر +الكحول +المثبت+الزجاج
كمية710 لتر :
التكلفة : = 325 درهم /ريال
كمية الانتاج = 14 زجاجة
تكلفة الزجاجة الواحده = 23
لو بعتي الزجاجة بـ 50 انتي الربحانه ...
صافي الارباح = 375 درهم /ريال
وعلى فكره العطر الزيتي راح يزيد عندج ويبقى منه زياده حوالي 260 جرام
ومثل ماقلتلكم لازم تتعلمون الصنعة واطبقون وماشاءالله شايفين الجدول عندكم كيف
ولكل شخص بصمة خاصة في البخور والعطور ..
اتمنا موضوعي المتواضع نال اعجابكم