قبل أيام نزلت موضوع هنا بخصوص تجديد الأبواب القديمه وصبغها ..
ومالقيت جواب وكثير كان عندهم نفس السؤال ..
لأن أسعار تجديد الأبواب مرتفعة جداً ..
لذلك بحثت كثيييييير ولقيت هالموضوع وقلت لازم مثل مااستفدت أفيد اخواتي اللي دايم أستفيد منهم :27:
تفضلوا الطريقة والله يجزاه الجنه الأخ صاحب الموضوع ..
مشروع تجديد وصبغ ابواب المنزل
الباب الامامي للصاله
العده المطلوبه
صبغ 42 ريال - تنر 12 ريال - ورق شامي 1 ريال - فرشاه صبغ 5 ريال
الباب بعد السنفره
يبدأ العمل بخلط الصبغ و التنر ونجهز الفرشاه
الفرق قبل
وبـــــــعـــــــد
متعه العمل بمجهودك الشخصي وبتكلفه 54 ريال تقريبا احلى وافضل من احضار شخص يقوم بما تستطيع انت ان تقوم به ويكلفك اكثر من 500 ريال
بعد كذا سأله واحد كم نسبة التنر ؟
رد عليه بهالرد ..
اولا نص لتر صبغ مع ربع لتر تنر وادهن الباب صبغه اولى
بيكون الصبغ خفيف جدا مثل الماي وبيغطي الباب ببقه رقيقه من الصبغ
ثانيا - بعد كم ساعه اخلط لتر صبغ مع ربع لتر تنر ( او اقل من ربع لتر بشوي ) وادهن الصبغه الثانيه
تحاشى تركيز الصبغ في مكان واحد وخل فرشاه الصبغ في طريق مستقيم من فوق الى تحت حتى لا تظهر تعرجات في الصبغ
اهم شيء حط لزقه على حدود الباب حتى لا يصيب الجدار لون الصبغ
لا تنسى وضع جرائد تحت الباب
اذا اخطأت في اي شيء نظفه بالتنر - حتى اذا تجمع الصبغ بكثره في مكان واحد حط عليه تنر - بيزول ويخف وبيتوزع الصبغ
خلص الباب وبعدها شيك كولون الباب ( المسكه) واصبغ حول المكان وبعدها رجع المسكه لمكانها بعد ما تنظفها عشان تلق وتلمع من جديد
خذ فرشاه بحجم 2 انش فقط
بتريحك في الصبغ و الزوايا الحاده - مع وضع الفرشاه في كوب ماء بعد الانتهاء من الصبغ الاول حتى لا تجف و تيبس وتضطر تشتري وحده ثانيه للصبغه الثانيه
بالتوفيق