مشروع تصميم

السلام عليكم ورحمة الله وبركاته

كيفكم بنات

عندي طموح كبييييير أفكر جديا في مشروع بسيط
أنا عندي خبرة متوسطه تقريبا بالفوتوشوب وعندي أفكااار كثيييرة
أنا بصراحة مادرست التصميم بس أخذت دورة على النت وحابة هالشغلة مرة ودايم أحاول إني أطور نفسي
ممكن أصمم أي شي مطلوب إن شاء الله
بس المشكله عندي في المقاسات والألوان :confused-
يعني كيف أعرف المقاسات للمطويات والبرشورات والكروت والأهم وشلون أضبطها بالفوتوشوب
وسمعت إن المطابع تطلب دقة معينه وأشياء ثانيه
يعني المشروع تصميم والطباعة على الزباين

مرة جربت أسوي كرت دعوة لمدرسة وطلع حلو بس بعد جهد ومحاولات كثييرة عشان يضبط المقاس واللون ماتتصورون كم طبعته مرة بالطابعة العاديه وضبط في الآخر
أكيد مو مثل الكروت اللي نشوفها بس حلو كأول عمل لي
وأعجبهم وقالوا مميز وطبعوه

وسويت مرة عرض بوربوينت وانعرض في مدرسة وكان حلو ومرتب
وأفكر حاليا أتعلم كيفية تصميم مقاطع الفيديو

وجهزت كم مقطع لتصميم الإعلانات لسى بشوفهم إن شاء الله

فاللي عنده خبرة ممكن يفيدني بهالموضوع ووشلون أطور نفسي أكثر وكيف أبدأ بحيث إني ماأتورط من ناحية الطباعة مثل ماقلت لكم
وهل هو مشروع حلو
أنا ماأفكر بالربح الخيالي بس شي معقول ويستاهل المجهود اللي أبذله فيه

أنتظر أرائكم