السلام عليكم ورحمه الله وبركاته..
أخواتي كثير ما نشوف في الاسواق والمكتبات ملازم فيها طبخات يعني وحده تعجبها اكلة وتسويها وتجمع طبخاتها في ملزمة وتنتشر بين الناس بالتصوير العادي ....(( شكلي طولتها وهي قصيرة )) المهم يالغاليات فكرت بما أن معظم السعوديين يمصونهم التجار وآخرهم المراعي والصافي ليش ما فيه حريم سنعات يجمعن البدائل الاقتصادية في ملازم زي ما هو حاصل مع الطبخ ...شفت في منتدانا أكثر من موضوع عن هاذا الشئ بس للأسف المواضيع مفرقة بعضها في التجارب والحلول المنزلية وبعضها في الطبخ أنا حطيت الموضوع في المجلس العام علشان أكبر عدد يشوفه ويمكن أحد يتحمسله ....تصدقون حتى لقيت مواضيع عن البدائل في المجلس العام عرفت بالصدفة أن فيه مشروبات غازية ما زال سعرها ريال كنت معتقده أن كل شئ صار بريال ونص ...البدائل الاقتصادية موضوع واسع ويشمل:
- ارخص السوبر ماركات.
- ارخص شركات الالبان والدجاج .....وغيرها.
- اذا ماكان عندي كيري أو حليب مركز وبسوي حلا اش اسوي .
وغير كذا من الاشياء اللي تساعدنا يالسعوديين على تكوين ثقافة اقتصادية تساعدنا على مواجهة الظروف الحالية
أنا ولله الحمد ما علي قاصر من فضل الله بس والله حاسه في الناس اللي رواتبهم ما تكفي عيالهم ولو كنت حاسه أني قادرة على تنفيذ هالمشروع كان سويته بنفسي بس والله ما عندي خبره كافية ...وسلامتكم.
يلزم عليك تسجيل الدخول أولًا لكتابة تعليق.
بوتيك مودرن
•
الله يعطيك العافيه
الصفحة الأخيرة