مشروع حضانه اطفال اتمنى احد يفيدني

السلام عليكم يابنات عالم حواء

بنات انا افكر باقامة مشروع حضانة اطفال من سن الشهر وحتى اربع سنوات او 5 كاقصى حد

طبعا دورت على دراسات جدوى بالنت وحصلت كثير والان المشكله اللي تواجهني هي

الجهه اللي باخذ قرض منها ماني عارفه ايش افضل جهه وماتكون ربويه اهم شيء وايش

هي المتطلبات اللي بيطلبونه وهل يطلبون مني كفيل وهل ينفع الزوج يكفلني علما انه موظف حكومي

وراتبه 4000 بس وهل مثلا بيطلبون رهن مني وهذا غير متوفر

وتتوقعون ممكن اسوي هالمشروع وينجح وانا ابي اسويه بالحي اللي ساكنه فيه واللي عندها افكار

او دراسة جدوى ممكن تفيدني او الجهات اللي ممكن اخذ منها قرض وكم ممكن تكون قيمته ياليت

تفيدني الصراحه اللي خلاني افكر بهالموضوع قضية مقتل الطفله تالا يعني لو كانت فيه حضانات

تهتم بالاطفال الى ان تنتهي دوام الام العامله وتكون بايدي سعوديه وتكون الاطفال في بيئه امنه

وبرعايه سعوديات افضل ايش رايكم يابنات وياليت من البنات يفكرون بهذي المشاريع لخدمة

المجتمع وتوظيف السعوديات