بسم الله الرحمن الرحيم
خواتى الفاضلات من اخت شافت وسمعت الابداع بعينها وقرات وشافت تجارب.نصيحة الى كل اخواتى السعوديات ربات البيوت والخليجيات بوجة عام ..الى متى تنتظرين راتب زوجك او تنتظرين الصدقة من زوجك او تنتظرين الفلس من زوجك خلاص استقري بنفسك وكونى نفسك وفكروا بس مشكلتنا مانبي نفكر.انا هنا بنشر لكم تجربتى واسال الله لى الثبات والاستمرار وادعوا لى لانى احبكم في الله وابي لكم الخير لذلك نشرت تجربتى.
ادعوا لى ان الله يناولني الى في بالي انا في حال يحتاج الى دعاكم اخواتى جزاكم الله خير
تجربتى بعد وضعى الاسري البسيط اوتقدرون تسمونة الحياة على قد اللقمة يعنى راتب زوجى جدا بسيط واقساط وسيارةواجار بيت بس احبة وقلت المهم الحب والعافية والفلوس والرزق على الله انجبت ولد وبنت بعمر 4 و2 سنة
الدراسة والله انى بكالوريوس وتخصص حلو ومطلوب بس ماكتب لى الوظيفة مع انا زوجى يتمنى اشتغل اساعدة وارفع من وضعنا المادي بس تعرفون التعين بالسعودية شلون صاير.
طولت عليكم اعتذر بس لازم تفهمون الكلام صح ومن اولة
انا قلت لازم حل لازم دخل.. قلت اطبخ وابيع بس هذا مجهود كبير ووغير طبيعى..ومصاريف ولازم نزلة سوق وطلبات وفرن ومطبخ مع انة عندى نفس بالاكل قلت اسوى شغل بالكمبيوتر وابيع على معلمات بس طلع لازم كمبيوتر وصيانة وطابعات واروراق ولازم وقت وقت اكتب واكتب يعنى بكذا راح على اطفالى وزوجى بهملهم
مع العم زوجى لايروح ولا يجي لانة ماعندة مصرف البنزين فمن الدوام على العمل حتى ديوانية اومقابلة اصحاب مايروح يقول ماابي وانا اعرف عشان ماعندة حق سيارة حق اكل حق قطية مع ربعة فتنازل عن سمراتة وسهراتة مع ربعة وحبس نفسة بالبيت
انا اخر شي حلمت وصحيت انة خلاص هذى اكيد روية ولانة كان معى بالحلم امى الله يرحمها, وكانت تشجعنى
خلاص وقتها قررت ابدا هالمشروع.حضانة اطفال
بنات انا الحين دخلى الشهرى لايوصف وللعلم اشتريت العمارة الى كنا نستاجر فيها ووضعنا المادى ممتاز لا فوق الممتاز ولله الحمد ونجمد الله وهذا كلة من فضل ربي
بنااات اخواااتى
بداية المشروع خصصت فقط غرفتين في بيتى لاستقبال الاطفال.الى هم اكبر غرفتين غرفة مجلس الرجال وحمامها ومدخل البيت.وصبغتها الون الفستقي الفاتح على مخملى وابواب الغرف كلها ابيض زيادة في اعطاء الراحة والنظافة.مدخل البيت حطيت فية سرير دورين وجنبة سرير دورين وواحد مفارشة ازرق والاخر مفارشة زهر وللعلم لدى من الزهر 4 اطقم اغير فيها وللازرق 4 اطقم
وجنبها 4 اسرة صغيرة خشبية تبع مواليد الى سنتين
وبمفارش ملونة
والجدران بدعت في الاستكرات والاولوان والورود والغيوم وهالششغلات بس للامانة ماعلقت ابدا روح مع العلم انة في العاب بس اروح معلقة لا بس العاب بمجرد خروج الاطفال تجمع بصناديق كبيرة
الغرفة هذى (المدخل) لنوم الاطفال وتخيلوا فيها ارفف لتغير حفاظات الاطفال وفيها مخازن وفيها قطعتين سجاد الوانها حلو الازرق جهة السرير الازرق والحمرا والزهرية جهة سرير البنات
وهالغرفة اضاتها جدا هادية.وللعلم الغرفة ذى فيها باب من الشارع مباشرة بس مقفلة على طول وشايلة المفتاح .اخترت المدخل غرفة نوم حتى استغل المجلس والحمام للاطفال اذا كانوا صاحين. وحتى اذا كنت داخل بيتى او بمطبخى اسمع اى طفل اذا بكى.
اخواتى المجلس ثم صبغة فستقي كمان والحمام كمان كلة اكسسوارت ومفارش اطفال حلوة بصراحة او مشروعى قبل تقريبا سنتين كان كل اكسسواراتى من محلات رخيصة وتمشي الحال بس للامانة بعد تحسين وضعى والله ثم والله ان اسسوارات وتحف الحمام من هوم سنتر والمفارش اسرة الاطفال من ستى بلازا ووالله ان مفارش اسرة الكبار الواحد لايقل عن 200 ريال
لانة الامهات لاحظت انة اذا شافوا الغالى والاهتمام ارتاحوا نفسيا
لانكر عانيت مع الاطفال بس الدعاء وربي ساعدنى.
بنات تخيلوا بداية مشروعى تدينت 10 الف فقط وماكان عندى خادمة وكنت اخذ خادمة اختى الصباح الى الظهر وكنت ادفع لها انا 1000 ريال مع العلم اختى تعطينى خدمتها وبنتها الصغيرة كل صباح لانها مدرسة وترجع تاخذهم الساعة 2 الظهر واختى ترى ماتدفع لها راتب انا بس اعطيها الف ريال مع العلم الشغالة ماتعرف من الى يدفع احنا بس اتفقنا معها الصباح مع بنت مدام عندى وتساعدينى وراتبك 600 من مدام و400 من انا قالت طيب
بنت حلال وممتازة فقط تساعدنى وتنتبة لبنت اختى
طبعا فقط 6 شهور وبعدين ولله الحمد جبت خدامتين مو وحدة لانة ربي ولله الحمد وسع على في الرزق
نعود لكلامناااااا
جهزت الغرف والمجلس خليت فية كم كنبة وجهة حطيت طاولة طعام خشبية 4 اشخاص وترى اغلب اغراضي بداية مشروعى من الحراج يعنى طاولة الطعام فقط ب200 ريال رزق من ربي وللعلم الى باعها كنات نظيفة ولا فيها حتى خط
جزء على زاوية فية تلفزيون كبير وجهاز بلايستيشن وفديوا واشرطة منوعة افلام كرتون وخاصة توم وجيرى اغلب الاطفال حتى ابو سنة ادمان هالكرتون
وجزء من المجلس كلة ارفف والعاب ومكعبات وركن مطبخ ومواعين
وطبعا الجدار كلة معلق صور ورودوازهار ورسومات وبصراحة بدون ارواح ..بالرغم انة كانت شادتنى الصور الكرتونية وبتعجب الاطفال بس خفت انة ربي مايبارك لى في مشروعى وخفت كمان الاطفال اذا ناموا ومايتهنوا بنومة وياذونى
طبعا وبصراحة الراديوا في غرفة النوم شغال بصوت مرة منخفض على اذاعةالقران
وفي المجلس المسجل في الخلف على اناشيد طائر النورس.
طبعا نفس الشي البيت كلة سراميك وبس قطع سجاد الوانة فراحية
الحمد لله الغرفتين فيها امان ان شاء الله وكل الرعاية للطفل
بصراحة
بعد فترة صرت اوفر الحفاظ والحليب حسب طلب الام وجبات للاطفال الكبار وكلة بسعرة
واصبح في ركنين تلفزيون فية بلاستيشن
وركن اخر تلفزيون فية دفي دى وفيديو
واصبح لدى غيارات من مناشف ومن صابون وكريم وشامبوا وملابس احتياط
وغير كذا رضاعات ذات الاستخدام الواحد عشان الوقت وعشان الام ترتاح من ناحية التعقيم.
وحددت وقت استقبال الاطفال من 6 الصباح الى 1 الظهر يعنى بصراحة كنت اقصد للمعلمات.والاطفال الى سن 5 سنوات ولكن بعد ماشفت من رغبة الامهات بتمديد الوقت واحيانا يطلبون العصر يحطون عيالهم لانة معزومين او تبي الوحدة تروح مع زوجها مشوار او سوق. ومن هالكلام
فقلت خلاص من انا 6 الصباح الى 2 الظهر
وممكن من 4 العصر استقبل اطفال الى 8 الليلل
وماشاء الله تبارك الله بس دعاية بالنت والاهل والجيران ومنا ومنا اول شهرين بس كان عدى 4 اطفال والحمد لله وبس من الشهر الثالث ماشاء الله ممكن لانة كانوا يبون يسمعون عنى او ماعندهم علم الله واعلم لدجة والله ولا ازكى نفسي بس اعرف معلمات بعد ماسفروا شغالاتهم قالوا ماعاد نفكر نجيب اطفالنا عندك خلاص والبيت مانبي نشوف وجة شغالة.
بنات اخذ بالشهر 600 ريال يعنى 20 يوم فقط
ومن 6 الى 2 الظهر والطفل معة حليبة وحفاظة.
وكنت اشترط مافي ام تجى وطفلها ومعاة شغالة لانة انا مااحرص شغالات احد
وحددت من 4 الى 8 نفس الشي 600 ريال يعنى 20 يوم وبتقولون الساعات اقل اقول لكم اى بس هالوقت وقت عائلى وطلعة واهتمام باسرتى بس ضحيت فية بس لكم وهو اهم لى.
والى تبي بالاسبوع الاسبوع 150 ريال فقط يعنى 5 ايام فقط
والى تبي بالساعة كان اجر الساعة 50 ريال
وطبعا اذا الاطفال اخوا واكثر من واحد فى خصم واكثر من 3 في خصم يعنى الرابع مجانا وهكذا
طبعا الاسعار من عندى ومريت حضانات وسالت بالت ولقيت شي يفشل ودخلت حضانات ماارضي ادخلى قطوة تعيش فيها فمابالكم بولدى.وشفت ان خدمتى والله خمس نجوم.
الحمد لله كنت اسدد دينى .وبعدين جمعت جمعت وجمعت لين شريت البيت وصار باسمى مو اسم زوجى اسمى انا .والحين ناوية اكبر مشروعى وحسب ماسمعت وتكلمت مع مشروع عبداللطيف بشوف اقدم دراستى لهم واخذ مبلغ لانة ناوية اخذ بيت كامل دور.والحمد للله لى سنتين بهالمشروع والحمد للله ربي فاتح على من فضلة وزوجى سعيد في ونفسيتة صارت زينة مع العلم مااعطية شي او بالاصح ماياخذ شي بس اقل شي ماصار عندة اجار يدفعة وصار راتبةزين مع الزيادات الى صارت ووضعنا مرة تعدل. وانا حبيت شغلتى ذى واحس انة انا اول وحدة سوت هالمشروع واحس ودى احد يتصل بي او يسوى لى خبر بالجرائد او يصوون الشقة ويشوفون كيف النظام والترتيب والله كانة نظام امريكى
ولا امدح نفسي بس والله حتى اغلب الامهات يقولون ان عيالهم الى بسن 9 سنوات يقولون خلاص مانبي نروح معاكم السوق او المول الفلانى ودونى عند ام سعد.. الى هو انا احسن لحست عقول الاطفال.لانة الطفل وخاصة الولد الى مايزعجنى اقول لك بكرة شريت هدية ايش تبي شريط بلايشتيشن او قيم بوى اودى في دى وكلها 10 ريال ينهبل ويختار الى يبي وانا على طول مايجى اليوم الثانى الى شريتة لة فيصير ولهان وغير الوجبات وصحية عبارة عن
عصير وشاندويش جبن
عصير وهامبرجر
عصير وهوت دوج
عصير وقطعة بيتزا
حسب نفسيتى ايش اجهز فى الوقت هذا
واحيانا من نفسي ومجانا اجهز فواكة مشكلة مع ملعقة ايس كريم
واحيانا اوزع عليهم خيار واقول الى يخلص خيارتة لة كذا
واحيانا اوزع تفاح اكون مجهزتها ومقطعتها فصوص وبصحن وكل من يمر ياخذ
بس للامانة كنت امنع البسكوت والشيبس وارفض ان الام تجيبة مع طفلها اولا وبصراحة لانة يوسخ البيت عندى وياذونى فية ولانة غير صحى للطفل اصلا
ساعات اوزع عليها زبادى او كريم كرميل تبع المراعي.وملاعق بلاستك طبعا على طول ترمى
بنات دعووووواتكم لى بالتوفيق وانا جدا سعيدة بمشروعى ..واتمنا لكم التجربة لو بشي صغير وتشوفين كيف النتيجة مع العلم انى حركية وجدا حارة بس بعد مشروعى تعلمت كيف اكون ريلاكس لان العيال امانة وعيال ناس مو عيالى ودائم احط جملة بين عيونى احس في الشي ويكون في رضا االله عشان بس ربي يرزقنى. والحمد للله ربي رزقنى من اوسع ابوابة.
للمعلومية ادرى بتقولين من وين انتى بالرياض او الدمام لا اكيد جدة بقول لكم لا انا بمدينة من مدن الشمال.
امااااانة ادعوا لى ربي يرزقنى احمل وبالولد يارب الصالح السليم,,لانة ماكتب لى الله الحمل وصار عمرى بنتى 4 سنوات
محتاجة لدعواتكم...
اختكم ام سعد
8-8-1430
منقووووووووووووووووول من الايميل
ام رغدة @am_rghd_3
محررة ذهبية
يلزم عليك تسجيل الدخول أولًا لكتابة تعليق.
ماشاء الله
صبرت وكافحت وربي فرج همها
ياليت كلنا كذا
مشكوووره اختي على هذا النقل المفيد
صبرت وكافحت وربي فرج همها
ياليت كلنا كذا
مشكوووره اختي على هذا النقل المفيد
mnc9
•
ماشاء الله تبارك الله.... الله يوفقك ويرزقك من واسع فضله فعلا الطموح زين والاستعداد والعزيمه والاصرار واهم شى التوكل على الله
الصفحة الأخيرة
مشروع جميل