أنا مو فاهمة عليكي أختي ... تقصدي الاعلانات اللي تتوزع بالغرفة التجارية ... على كل حال أنا مشروعي بسيط ومربح الحمد لله ومشاء الله عليه اقبال وعندي قدرة على الابتكار فيه بس مو لاقية شريكة جادة ومتحمسة ... في بنات نصحوني أجيب خادمات وأشغلهم وفي ناس حذروني من الشراكة ... لكن المشكلة إنو أي مشروع بالدنيا لو ما كان فيه إدارة ناجحة راح يفشل وأنا صعب أخلي الخادمات لوحدهم مش عارفة ايش يعملو من ورايا ... أنا مشكلتي إني أيام كثيرة مشغولة طبيعة عملي تخليني أحيانا أداوم 12 ساعة لكن الحمد لله عندي أيام أوف أكثر من الناس اللي يداومو دوام عادي بس طيب بالأيام اللي أكون مشغولة فيها ساعات طويلة بالشغل كيف أخلي الخادمات لوحدهم من غير اشراف ......... لو ما توفقت بالشريكة المناسبة راح أدور موظفة مشرفة

يا بنات رجاءا ... فكرو كويس ... قبل ما تضيعون وقتي و وقتكم وهنا تفاصيل كاملة وكمان شرحت طبيعة عملي عشان تعرفو أنا محتاجة شو بالظبط ... الله يسعدكم اللي مو جادة لا تضيع وقتي و وقتها وترسلو لي رسائل واقعد اشرح نفس الكلام اللي أنا كاتبته هنا

المشروع أنا عملتله دراسة جدوى من غير أوراق وأنا دارسة بزنس وعندي خبرة مشاريع فشلت وأنا بتوفيق من الله صرت الحمد لله أعرف أسباب فشل المشاريع والحمد لله عندي قدرة على انو استمر و زي ما قالت الأخت مشكلة سيدات الاعمال السعوديات عدم الاستمرار طبعا مو كلهم وأنا دارسة تسويق وقادرة اسوق للمشروع كويس

هذا بالنسبة للأخوات اللي سألوني عن ناحية دراسة الجدوى والتسويق ويكفي الحمد لله وبتوفيق منه سبحانه وتعالى انو الدعاية اللي عملتها للمشروع قبل بدايته نجحت وصرت اتلقى طلبات كثيرة والله لو مشى المشروع كويس زي مو مخططة راح يدخلي ايراد أكثر من راتبي


المهم يا بنات خطة العمل كالتالي

أولا ... نستأجر مكان بسيط شرق الرياض

ثانيا .... نجهزه بمعدات الطبخ والأكل

ثالثا .... نرتب أعمال الإدارة وأساسيات العمل كالتالي

استلام ادارة العمل والاشراف على الطباخات والعمل معهن بالطبخ من الساعة 9 صبا لغاية الساعة 2 بعد الظهر

الشيفت الثاني من الساعة 6 مساءا إلى 11 مساءا

وأنا أستلم الشيفت الثاني لأني مرتبطة بعملي صباحا وهذا حاليا لكن بعد رمضان ممكن الادارة اللي أشتغل فيها يحولو دوامي لنايت شيفت أصير أنا أستلم إدارة المشروع صباحا والشريكة مساءا

يعني كل شيفت خمس ساعات والساعات اللي بينهم اللي يعينا فيهم على شغل الخادمات بس لازم تكون معاملتنا معهم بحزم و وعي وبحدود الشغل وبس

رابعا ... لو حبت الشريكة إنها تشارك بالأرباح بالنص ما عندي مانع بس طبيعي لازم تكون شريكة بالنص يعني تشارك في نص تكاليف المشروع وتكاليف المشروع بحدود عشرين ألف ريال هي تدفع 10 آلاف ريال وأنا كذلك نفس المبلغ ولو ما حبت تشارك بنصف تكاليف المشروع راح يكون لها نسبة حسب شغلها بين 10% إلى 30% من الأرباح


خامسا .... المواصلات أنا لدي سائق ولو وجدت شريكة لديها هي كمان سائق أتمنى أفضل طبعا عشان نوصل الطلبات أسرع ونكسب مصداقية أكثر مع الزبائن ويرتاحو بتعاملهم معنا أكثر

ملاحظة : عشان ضمان الحقوق راح نكتب عقد ونستلم ايصالات بالدفع ... لأني أنا إنسانة واضحة وما أحب أظلم أحد ولا أحد يظلمني

هذا المطلوب من الشريكة وهذا شرح كافي للمشروع ومدى الاقبال عليه ... ياريت اللي موافقة وعاجبها الموضوع تراسلني واللي غير مقتنعة ومو حابة الله يوفقها لا تضيع وقتي و وقتها

الله يوفقك ياداليا..

أنتي عقليه تجاريه ,وزادتك التجارب اللي خشيتي فيها خبرة

أنا متوقعه لك النجاح إن شاء الله بمشروعك الحالي,

وإن شاء الله عقبال المزيد والمزيد من النجاح.

ياليتني من اهل الرياضكان دخلت معك شريكه
بالتوفيق حبيبتي

تسلمي لمسة ذوق إنتي فعلا ذوق وشكرا ياقوتة

لازال البحث جاري وتم زيادة عدد الطباخات فصارو معي ثلاثة

ياشيخة انتي شيييييييييييييييييييي..
شرحك واضح وصادق.. الله يكثر من امثالك..