مشروع ... معرض فني في البيت لاعمال عيالي الفنيه

خواتي ... أنا موظفه والي منكم موظفه تعرف المعاناه الي تعانيها الموظفة الي ما تبي تقصر في حق عيالها و بيتها و زوجها اكيد ...
و خصوصا اذا مافي خادمه في البيت ... وهاذي معاناتي
كنت لما ارجع البيت و اغديهم يكون حيلي منهد و ارمي نفسي على الكنبة في الصاله و العيال حوالي ... الي يحل الواجب والي ينط على راسي و يطير قلبي وانا بين النوم والصحى ...
وجاتني فكر ... ليش ما اشغلهم ... اعطيهم اي شي يشتغلون فية .. بس عشان انام ساعه وحده بسسسسسسسسسسسس ما ابي اكثر :06: .

فرحت مكتبة جرير و شريت كتب عن الاعمال الفنية الي يقدرون الاطفال يعملونها
طبعا عيالي اعمارهم 8 . 6 . 3 سنين
وكل يوميين نعمل عمل واحد احيانا ياخذ منهم 4 ايام لحد ما يخلصون ...
تصدقون ... صارو ما يتضاربون ولا يتحاردون ( يتهاوشون ) نفستهم على بعض صايره احسن ... يساعدون بعض ... واول ما ارجع من الشغل ... يبون يشتغلون قبل الغداء ... ح

صحيح ما صرت انام ولا ارتاح ... لان هالمشروع معاهم يخليني استمتع بشكل ما تتخيلون ... اذا السالفة فيها الوان نطلع برا في الحديقة ...

وانشاء الله لما نخلص كمية اعمال محترمة
راح اطبع لهم بطاقات اعزم عماتهم و خالاتهم وعيال الجيران وعيال اعمامهم و عماتهم
:7_2_103v:
... يجيون يشوفون اعمالهم ... خلهم يستانسون ويحسون انهم قادرين يعملون اشياء مميزه .

واكيد راح انزل لكم صور ...


:7_2_103v: