M.O.L.A :

بسم الله الرحمن الرحيم حبيباتي هذي أول مشاركه لي في المنتدى بموضوع مثل هذه الأهمية. صراحة أختي مديرة مدرسة مجمع تحفيض قرءان اقترحت علي أن أمسك المقصف المدرسي في مدرستها وقالت لي تحتاجين بس (سجل تجاري مواد غذائية) ولازم الي بيطلع السجل باسمه يكون غير موظف يعني عاطل (وأنا اخاف اطع باسمي ولو جاتني وضيفه مادري شو يصير ينسحب مني السجل ولا كيف لاني مقدمه ع الديوان وأملي في الله كبير وبأقدم السنه دي كمان باذن المولى)وهيا بتكمل لي باقي الاجراءات. عجبتني الفكره كثيرا خاصتا اني عاطله في البيت ليا 4 سنوات :44:والوالد توفا قبل اسبوعين الله يرحمه ويسكنه فسيح جناته(قولو آمين) ولأن اختي قالت لي والله المقصف ذهب لو عرفتي تديرنه وتجيبي فيه شغلات حلوا يشتروها البنات وانا الحمد لله نفسي في الطبخ حلو يعني قلت بجانب البساكيت والشبسات والعصيرات والماء باعمل بيتزا وسندويشات فلافل وبطاطس وسندويشات بيض وجبن وسندويشات كباب وشاورما واعمل كب كيك ودونات وكشري ومسقعه ومكرونه وطبعا كله انا باعمله في البيت واغلفه وارسلو الصباح للمدرسه وبأوضف بنتين للبيع بس حبيت اعرف لو في اي وحده لها تجربه في المقاصف وفي طريقة اني اعمل الاكلات هدي ولو ممكن اعمل اشياء من بدري واسخنها ولا تخرب او تفسد ياريت تساعودني وتدوني اراءكم وتجاربكم حتى لو تدوني افكار لمأكولات اعملها في المقصف ومراح اغلي اسعارها لان المدرسه في محافظة شوي صغيرا واحيانا البنات دخلهم مايساعد وفيه بنود طبعا وشروط للمقاصف في المدرسه لو قدرت اخدها من اختي باحطها في المنتدى وباقي الاجراءات للي تبغى تستفيد بس ابغى اعرف اراءكم زي ماقلت وتجاربكم وأفكاركم للمأكولات الي بأقدمها ودمتم بود واحترام وتقدير:26:

بسم الله الرحمن الرحيم حبيباتي هذي أول مشاركه لي في المنتدى بموضوع مثل هذه الأهمية. صراحة أختي...