عواطف تركي :

فهمت قصدك هذا اسمه تسويق مقابل عموله او يمكن تسويق شبكي او هرمي اللي منتشر من فتره وما انصحك تتعبين نفسك في هذا المجال وفي شركات تجميل الى هذا اليوم يجمعون لهم مسوقات لمنتجاتهم بحيث يشتركون مقابل مبلغ مادي بسيط ثم يرسلون لك كتالوج او كتيب عن العروض وبعض من المنتجات ثم انتي تبيعينها بطريقتك وكل مابعتي يضيفون لك نقاط معينه وانتي تاخذين فرق السعر اللي اضفتيه للمنتج كأرباح يعني بوضوح اكثر هذول الشركات اغلب ارباحهم ياخذونها منكم انتم يالمسوقات لانكم تدفعون مثلاً 50 ريال عشان يسجلونكم كعضوات ويرسلون لكم منتجات وكتالوج وانتي يالمسوقه بتسهرين الليل والنهار وتحفرين الصخر والحجر عشان تنشرين لهم اعلانات وتعرضين المنتجات على جيرانك وجماعتك ومحد راح يشتري منك للاسف ويمكن تمر عليك شهور طويله مابعتي منتج واحد وبرضو البنت اللي عرضت عليك تسجلين عن طريقها كمسوقه وتحاول تقنعك عشان تضمن ان يجيها نقاط وعموله من تسجيلك عن طريقها عشان كذا يسمى تسويق هرمي او شبكي وفي فتاوى حرمت هذي الطريقه لانهم ياخذون فلوس بدون وجه حق بالتدليس والتغرير بالمسوقات يعني من الاخر ما انصحك تشتغلين ولا تجربين هذي الطريقه يمكن زمان قبل انتشار التطبيقات والاسواق المشهوره مثل نون وامازون وسوق كوم وجولي شيك وغيرها قبل انتشارها ممكن الوحده تشتري من اي حساب بالنت لكن مع وجود مثل هذي المواقع المشهوره ومضمونه محد بياخذ منكم يالمسوقات خاصة منتجات التجميل

فهمت قصدك هذا اسمه تسويق مقابل عموله او يمكن تسويق شبكي او هرمي اللي منتشر من فتره وما انصحك...