بسم الله الرحمن الرحيم
السلام عليكم ورحمة الله وبركاته
هادا أول موضوع ليا في هادا القسم..
لكل اللي حابة تشتغل وهيا في مكانها ويزيد مالها اضعاف الأضعاف وبالحلال ولله الحمد ..
الحل عندي ،
أنا عندي مشروع وماشي ولله الحمد والبضاعة ما تجلس عندي كلها تتصرف الحمدلله ..
فـ حبيت أساعد اللي عندهم رغبة في التجارة لكن ما يقدرو يسافرو عشان يشترو المنتجات.
مشروعي هو منتجات كورية ويابانية مضمووونة مختصة للجسم والبشرة ، وكل البنات جربو وشافو بنفسهم كيف المنتجات اللي ابيعلهم هيا جدًا جدًا مفيدة وغير مضرة ولله الحمد ، واللي حابه تدخل معايا في المشروع تقدر بعد ما تشوف منتجاتي تتأكد بنفسها عن طريق النت تقرأ عن كل منتج ابيعو وتتأكد
كيف حتدخلي معايا وكيف حيزيد مالك؟
أول شي لازم تحددي لنفسك رأس مال ، وتشتري مني المنتجات اللي عاجباكي وحابه تبيعيها وبعدين تسوقيها على معارفك أو عن طريق النت ..
وبعد كدا حتلاحظي إنو مالك بيزيد كل فترة
أولًا : أكيد حتقولو انتي كدا جالسه تسوقي لنفسك ..
الجواب : انا اقدر ادخلك معايا من غير رأس مال ومن غير ما تشتري مني شي وتدخي كدا بدون ما تدفعي ولا ريال من عندك ، بس بالطريقة هادي حتكون عمولتك قليلة لأني حأتعامل معاكي بالنسب ومح تاخدي فلوسك أول بأول ، لا
حتاخدي فلوسك بعد ما تنتهي كمية المنتج اللي جالسة تسوقيلي عنو ، مثلا لو عندي 100 كريم وجاتني عن طريقك 30 زبونة أنا حاعطيكي نسبتك من ال 30 زبونة دي ونسبتك حتكون من 20 % من الربح
أما لو اشتريتي مني حتكون عمولتك اكتر ، كيف؟
ح ابيعك المنتج اللي عاجبك بالجملة (يا إما درزن أو نص درزن)
حتشتري مني المنتج بسعر الجملة مثلا لو عندي منتج بـ 123ريال وإنتي اشتريتي مني نص درزن يعني 6 حبات حابيعك هيا بـ 550 ريال بدل من 738 وانتي بعد كدا تروحي تبيعي الحبة بـ 150 أو 170 او زي ما انتي حابة وبكدا انتي وأنا مستفيدين ، ويكون لكي مشروعك لحالك محد داخل معاكي فيه ولا تاخدي نسبة ولا شي
وللمعلومية النسبة اقل بكتيير من لما تشتري وتبيعي انتي لحالك .
ولما تشتري كمان تضمني نفسك من النصب ، طبعًا انا اخاف ربي ومح انصب ع احد وربي يشهد عليا بس أكيد لأنكم ما تعرفوني مح تعطوني كامل الثقة ..
في الحالتين ، اللي حابة تسير مندوبة انا حاضره وحاعطيها كل حقها كامل مكمل .
وملاحظة بسيطة : النسبة مح تكون من المبلغ كلو ، النسبة حتكون من (الربح) فقط يعني اخرج رأس المال من الحساب وابدا احسب نسبتك من الربح واعطيكي هيا .
اللي عجبتها الفكرة تكلمني عالخاص عشان اتفق معاها (للجـــادين فقط)
Raghad Ahmad @raghad_ahmad
عضوة نشيطة
مشروع يكسبك دهب وانتي في مكانك | بدون ما تلتزمي بأي دوامات
7
1K
يلزم عليك تسجيل الدخول أولًا لكتابة تعليق.
جزر المالديف 2010
•
أرسلت لك على الخاص
ممكن حسابك بشوف البضاعه اولممكن حسابك بشوف البضاعه اول
حسابي عالانستقرام your.beauty1
الصفحة الأخيرة