مشروع ينسيكم هم الأسهم !! !!

تحياتي للجميع
اللي صار صار في الأسهم .. وقدر الله وماشاء فعل .. والحكايه اكبر من مستوى الدرعمه .. هي حكاية فوق التوقعات والمعقول .. ماحدث لعبه لابد أن يكون هناك مستفيد منها بشكل كبير .. وأمس في قناة العربية احد المحللين يقول فيه محافظ غير معروفه تقوم بتجميع الأسهم من اسبوع .. وتقوم بوضع عروض وهمية تسحب بسرعه بعد عرضها لدفع الناس للبيع .. حتى اذا ارتد السوق تدبل راس المال مرتين وحنا يادوبك نحصل رأس المال هذا اذا حصلناه ..
المهم
بعد تجربة سوق الأسهم المريره .. وبعد مادرعمنا وطرنا بالعجه .. فيه حقيقه لازم نفهمها وهي ان المنطق يقول لازم يكون عندنا استثمار آمن .. الأسهم لابأس في حال اكسب واطلع بس تخيلوا لو فلوسكم في أرض اكيد للحين باقيه ومن احسن الى أحسن .. واليوم انا من خبرتي بقول لكم مشروع رهيب ..
يقول احد تجار الكوفي ( محلات الكوفي ) لوعلم الناس بأرباح المقاهي هذي باعوا كل شي وفتحو مقاهي ..
الكوفي .. تحتاج الى ماكينة قهوه ومشتقاتها تتراوح من 6 الاف وافخم شي لاتتجاوز 18 الف ريال
اطقم تقديم
ديكور مغري وشوية كراسي
وكم موظف ( فيه اماكن فيها موظف واحد فقط)
بتقولون بهاالبساطه اقول ايه واكثر
يعني انا اروح كوفي آخذ ابريق شاي صغينون ( مويه وورقة ليبتون) بـ 12 ريال والله لو هو بماء الذهب
وبما اني اطرح الموضوع للنساء فمن الممكن يكون اما مقهى نسائي او عائلي بس بشرط يكون الموقع مناسب ( وهذا هو المكلف بسبب الايجارات )
واللي عندها علاقات في فرنسا ممكن تاخذ وكالة مشهوره .. المشروع يحتاج الى اقدام والاهتمام بالديكور والترفيه والدخل متواصل بإذن الله ..
فيه احد المحلات يدخل يوميا اكثر من عشرة الاف قهوه وشاي وحتى الساعه 3 الفجر مافيه كرسي فاضي
عموما هذا المشروع وفكرو فيه .. بس لاتنسوني من العموله .. افكار ماهي بلاش ..
امززززح .. والله يوفق الجميع
اخيكم
ريح الأماكن