يابنات اليوم جايبه لكم مشرووووب ينحف بدون رجيم ولا حرمان ومكونات هالمشروب طبيعيه ومتوفره بكل بيت
انا الحين لي 6 ايام اشربه نحفت 2 كيلو
طبعا اكيد كلكم تحمستوا وتقولون يالله ياسعوديه عطينا الوصفه لكن ماراح اقول لكم الا اذا صار عدد الردود 20 رد
.
.
.
.
..
.
.
.
..
.
.
.
..
.
.
.
..
.
.
.
..
.
.
.
.
امزح معكم لاني انا متعقده من هالحركه من بعض البنات بالمنتديات الثانيه الله يهديهم
المهم
طريقة تحضير المشروب
اول شي روحي السوبر ماركت واشتري لك حبة زنجبيل طازج كبر كف اليد
هذي صورتها جايبه لكم الصوره لاني اعرف بعض البنات ماعندهم شغل غير الاسئله
طول حبة الزنجبيل الطازجه من 12 سم الى 14 سم وعرضها تقريبا 10 سم
حجمها يزيد شوي يصغر شوي مافي مشكله علشان ادري بعض البنات تجي تقول ماحصلت حبة زنجبيل بهالكبر
ههههههههههه
المهم هذي صورة الزنجبيل
نغسل الزنجبيل
ونقطعه الى شرائح
مثل الي بالصوره
نجيب لتر ونص ماء فاتر (عادي لا مغلي ولا حاجه مويه حلوه مو مالحه موية شرب يعني)
وننقع الزنجبيل بهالماء (اللتر ونص)
انا مشتريه لي عصير تروبيكانا الحجم العائلي ووزعت العصير الي فيه على اخواني واخذت العلبه الزجاج حقت العصير وعبيتها ماء وحطيت الزنجبيل فيها
(شرايكم بالطريقه احسن من البلاستيك المضر)
وهذي صورة العصير وهو متوفر بجميع السوبر ماركتات والجمعيات حتى بقالة الحي الي انا فيه موجود فيها هالعصير
وهذي صورة العصير
وطبعا اشتري اي نوع يعجبك انا اشتريت منجا
طبعا كل هالتفصيل لاني ادري ان في بعض البنات راح يقولون اي نكهة عصير اشتريتي
المهم انقعي الزنجبيل وبعد 24 ساعه يكون جاهز للاستعمال
صفي الماء واحتفضي بالماء بالثلاجه بنفس العلبه الزجاج حقت العصير اما الزنجبيل خلاص مانحتاجه
هذي اول خطوه خلصنا منها (خطوة تحضير عصير الزنجبيل)
.
.
.
الخطوه الثانيه
يوميا الصبح على الريق
جيبي كوب سعة 200 مل تقريبا (اقل اكثر بشوي ماتفرق)
وعبيه من عصير الزنجبيل الي انتي حاطته بالثلاجه بعلبة عصير تروبيكانا
وحطيه بابريق شاي علشان تغلينه
طبعا قبل ماتغلينه حطي عليه
ملعقه اكل صغيره (الخاصه بالحلويات) كمون مجفف ومطحون
ملعقه اكل صغيره (الخاصه بالحلويات) شاي اخضر مجفف ومطحون
ملعقه اكل صغيره (الخاصه بالحلويات) نعناع مجفف ومطحون (اذا مافي ممكت تحطين طازج تقريبا 5 الى 6 ورقات)
هذي صورة الكمون
وهذي صورة الشاي الاخضر
وهذي صورة النعناع
خلي الماء لما يغلي اذا غلي طفي النار عليه وخليه ينقع 5 الى 10 دقائق
وبعدها صفي الماء واشربيه (لازم يكون دافي مو حار مررره ولا بارد)
طبعا الصبح على الريق فبل الفطور بربع ساعه
والظهر قبل الغدا بربع ساعه
والي تبي تشرب بالليل عادي
طبعا انا كنت افطر فطوري العادي مع بعض التعديلات (توست وجبن قليل الدسم + كوب حليب بارد قليل الدسم) او ( بيض مقلي مع خبز طبعا بدون حليب ممكن شاي بسكر دايت) او ( حليب قليل الدسم مع شاي محلى بسكر دايت مع 2 حبه شابوره العاديه ام السمسم مو البر ولا النخاله)
والغداء غدا البيت العادي لكن ما اكثر يعني اقوم من السفره وانا ما شبعت
والعشاء خفيف (زبادي قليل الدسم + خبزه) او (زبادي قليل الدسم + خيار وليمون ملح) او (تفاحه) او (برتقالتين) او (فراوله)
طبعا يوميا مشي من 30 دقيقه الى 45 دقيقه
الحين صار لي 6 ايام ونازله 2 كيلو بدون عذاب ولا حرمان
وايام الخميس والجمعه الوحده لازم تخرب بهالمطاعم قبل لاتروحين للمطعم اشربي من هالمشروب السحري واكلي واستانسي وبعدها تمشي عاالواجهه اللي عندكم 45 دقيقه
شفتوا شلون الحياة حلوه بس نفهمها
والرجيم عمره ماكان عذاب والا غصب
بس الواحده لازم تعرف شلون تفكر وشلون تقهر شهيتها وماتخليها تتغلب عليها
<<< احلفي
ياليت يابنات الي تستفيد من هالمشروب ماتنساني من الدعاء الصالح
منقوووووول:42:
في اخت كتبت نفس الموضوع ياريت اللي جربت تخبرنا اذا استفادت من هالمشروب
http://forum.hawaaworld.com/showthread.php?t=838218