حبيت احذركم من اللي صار في يدين بنتي بعد النقش في مشغل لبنى حسبي الله عليهم
واللحين لي اكثر من شهر اعالجها
السالفه ان بنتي من زمان نفسها في نقش ومشغلتني تبي تنقش وفي 28 رمضان رحت لمشغل لبنى
قلت فرصه اخذها معي عشان انقشها للعيد ودخلت واخذت رقم وجلست انتظر دورها ودخلنا عند وحده
هنديه هي اللي نقشت بنتي قلت كم اجلس واغسله قالت اذا نشف اغسليه رحت البيت وغسلت يدها
وكان يصب مع مويه الغسيل شي اخضر ماخذت بالي منه قلت يمكن عادي جلست اسبوع تقريبا وصارت
يدين بنتي شي غريب تخيلو مكان النقش بارز الجلد ومورم بس على شكل ورد يعني اخذ الورم شكل
النقش وارتعت وصبرت كم يوم وراح الحنا وبقى الاثر الغريب كنها محروقه احمر وعلى شكل ورد
خفت ووديتها المستشفى يوم شافها الدكتور ارتاع قال هذا مثل الوشم ويعتبر حرق انتم وش مسوين فيها
وعلمناه قال ممكن يكونون حاطين بنزين عشان يجلس الحنا فتره اطول
وفيه ناس تتاثر منه وناس لا على حسب جلدت كل شخص وعطاني لها شراب وكريم
وانا من ذاك اليوم وانا اعالج بنتي والى اليوم ماراح صحيح خف بس ماختفى اللحين لي تقريبا شهر
وهو ماراح مسكينه كرهت النقش وصارت تقول ماما مابي احطه ثانيه
طبعا هذي السالفه صايره لي شخصيا ومو منقوله وحبيت اذكرها لكم عشان مايصير لكم مثل ماصار فيني
وتتكرر 1000 مره وحنا ساكتين
واسفه على الاطاله
ايه صح البنزين مع الحناء يسوي كذا طبعا مو كل الناس