السلام عليكم ورحمة الله وبركاته
اخواتي ابدخل في صلب الموضوع علطول ماعندي مقدمات
انا معزومه زوارة بكرة:icon28:
وزواج الاسبوع الجاي
وحبيت اسأل عن المشغل النسائي الي بنادي الضباط :16:بحي الوزارات بالرياض كيف شغلهم واسعارهم في الماكياج والتسريحات:27:
وهل هو زين زي المشاغل المعروفه واللا برابيس؟؟
والشي الثاني مشغل لبنى الي بحي المنار بكم اسعارهم؟؟
انا اليوم صراحه رحت لمشغل في مخرج عشرةطاح قلبي من الخوف:08: كله عاملات ومافيه الازبونه وحده وطلعت بدخلتي للمشغل واستغربت جدا صراحه لاني متوقعته زحمه لان اليوم اربعاء
وقمت ادق الف والف هوجاس
ومامعي الابنياتي اسم الله علينا
وخاصة اني لما قلت لها ابغى حلاوة لي وقص لبنتي 5سنوات
قالت خلاص والافيه شي ثاني؟؟قلت لها لا يمكن اقص لبنتي الثانيه اذا فيه وقت{{واناقصدي اذا اعجبنا شغلكم في الصغيرة}}
المهم كتبت الفاتورة حلاوة بس؟!
قلت لها والقص ؟؟قالت هذا فاتورة ثانيه...تزحلقني:35:واناكني مادريت اثرها تقص لحسابها الشخصي بدون علم صاحبة المشغل هذا اذا كانت حرمة مهوب رجال
لا ومن زين خشتها تنافخ وترفع صوتها وهي تقص :3_2_21v:وانا ودي اكفخها بس زي ماقلت لكم قلبي ساقطن بكرشتي:06: من الخوف ومتحسفه بالمشوار:3_10_6: الي ضربته لين وصلتهم
وانا ماشاء الله علي سويت ان زوجي:arb: قاعد يحتريني عند الباب وكل شوي يدق يقول بسرعه!!!{{سواق ابوي على غفلة والله ان يشوتني لوه عند الباب}}
وقلت لهم متى تسكرون ابشوف يمدي اختي تجي والا لا؟؟
قالن خليها تجي بكرة احسن
المهم يالحبيبات الشي الثاني الي استغربته في هالمشغل اسعارهم الرخيييييصه جدا مدري وش السبب
عموما الله يعافيكم اهم شي لاتنسون تردون عن مشغل النادي ولبنى كثرت عليكم بربره
دفاية زيت @dfay_zyt
محررة
يلزم عليك تسجيل الدخول أولًا لكتابة تعليق.
wajas
•
لبنى يمدحونه وشفت شغله حلو على قريباتي بس يقولون زحمه ومرات يبيلك حجز واسعارهم معقوله مع اني من الشرقيه مو الرياض بس سمعته وصاله عندنا ماشاء الله
اهلين يالغاليه
مشغل لبنه مره حلو شغلهم بس زي ماقالو لازم حجز من قبل بيوم واذا رحتي تروحين من الصباح عندهم عشان يخلصونك عندهم كوفيرا كويتيه روعه شغلها
تقلبي مروري
مشغل لبنه مره حلو شغلهم بس زي ماقالو لازم حجز من قبل بيوم واذا رحتي تروحين من الصباح عندهم عشان يخلصونك عندهم كوفيرا كويتيه روعه شغلها
تقلبي مروري
مشغل لبنى روووووووووووووعه وشفت شغلهم بعيني حتى لورحتي للمشغل الاربعاء تشوفين التسريحات والمكياج شغلهم يهبل بس زحمههههههههههه مووووت لازم حجز الله يوفقك
الصفحة الأخيرة