الـمـقــــــــاديـرـر:...
اثنان ونصف كـاس دقـيق
ربــع كاس زيت نبــــاتي
1 ملعــقه صغيره خميره ناعمه
5 ملاعق اكل ونصف حليب بودرـره
ضرف واحد كريم كراميل
ماء تقريبا كوب ع حسب الدقيق تبعكـ
الطــرـريقه:...
نضع الدقيق والحليب والخميره ةالكريم كراميل في الخلاط ونحركها على سرعه بطيئه
ومن ثم نضع الزيت والماء شوي شوي لان العجين راح تكون هنا شوي يابسه و تلزق في اليد شوي عكس عجينه المعجنات
ونخلط لحد ماتوصل معنا متماسكه لكن اتلزق في يدينا شوي
ومعلومه لاحضتوا ماحطيت سـكر لان الكريم كراميل فيها سكـر وبعدين بعد ماتستوي راح نحط عليها صوص الجبن
نغطيها ونخمرررها ساعه او ساعه وربع
وبعديــــــــــــــــــن نجي للشغل العدل بعد ماخمرناها
نفردها على طاوله مطبخ نظيفه ومرشوشه بالدقيق او خلف صحن مستطيل اذا ماتوفرن الطاوله
ونفرد كل العجين الحلوه حقتنا بشكل مستطيل
وبعد مافردناها
نجيب زبده المراعي سايحه ومالها معيار محدود ناخذ بالفرشاه ونمسح مستطيل السينابون تبعنا بالزبده متجنبيـن الجوانب
وبعدين ناخذ ملعقتان اكل قرفه ناعمه ومثلها سكر بني واذا ماتوفر حطي سكر ابيض مو مشكله وفي كمان في قسم الحلويات يبعوا علب حتكون للسينابون قرفه ومخلوط معاه سكر بني كذا اسهل بس ماتذكرني اسم الماركه
ونرش الان على المستطيل كله القرفه ةالسكر البني او الابيض بس البني اطعم ولونه متناسب مع القرفه والكاكو
بعد مارشينا القرفه والسكر وزي ماقلت نتجنب حواف المستطيل
نرش ملعقه كاكو هنتز فوق السكر والقرفه..... بكذا خلصنا من اعداد الحشـوـوه
نجي الان لمرحله لف السينابون..لما نجي نلف نلفها بالعرض يعني من المساحه الاكبر
نمسك العجين بيدينا الثنتين ونلف بالراحه مانستعجل باللف لحد مانكمل ويصير معانا رول طويل
الان تجيبي سكين حاد وتقطعي السينابون حلقات متساويه وبالراحه قطعي بيدك اليمين وظلي ماسكتها بيدك اليسار علشان ماتخرب معانا شكل السينابون
بعد ماقطعناها وخلصنا.. نجيب صينيه فرن مستطيله او ثنتين دائريه وندهنها بزبده او زيت مافي مشكله ونرش في الصينيه سكر بني وبعدين ناخذ السينابون اللي قطعناها ونحطها بالصينيه بشويش علشان ناتخرب سينابون حقنا ونحاول نخلي مسافه بينهم لان حنخليه يتخمر مره ثانيه حوالي نصف سـاعه
بعد ماتخمر السينابون توضع في فرن وسط وكل وحده تعرف فرنها لان فرن من فرن يختلف يعتي تراقبيه
تقريبا ع درجه حراره 160وتفتحي النار عليه من فووق وتحت الين مايصير لون ذهبي فاتح وترى ماياخذ وقت طويل بالفرن اذا لاحظتي تحمر وتغير لونه تخرجيه من الفرن
وتصبي عليه الصوص الابيض وهو ساخن
مقـــأديـرــر الصــوص الابيض
في الخلاط
نخلط 3 جبن كيري
فنجالين سكر ناعم
نص فنجال شاي حليب المراعي
بعد ماخلطناهم نحطها على وجه السينابون
وكمان قبل التقديم تقدري تحطي مره ثانيه بتكون اطيب وعلى حسب الرغبه تقدري تحطي صوص السانداي اللي هو صوص الكراميل من هيرشيز تعطيه طعم حلو:p
اخليكم مع الصور واذا عجبكم قيموني
بدري عليك اول مشاركه هههه:cool:
