السلام عليكم ورحمه الله وبركاته
الله يوفقكم جميعاً ويرزقكم الي تتمنونه عاجل غير أجــل يار
بنات قبل اقولكم وش مشكلتي بقول لكم شي عني
انا والله جيت وكتبت هنا لاني مااحب اشكي لـ احد قريب لي او يعرفني احس اني اصير ضعيفه لا شكيت لشخص اعرفه
واقعد ابكي ماتحمل شي والله مو من طبعي كذا بس مدري ليش صرت ضعيفه واي شي يبكيني ويضايقني
والله يابنات قبل اتزوج بسم الله علي كانت شخصيتي قويه وكان مايهمني احد والي يضايقني بشي اوقفه عند حده
وكنت من جد ماخذه حقي وزود .,
بس من تزوجت صرت شوي حساسه وصرت امسك نفسي في امور اقول يابنت انتي صرتي حرمه اركدي بلا مشاكل وقلة حياء والخ ..الخ
عمري يابنات 21 سنه متزوجه لي تقريبا سنتين بدخل على سنتين كذا
ربي رزقني ببنوته .. علاقتي مع زوجي تمام لابعد درجه تتخيلونها والحمد لله هذا من فضل ربي
يحبني ومقدرني وكل شي والحمد لله يارب
مشكلتي مع اهل زوجي من يوم تزوجت ومشاكل بمشاكل طبعاَ اقصد الي ماهم متزوجات الي متزوجات كانت علاقتي معهم تمام لابعد درجه
كنت امشي المشاكل والحساسيات الي تجيني منهم اخوات زوجي الي ممومتزوجات وامشيها لهم اقول يابنت خليك عاقله
ذولا صغار مع انه مافي فرق ترا بـ السن بس تصرفاتهم طفوليه لابعد درجه .!
تخيلو يابنات كل ماتصير مشكله ازعل شوي بعدين عادي اجي عندهم ونتصالح وكل شي
قبل فتره جاتني سلفتي وقالت لي كلام وقالت لي حكي والله والله يابنات اني انهرت وقعدت ابكي :(
تخيلو يابنات طلعو كلهم يتكلمون فيني بظهري
حتى الي متزوجات :( وانا كنت معتبرتهم كبار وعاقلات وبحسبت اخواتي وربي
حتى عمتي تحذرها مني
تخيلو بس كيف يحذرون سلفتي هذي مني عشانها هي عروسه توها
يقولون لها انتبهي منها ومدري ايش
والي صادمني اكثررر يقولون لها هذي زوجها متحكمه فيه وحاطته خاتم بـ اصصباعها
تتحكم فيه ومدري ايش .!!!! وربي يابنات ماضايقني الا هالكلام
ليش يقوولون عن ولدهم كذا ؟؟؟؟؟؟ ايش الي حاطته خاتم ومدري ايش
وربي يابنات زوجي شخصيته قويه وبالعكس ماني متحكمه فيه بس شي واحد يمكن خلاهم يقولون كذا
انو دايم لمن نكون متجمععين ونبغى شي من برا سلفاتي يطلبون من رجالهم يقولون تعبانين ولا مافينا حيل والخ
ونفس الشي اخوات زوجي رجالهم يقولون لهم كذا يجوني يقولون لي يا ام فلانه كلمي فلان يمكن يروح
واروح انا على نيتي اقول لزوجي اخواتك يبون كذا ونبي كذا ويقول لي ابشري ويروح
هم فاهمينها ضعف شخصيه ؟؟؟ لا والله ماهو ضعف شخصيه زوجي مقدرني ويحبني وعشان كذا قال ابشري
ولا يقدر يقول لي لا والله يابنات ان زوجي طيب معهم ودايم اقول له خلي علاقتك مع اخواتك حلوه
ودايم احاول انه اطلعهم معانا وامشيهم
بس انصدمت صدمه مايعلم فيها غير ربي انهم يتكلمون فيني انتبهي منها لاتقولين شي لها
هذي زوجها مدري ايش ووهذي يوم زواجها كانت غيرانه من سلفاتها عشانها انزفت قبلها والخ
وانا والله والله والي رفعها سبع ان غيرة سلفات ماسلفات
موب عندي والا افكر فيهم كانهم سلفات افكر فيهم مثل اخوات لي ومثل اي حريم
ودايم اقول انا ماحب كلمة سلففتي حتى لمن احد يسئلني من فلانه ماقول سلفتي ومدري وش اقول زوجه فلان
احس كلمة سلفتي مدري كيف :09:
ولااني من النوع الي يغار واغار ليش اصلن دام اني واثقه بنفسي وراضيه بكل شي وزوجي مرتاح معي
وعاجبته اغار ليش
ليش الناس تحسب انه اذا سلفات خلاص نغار من بعض
سلفتي تقول انا والله قبل اشوفك اخذت منك موقف وقلت هذي مابكلمها ابد وبكون حذذره معها >> تقصدني
تقول بس والله يوم شفتك وسولفنا عرفت انك بنت حلال وطيبه بالحيل
وانقهرت عليك انهم يتكلمون فيك
ماحسبتهم يتكلمون فيني كذا ويطعنوني بالظهر ؟؟؟
ليش طيب دامهم يتكلمون فيني يعالموني كانه عادي مافي قلوبهم شي
طيب ليش يكرهوني هم ويتكلمون فيني كذا وبزوجي وانا والله يابنات طيبه ماضريتهم بشي
لاتقولون يمكن منك او شي والله والله ان قلبي ابيض ودايم على نيتي
سلفتي هذي تقول لي انا لاحظت انك على نيتك وتضحكين معهم وهم يدقون فيك بالكلام وانتي تحسبينه مزح واستهبال
ولمن جو قالو لي عنك كذا عرفت انه يدقون ويستفزونك مو مزح
بنات سلفتي هذي ماصدقتها بالاول قلت يمكن اعوذ بالله تبي تنافق او شي ظلمتها وربي :(
لكن قالت لي اشياء واشياء واضح انهم هم قايلينها من جد وقالو لها عن زواجي وهي ماحظرت زواجي وولا كانت تعرفنا
يعني كلامها كله صح
كلمت اختي وانا اكلمها كل المكالمه بكى في بكى :( مافهمت شي مني قفلت منها
قلت لزوجي بكل شي عشان يقدر موقفي ولمن اقول له مابغى اروح عند اهلك يكون عارف ليش
زوجي يابنات وربي وانا اكلمه قاعده ابكي واقول ليش هما كذا معاي والله حزن علي وضااق خلقه مره
قال بروح اكلمهم وابي اسوي ومدري ايش قلت لا ماتسوي شي فلانه مابي يصير لها مشاكل بسبتي
فلانه = سلفتي
قعد يقول لي خلاص لايهمونك اهم شي انا والخ كلام كثير
قلت لـ امي بس ماقلت لها كل التفاصيل امي يابنات طيبه وماهي من الامهات الي قويات
يعني تقول لي خلاص مو مشكله لاتروحين عندهم كثير وخليك رسميه معهم
وتضايقت مره هي ولا صدقت لمن قلت لها لان عمتي وبنات عمتي ماتوقعت انهم يجي منهم كذا ؟؟
اختي لمن كلمتها بعدين قالت كله منك انتي خبله ليش تتحتكين فيهم وتعاملينهم مثل بنات عمنا ومثل اخواتك
وهم من اول ماتزوجتي يسون لك مشاكل ويتكلمون فيك ويمدحون في سلفاتك يبون يستفزونك ومدري وش
المفروض انتي خلاص من اول مره تاخذين لك علقه منهم ودرس منهم
والخ هاوشتني لين قالت بس
طيب انا ادري اني اقدر اصير قويه مثل قبل بس والله يابنات لمن اشوفهم يضحكون لي ويسولفون
ماقدر اكسهم واطشنهم مع انه ودي اصير رسميه وكذا بس والله ماحب افشل احد
والله يعلم ربي اني متحملتهم عشان زوجي بس
لي الحين يمكن 3 شهور مادخل بيتهم :icon28:
والله اني مرتاحه على الاقل مافي مشاكل ولا في حرب نفسيه
بس احس عيب لازم ازورهم عشان زوجي على الاقل مع ان زوجي ولاقال لي روحي او شي
مقدر ظروفي
اسئلكم بالله تعلموني وش اسوي معهم
لاني طفشت مدري كيف اتعامل معهم ؟؟؟؟؟؟
وامي حلولها سطحيه تقول لي خلاص لاتروحين خليك رسميه طيب ذولا اهل زوجي وشي طبيعي
اني بقابلهم بزواجات بعزايم الخ
والله مو عارفه
المشكله يابنات مو هنا المشكله انه واحده من اخوات زوجي تقول لـ زوجي انا لمن اتهاوش مع اهل زوجي
زوجي مايعطيني وجه زوجي يوقف مع اهله والخ >>> زوجي قلها ايوه ووش دخل السالفه ؟؟
قالت له لا ولا شي بس انا اشكي لـ امي
لان عمتي كانت قاعدهم معهم وهي تقول لزوجي لمن زوجي قالها ايوه وش قصدك صرفت المووضوع
بنات والله والله ماقلت لزوجي أتغير عليهم ولا غيره ولا قلت سوي فيهم ولا اي شي
بالعكس دايم اقول له روح زور عمتي وعمي
دايم اقول له رضى امك لازم ترا الجنه تحت اقدامها
يعني ماني من الحريم الي خبيثات اقول لزوجي لاتكلهم ولا لا تعطيهم وجه ولا لاتروح لهم والخ
هذي ليش تقول لزوجي كذا تبي تغيره علي :09:
وبس احس اني طولت :44:
بس تكفون ردو علي
والله يابنات صرت كل مااصلي اقول حسبي الله
من قهري
حبي لزوجي وبس @hby_lzogy_obs
عضوة جديدة
يلزم عليك تسجيل الدخول أولًا لكتابة تعليق.
nashmuh
•
كأنك تحكين قصتي مع اهل زوجي وانا البلاكله من عمتي من الحريم القويات وماعليها مني وممكن كل مااقول شي او امدح شي مثلا على تكسحين بالوجه وفوق كذا يحرشون زوجي بالطريقه غير مباشره علي طبعا زوجي مايقول بس من تصرفاته وكلامه اعرف بمعنى انت تتصرف وشخصيه على زوجتك وولدك (ولدي عمره سنتين)وزوجي متقلب في الشخصيه بس والله حنون وطيب وعصبي ومايحب الكلام الكثير بس صدق كلام امك وهذا انا اللي احاول اسويه بس والله اكلت منهم موقف لليل بس لاتقولين لالهللك ولا لزوجك عن مشاكللك معهم
يااختي بيض الله وجهك تصرفاتك كلها صح وماتسويها الى بنت رجال واخت رجال مثلك
بس لاتقاطعينهم يعني في الاسبوع مره قابلي عمانك ولاتفكرين في مشاكلهم ابد ولاتهتمين اهم حاجه ربك و زوجك واهلك راضين عنك وربي يبي يعطيكي على قد نيتك
بس لاتقاطعينهم يعني في الاسبوع مره قابلي عمانك ولاتفكرين في مشاكلهم ابد ولاتهتمين اهم حاجه ربك و زوجك واهلك راضين عنك وربي يبي يعطيكي على قد نيتك
جيني
•
اختي كل اهل الازواج كذا والله العظيم اسمع كلام منهم مادري ايش اقول بس من داخلي احترق قهر واقول الزوجي ويقول ماعليك منهم
يا اختي طيب انتي شدراك انه كلام سلفتك صحيح يمكن غيرانه من علاقتك فيهم وتبي تخرب عليك
رايي حبوبه انتي ام زوجك هي اللي لها عليك حق زوريها خاصه بالاوقات الليلاتكون لحالها بناتها نايمين او طالعين واذا سألوك وش غيرك قولي وصلني كلام ولا تقولين من مين وشوفي ردة فعلهم كيف
رايي حبوبه انتي ام زوجك هي اللي لها عليك حق زوريها خاصه بالاوقات الليلاتكون لحالها بناتها نايمين او طالعين واذا سألوك وش غيرك قولي وصلني كلام ولا تقولين من مين وشوفي ردة فعلهم كيف
يا اختي طيب انتي شدراك انه كلام سلفتك صحيح يمكن غيرانه من علاقتك فيهم وتبي تخرب عليك رايي حبوبه انتي ام زوجك هي اللي لها عليك حق زوريها خاصه بالاوقات الليلاتكون لحالها بناتها نايمين او طالعين واذا سألوك وش غيرك قولي وصلني كلام ولا تقولين من مين وشوفي ردة فعلهم كيفيا اختي طيب انتي شدراك انه كلام سلفتك صحيح يمكن غيرانه من علاقتك فيهم وتبي تخرب عليك رايي حبوبه...
ياقلبي القطيعه ماهي حل وثلاثه شهور كثير زوريهم وخليكي رسميه وطنشي المشاكل لابد منها ووسعي صدرك المشكله بسيطه وكلوا كلام لايودي ولايجيب :)
الصفحة الأخيرة