مشفوحه وماعندها اسلوب بالمررررررره....

السلام عليكم

شلونكم بنات ؟؟؟؟

وحشتوني........ لطالما كنت أتابع المنتدى وخصوصا المشاكل الاجتماعيه لكن عمري ما كتبت موضووع
السالفه صايره بشهر رمضان اللي طاف وتقرقع بقلبي
لكن من القهر اللي فيني من الموقف اللي صار وشلون أني ما قدرت أتصرف أو أتكلم بنفس الوقت قلت لازم أشوف ردودكم لعل وعسى أني ألقى عالى الأقل ردود تريح بالي

أنا عمري 20 سنه وبشهادة الجميع وماأمدح بنفسي جميله

المهم مرت خالي سوت لنا عزيمة عشاوعزمتنا وعزمت أهلها وخواتها (ووحده منهم مطلقه وعمرها .24 وأنا علاقتي فيها بس مسجات بالموبايل يعني أنا كنت راسمه في بالي أنها شي ثاني ويوم شفتها بالعزيمه كنت رسميه معاها شوي وكل وحده مستحيه من الثانيه )

وكنت أنا في ذاك اليوم لابسه لبس من أحسن مايكون المهم قعدنا نسولف شوي قبل العشا شاي وقهوه وسوالف رايقه وحلوه والبنت هذي مسويه نفسها عاقل وهاديه ويعنني (اتيكيت) المهم لما طلعنا عالبوفيه وكل وحده خذت صحنها وراحت الصاله يعني صارت غرفة البوفيه ما فيها أحد المهم هي حست أن خلا لها الجو وقدرت تعبر عن الشفاحة وقلة الذوق اللي فيها على راحتها وخصوصا اني أصغر منها بالسن جتني وقالت بلا مقدمات ولا احم ولادستور أنا بقول لأمك تشغلك في بيتكم وتتعبك إلين ما تضعفين وأنت صايره بيضا أول كنت سودا وأنت أكيد تاكلين من أكل الجامعه الصحي ومن هالكلام اللي بصراحه أعتبره حسسسسسسسسسسسد علني :30: حتى لدرجة أني من الصدمه ما قدرت أتكلم وأرد عليها قعدت أطالعها بغباء:( والسالفه ما وقفت عند هذا الحد:09: يوم رحنا ناكل أنا حاولت أني أتجاهلها بأي سالفه تقولها المهم قالت أنت علمينا شنو تسوين بعمرك أكيد مرتاحه نفسيا؟؟ ويوم رجعنا للبيت قلت لأمي السالفه أمي ضاق صدرها وقالت ليش ما قلتي على الأقل ناخذ من أثرها وضاق صدرها حيل واتصلت على خالتي بنفس اليوم وقلتلها بالسالفه قالت ما عليكم هي كذا على نياتها واللي بقلبها تقوله بس كلامها ما أقنعني


بنات شوفوا مع ان السالفه طاف عليها أكثر من أربع شهور بس للي ألحين افكر فيها وشلون ما قدرت أكلمها وشلون فيه ناس مشافيح لهالدرجه ؟ وما عندهم ذوق.... يمكن بعضكم يقول أنا مغروره لكن العكس صحيح بس أبي أعرف اذا أنتو مرت عليكم مثل هالمواقف أو مثل هالفئه من الناس شلون بيكون تصرفكم؟؟؟؟؟؟؟؟



بانتظار ردودكم على أحر من الجمر..........


دمتم بود:26: