أنا كنت أعاني من نفس مشكلتك ....حبوب وآثار الحبوب وبشرة حساسة تثور من أي شي ..لدرجة أثرت على نفسيتي...
بس الحمد لله رحت لطبيب جلدية واعطاني علاج رهيب فادني كثير...وبعدها قلت للحبوب ....باااااااااااااااااي

والعلاج هوعبارة عن :

1- كبسولات نوعين لونها وردي ورصاصي هذي فايدتها انها تنشف الدسم اللي في الوجه وراح تحسين بجفاف في الوجه والحلق والشفايف بس ولا يهمك اشربي موية كثير واتحمليها لأنها ممتازة وعلى مسؤليتي ... تاخذي حبة من كل نوع يوميا لمدة شهر وبتشوفي النتيجة.....

2- تركيبة كريمات من ضمنها ( ريتين اي ) وكريم مرطب وكريمات ثانية يخلطها مع بعض تستخدمينها مرة واحدة في اليوم لمدة شهر وهذي التركيبة تقوم بتقشير الوجه وإزالة آثار الحبوب...

3- تركيبة كريمات تحتوي على كريم مبيض وكريم مرطب و ( ريتين أي ) تستخدمينها مرة واحدة يوميا أو يوم بعد يوم لحد ما ماتشوفي نفسك وصلت للبياض المطلوب بس احذري من المبالغة في استخدامه حتى ما يطلع وجهك لون وجسمك لون ثاني يعني شوية تفتيح أحسن من البياض الفاقع ...

أدري ان كورس العلاج طويل شوية بس نتيجته رهيبة تنظف الوجه وتزيل الحبوب وآثارها وتشيل الزوان وتفتح البشرة ...يعني من جد تستاهل الصبر والمصاريف لأن الدواء غالي شوي ...بس ما يغلى عليك .....

نصيحتي تروحي لطبيب جلدية وتسأليه عن الكبسولات وتركيبة الكريمات وتطلبيها منه وبالنسبة للكبسولات قبل استخدامها اتأكدي انك مو حامل وانك تستخدمي مانع حمل مضمون لأنها تسبب تشوهات للجنين ...

ان شاء الله أكون أفدتك .....وخذي مني بوسة:27: مع صوت وسعابيل..:23: :21:

مشكورة يا فروحة الحلوة (دقي اددي) احلي مافيها انها طبيعية مية بالمية:32:
حاولت اعصر مخي ادور لك خلطات على شان الأثار فية ةحدة ما توخر بس انا
استخدمها لما اجي اروح لعزيمه شوي تخفي الأثار المهم هي حليب بودرة + عسل
تخلطينهم بعدين تحطين الخلطة على وجهك 10دقايق بعدين تغسلينه وتحطين على وجهك بقطنه ماي ورد .





وانتي نجمة طرابلس (والله نجمة الدنيا كلها )مشششكورة على طريقةالتعقيم
وكنك عارفتني اقل شي يوترني على طول على وجهي احك فيه مع اني والله قاعدة
احاول بس دعواتك لي اتخلص من هل العادة. :30:

مرحبا.....آندي

اعذريني ... والله ناسية اسمها ...

لأني استخدمتها من أربع سنوات ......

بس أكيد اذا وصفت للدكتور شكلها ومفعولها راح يعرفها على طول...

تحياتي...:24:

..هلا و الله بالغاليات..

اوراق الورد...والله انك باقة ورد...لالالالالا...حديقة...لالالا...مزرعة كيلو في كيلو عليك القيمة..استيراد ممتاز..هولندي..:32: :32:

يعطيكي العافية ما قصرتي..

بأروح أخرع الدكتورة بوجهي...يمكن يجيها كوابيس..و عشان تفتك منها راح تعالجني..:22: :22:

الغالية: اسم على مسمى..:32:

تسلمين عالخلطة..بأحطها في وجهي اذا جا زوجي..عشان يعرف ينام بلى أحلام مزعجة:22:

و تسلمون حبيباتي ما قصرتو..ووافوني بما هو جديد في هذا المجال...

و لكم بوسة من فروووحة..دقي اددي...:27:

هلا يا بنات...

خير انشاء الله يا دقي اددي... الوصفة اللي عطوك اياها البنات لعلاج حق الشباب تنفع ايضا لازالة اللآثار.. بس الموضوع محتاج صبر.. لانها طبقات من الجلد الميت اللي انتي تبغينها تتحول الى بشره صافية...
بس في اكثر من طريقة... منها الصنفره المستمره.. اخلطي زيت اللوز مع سكر وافركي به وجهك مدة خمس دقائق...

والشي الثاني.. استخدام كريمات تبييض ممكن من الصيدلية.. او ان تضيفي زيت الجلسرين مع خلطة ماي الورد والليمون... جد رهيبة بس محتاجة تستمرين فيها.... فايدة الليمون التطهير والتبييض والجلسرين مع الليمون علاج لللآثار على البشره والماء الورد لتقليل الزيوت من البشره..

اختي أوراق الورد.... واختي آندي... العلاج اللي استخدمتيه هو نفسه اللي استخدمه انا وهو الروآكوتان Roaccutane .. دواء جدا فعال في علاج حب الشباب وآثاره.وهو عباره عن فيتامين ايه بس مركز جدا جدا.... بس لا ينصح للمتزوجات لأنه مثل ما قلتي يسبب تشوهات للجنين ويعطل مفعول موانع الحمل... حتى لما تاخذيه من الصيدلية او الطبيب يخلونج توقعين على تعهد بعدم الانجاب خلال هذي الفتره وانهم غير مسؤولين عن النتايج....

بالنسبة للكريم الريتن ايه Retin-A هو ايضا فعال.. بس للأسف ما نفعني غير الروآكوتان.. بس الدكتوره ما وصفت معاه اي شي .. يعني بس الكبسولات وكريم حماية للشمس..

اسفة على الإطالة... بس هذا طبعي احب اهذرب <------------:22:

وسامحوني...

اختكم
عفراء:32: