مشكلةالأسنان مع الحمل...

مساء الليل...
‏ ‏
‏ ‏ كيفكم ياحوامل وكيفكم ياأمهات...

‏ ‏ معليش حبايبي عندي مشكله وابغى منكم الحل للي عندها تجربه قبل فيها..
‏ ‏
‏ ‏ انا الله يسلمكم حامل باشهر التالت ومن 3 ايام بدا الألم فضرسي ومتل مانتو عارفين ماأقدر أخذ أي مسكن..

‏ المهم سكت سكت سكت لحد ماأنفجرت من كتر الألم .
تاني يوم رحت للدكتوره الخاصه بحملي.
‏ ‏
‏ وبلغتها انو مره تعبانه قالتلي روحي لدكتوره اسنان وقوليلها انك حامل وهي تتصرف...

‏ ‏ وصار نفس الكلام .بس ادتني مسكن قاالت يومين بس يخف الالتهاب تعالي اقلعلك هو..

‏ ‏ انا اللي حابه اسأله وابغى مساعدتكم فيها من قبل كذا صارلها نفس الشي وهل جربت البنج وسببلها ضرر لسمح الله..

‏ ‏ الله يستر عليكم ابغى رد بأسرع وقت لانو يومين ورايحه اقلعه ومن دون بنج اكيد ماأقدر اتحمل.


ساعدوني الله يسعدكم ..... وآسفه أذا طولت عليكم..