مشكلة أختي عمرها سبع سنوات

بسم الله الرحمن الرحيم....

أنا عندي أخت عمرها سبع سنوات مشكلتها العنادوأحس عندها فرط حركة .. يعني مستحيل تجلس دقيقة وحدة في مكانها ما تحترم أحد لازم في اليوم تظرب لها كذا أحد عن جد تعبنا معاها تخيلوا تظربنا احنا الكبار نكلمها بالطيب مانفع ظربنا مانفع طنشنا مانفع كمان.. يعـــــــــــني عن جد بننفجر منها.. كمان اتخذنا أسلوب التشويق برضوا ولا شي اللي في راسها تسويه..افيدوني أخواتي ايش ممكن نسوي.. والله لدرجة أعصابنا تفلت منا وندعي عليها.. والله خايفة عليها تخيلوا تقول أنا ابغى أموت عشان أصير عصفور في الجنة .. مرة رحنا الحرم وجلست على حافت مكان مرتفع قلتلها انتبهي لاتطيحي قالت خليني عشان اصير عصفور هيا بالله كيف الواحد يتعامل معاها.. وتظرب اختي اللي عمرها 10 سنوات ظرب وماحد يقدر يسوي شي .. ساعدوني وربي تعبنا معاها يمكن بعضكم مايشوفها مشكلة لكن والله اللي يشوفها يعرف اللي نحس فيه لدرجة الكل مايبيها...ساااااااااااااعدوني ولكم الأجر..