مشكلة أختي مع زوجها تفضلو وعطوني رايكم[e

اولا السلام عليكم ورحمة الله وبركاته

ومساكم الله بخير
بداية موضوعي اختي متزوجة اخو زوجي لها سنتين ونص تقريبا وعندها ولد وطبعا اختي ساكنة بجنب بيت ام زوجي وحوشهم واحد وطبعا اختي كانت هي اللي قايمة بأم زوجها وبضيوفها وببناتها اذاجو يعني مرره ماقصرت معاها بشي حتى تسوي لها فطورها الصباح بدري وقهوتها والغدا والعشاء وقهوة العصر يعني خادمتها وماقصرت باي شي بس ام زوجي مرررة نكدية وغييوور وتدخل بكل صغيره وكبيره لدرجه حتى بمراجعات المستشفى تركب معاهم ماتتركهمً بحالهم ابدد ناشبتن لهم بكل صغيره وكبيره وزوج اختي معطي اهله وجه بزياده اي انتقاد ينتقدون اختي فيه سواء بطبخها او بولدها علطوول يروح لها ويهاوشها عنده وخواته يسمع لهن كثييير وهن صاحبات كلاام ويمدحن عنده حريم ثانيات عشان مايقتنع بزوجته ويشجعنه على الرجوله اللي هم فاهمينها غلط للاسف عندهم ان الرجوله لاتقدر المره ولا تحترمها اهم شي تدق خشمها ولاتخليها تستقوي عليك وهو كذا مررره مسوي فيها رجوله على اختي ببدايه زواجهم كان ماشي الحال مع انه مادلعها بس اقل شي ماكان يهينها بس كان يمنعها من الزيارات ومن الطلعات وحتى انا اختها احيانا اعزمها ماتجي تقول ان زوجي رافض يبغاني اطبخ لامه ولاخوانه وكنت انا اجيها اكثر من ان هي تجيني وحتى اهلي ماكان يوديها لهم الا بطلعه روح مع انهم مو بعيدين عنا بس18كيلو تقريبا كان مايوديها الا فالشهر مره بعد محاولات كله عشان امه ماتلقى من يخدمها ووللمعلومه خواته3وكل يوم وهن جايات ومشرفات عند امه ولايساعدنها هي تطبخ لهن ولعيالهن ويجن تقريبا بالاسبوع مرتين او ثلاث مرات يتواعدن ويجتمعن ببيت امهن واختي هي اللي تجهز لهن الاكل والقهوه المهم بعد فتره اختي سمعت انه زوجها خاطب له وحده بس رفضوه مازوجوه وطبعا هذي الي خطبها كله من مدح خواته وامه له راح وخطبها يبغون ينكدون هلى اختي وهي خادمتهم بكفوف الراحه
واختي سكتت ماقالت شي لا لزوجها ولا لخواته. ومرت الايام وقبل شهر تقريبا امه راحت تتمشى وكانت اخته الكبيره في البيت في بيت امها هي وعيالها واخوها ماتزوج المهم كانت اختي تعبانه وقال لها زوجها اصحي الصباح وجهزي لاخوي ولاختي الفطور قالت له اختك لها اربع ايام موجوده خلها تسوي فطور لاخوها انا تعبانه المهم وهو يستقوي عليها زوجها وجلس يضربها ويهينها وقال لها تبغين اختي شغاله لاخوي انتي تسوين له غصبن عنك المهم تهاوشو واختي كلمت اهلي وقال لها اخوي ماراح اجيك انتظري لين تجين عندنا وبراحتك اذا ماحبيتي ترجعين له براحتك وطبعا اخوي كلم زوجها وكلم اخوانه وقال لهم ترى مانرضى اختي تهان ولاتضرب ومشوا الامور لكن زوجها زاد بزياده بالاهانه والاوامر وام زوجي يوم درت بالسالفه جلست تهاوش وتزيف كلام من عندها وتقول انه اختي قايله انا ماني شغاله لامك ولخواتك وحطو كلام ماقالته اختي المهم اختي انهارت تعبت حتى ماصارت تاكل تعبت نفسيتها من حياتها وام زوجي حرمت اكل اختي وزوج اختي كام يجبرها تسوي لامه لو هي ماتبي واختي مشت ع اوامره وتطبخ لها وهي تكبه للبهايم ماتاكله واستمرت شهر كامل على هالحال وبعد كذا وداها لاهلي عشان تزورهم واختي جلست عند اهلي وقالت والله مارجع له الا بسكن مستقل البيت اللي بحوش امه وهانوني فيه مارجع له وجلست عند اهلي وجاء بياخذها زوجها ورفضت وقال له اخوي ان هي زعلانه منك وماتبي ترجع للبيت لانها تقول انها مومرتاحه فيه وانهانت فيه من الجميع قال زوجها خلها تجلس عندكم بس هات لي ولدي وجاب له الولد وطبعا هو صغير1ونص واخذ ولده وراح لاهله ويوم راح لاهله قال لهم انه احوها رمى الولد بوجهي واخذ اخته وهذا طبعا كله كذذب اخوي مارماه فوجهه هو اللي طلب الولد. والحين الولد عند ام ابوه وجالسين يخططون انهم يزوجونه ويتركون اختي معلقه
ايش رايكم بالسالفه وايش نصايحكم اتمنى مانطلعون من الموضوع الا بردود وربي يعطييكم الف عافيه