مشكلة أخوي

الأسرة والمجتمع

السلام عليكم

مادري هذا المكان المناسب والالا
ترددت كثير اني اكتب هنا بس والله تعبت وماني قادره أتحمل اكثر من كذا ماأدري وش الصح من الغلط.
 المشكله لأخوي الصغير عمره 13 كان مميز بالدراسه مره لدرجة إذا جوا التوجيه للمدارس دايم يقولون الولد هذا مميز ومن سادس بدأ الأهمال 
لازم أكون وراءه أخليه يذاكر ويحل الواجبات وفي اولى متوسط ضعف مستواه أقل من قبل مشكلته مايذاكر والاهو ذكي الحمدالله وجاب نسبه حلوه 
بس السنه هذي من بداية الدراسه كره للمدرسه ماهوطبيعي ومايدرس بالأسبوع الايومين ولايحل واجبات ابدا ولاله ولادفتر واجبات  والصباح مايروح الاهو مطلع روحي ماأدري وش الحل؟
 والمشكله الثانيه علاقتي معه تغيرت مره مايمر يوم الا نتهاوش وأنا اللي ربيته من هو صغير امي كانت تعبانه والله تركت كل شي وتفرغت له وهالحين أذا جاء االليل اتحسف على كل شي صار بالنهار بيني وبينه ماني قادره أعرف اتعامل معه تعبت والله يارب دلني على الصحيح.
والأيام هذي مايروح للمسجد الابطلعة الروح  عنده تهاون ماهو طبيعي مع أنه كان محافظ ع الصلاه لأن أبوي شديد مع اخواني بالصلاه يزعل إذا ماصلوا .
وفيه سالفه لو بقولها لأهلي ضحكوا علي لأنهم مأيأمنون بسالفة العين فيه مدرس كان يقوله أنت كمبيوتر ويكررها كثير وأذا شاف أبوي بأي مكان دايم يكرر ولدك شاطر ولدك أحسن واحد بالفصل بس مأقدر اضلمه هو يقول ماشاءالله والالا.

وسامحوني على الأسلوب ماأعرف أكتب اول مره انزل بهذا القسم ولاتضحكون عليه وجهوني للصحيح خصوصا للأمهات كيف تتعاملون مع ابناءكم المراهقين وجزاكم الله ألف خير
وجعل كل من رد عليه ووجهني  لجنات النعيم.
20
3K

يلزم عليك تسجيل الدخول أولًا لكتابة تعليق.

تسجيل دخول

ام عز الطعوم
ام عز الطعوم
الله يهديه ويصلحه ...ادعيله وارقيه لما ينام وحصنيه عسي الله يحفظ لنا ما اعطانا 
جووورية جده
جووورية جده
ليش مايئمنون بالعين العين حق اقسم بالله اخي مر بذي الفتره كان متفوق والاول على فصله وهو اخر سنه في الثانوي جاه عين كره الدراسه وبس يسوي مشاكل مع الطلاب ومعنا مع انه كان محافظ على صلاته تخيلي في الاختبارات يجيه صداع فظيع مايقدر يحفظ ولا يركز وبعد الاختبارات اختفى طبعا رسب اخذه ابويه لشيخ قال عين قويه وحسد والحمدلله بعد شهرين تحسن والحين ماشاء الله عليه الله يحفظه امام مسجد ومدير محكمه ربي يبعد عنا وعنكم وكل مسلم شر العين حسبي الله وكفى في كل عيان مايذكر الله 
أنا ندمانه
أنا ندمانه
بقولك شي ماشاء الله عليكي والله يخليكي له ولاهلك يااااااااارب ويخليه لكم حسيت انك ماشاء الله تبارك الله مهتمه في اخوكي

اسمعي عادي قولي لأاهلك القصه وقوليلهم ليش لا ممكن يكون عين ؟؟ وحاولي تقنعيهم بقصص ثانيه مثلا اذا انتي متاكده انه

ممكن يكون عين بس كمان حالوي تشوفي هو مع مين يمشي ؟؟ امكن تغيرت صحبته صار يمشي مع شله ثانيه وطبعا هذه

حاولي تسألي بس طبعا مو أسأله مباشره قوليله كيف حال فلان ؟؟ واحد كنتي تعرفي انه من شلته وشاطر اذا قالك ماعرف عنه

شي او ماادري ماصرت امشي معه او هو ماصار يمشي معنا اعرفي انه ممكن تغير بسبه اللي معاه
عايشه بعزك ياوطن
جزاكم الله خيرعلى الرد المشكله ماأدري كيف ارقيه  بيقول وش فيني تقرين عليه
يصلح القراءه عليه وهو نايم

جوريه جده  اليوم مرتب كتبه ومتجهز بيدرس  وفجئه يغير رايه

لاتنسونه من دعواتكم والله ضايقه فيني الدنيا حتى لونفصله من المدرسه ماهو حل
محبة مكة11
محبة مكة11
احتويه
هو الان في سن المراهق
ما يبغاك تعامليه زي الابتدائية
هو الان بيشوف نفسه كبير
حاولي تقرئي عن سنه
اصعب مرحلة هي مرحلة المراهق